Isaiah 5:11 - Tedim Bible

¹¹ Zingsang tungin tho-in, kham theih zu delhin, leenggah zu in amaute a satsak pialpual matengin nitakin a tut kho mite in gimna ngah ta hen!

Tedim Bible Revision 2017

¹¹ Zingsang tungin tho-in, khamtheih zu delhin, leenggahzu in amaute a satsak pialpual matengin nitakin a tut kho mite in gimna ngah tahen!

Isaiah 5:11 Referans Kwoze

ROM (Romans) 13:13

Pawikhamna, guih theih zu kham luatna ahi zongin, hukna, lanna kihhuaina ahi zongin, kitotna, kidemna ahi zongin tangin, sun laitak mah bangin kilawmin gamta ni.

Isaiah 5:22

Leenggahzu tampi a dawnte, kham theih zu nek a hatte,

Paunak 20:1

Leenggahzu in kam tam sakin, khamtheih zu in kitawngsak a, zu khamna in haina ahi hi.

Galati 5:21

en’na, zukham luatna, pawikhamna akipan tua bang gamtatnate ahi uh hi. Tau banga gamta mite in Pasian’ Gam a luah kei ding uh hi ci-in nidanga kong cih mah bangin tu-in zong ka hong ci khol hi.

1 KORIN MASA 6:10

sum gutate, huaiham duhhopte, zukham theite, hangsan kosiate, zawhthawh bawla sum sutte in Pasian’ Gam a luah kei ding uh hi.

Luka 21:34

“Note na kikeem ta un. Ahih kei leh, annek tuidawn hih nuntakna leh lungman’na hangin na lungsim uh a gim lai takin, tua Ni in thang kisai bangin note tungah a hong tung ding hi.

Isaiah 28:1

Efraim minam zukhamte’ kisaktheihna leihoih zangkuam i lutunga kisuang, a vulgawp paak ahi, a vanglian ama hoihna tawh zukham a, a pukte’ kisak theihna tua kumpi lukhu in gim ngah ta hen!

Habakkuk 2:15

Na hehna uh tawh na gam vengte uh niamkhiatin na mindaisak uh a, zukham bangin amaute hoisak na hih manun, gimna na ngah ding uh hi.

Paunak 23:32

A tawpna-ah gulpi bangin hong tu ding a, gul gu nei bangin hong tu ding hi.

1 SAMUEL MASA 25:36

Tua ciangin Nabal kiangah Abigail hong tung hi; en in, kumpipa’ pawi tawh kibangin amah in a inn sungah pawi na kham hi. Nabal lungnuam mahmah hi; bang hang hiam cih leh amah in zu kham mahmah hi; tua ahih ciangin zingsang khuavak mateng ama kiangah bangmah gen peuhmah lo hi.

2 SAMUEL NIHNA 19:35

Tu ni-in kei kum sawmgiat ka pha hi; a nuam leh a nuam lo khentel thei nawn ka hi hiam? Na nasempa in a nek ahi a, a dawn ahi zongin a limna phawk thei nawn ahi hiam? Lasa numeite leh lasa pasalte’ aw za thei nawn ka hi hiam? Tua ahih ciangin bang hangin ka to kumpipa tungah na nasempa in vangik kibehlap hong hi ding ahi hiam?

Isaiah 22:13

ahih hangin note in lungdamna leh kipahna, bawngtalte leh tuute gawhna, sa nekna leh leenggahzu nekna na nei zawsop uh a, “Zing ciangin si ding i hih ciangin ne-in dawn ni” na ci uh hi.

Isaiah 24:9

Zu phungah lungdam a, la sakna om nawn lo a, zu khempeuh sia-in kha gawp hi.

Isaiah 28:3

Efraim zukhamte’ kisaktheihpih ahi tua kumpi lukhu kituancil ding hi. Leihoih zangkuam’ lutung a, a kisuang a vulgawp paak ahi a vanglian ama hoihna in anlak hun ma-a a min theithekgah tawh kibangin, mi khatpeuh in a muhphetin lo in, a khut sungah tawi-in, a valh bangin maimang ding hi.

Isaiah 56:12

Amaute in, “Hong pai un leenggahzu la ni, kham theih zu ne-in gilvah ni; zing ciangin zong tu ni mah bangin gen zawh lohin nuam ding hi,” ci uh hi.

Habakkuk 2:5

Hauhna in zuaupi hi a, a huaiham mi in kiphasakin omkhong thei lo a, hankhuk mah bangin, pha zo, cih om sak thei lo a, lungkim hun cih nei thei lo hi. Tua ahih manin minam dangte a ban banin simin uk hi.