Isaiah 5:10 - Tedim Bible

¹⁰ Bang hang hiam cih leh leenggah lo eeka sawm in phelpi khat dim bek gah ding a, khaici beem khat in an seu khat bek piangsak ding hi.”

Tedim Bible Revision 2017

¹⁰ Bang hang hiam cih leh leenggah lo eka sawm in phelpi khat dim bek gah dinga, khaici beem khat in an seu khat bek piangsak ding hi,” ci hi.

Isaiah 5:10 Referans Kwoze

Siampi Laibu 26:26

Keimah in note’ nuntakna an ka suksiat ciangin, nupi sawm in meibung khat sungah na anlum uh em ding a, na anlum uh a tawi tehin hong pia kik ding hi; note in na ne ding uh a, na kham zo kei ding uh hi.

Haggai 2:16

An seu sawmnih pha ding ci-in ansal-ah na pai uh ciangin seu sawm bek na pha a, leenggahzu thawlpi sawmnga pha ding ci-in leenggahzu kholna beelpi ah na pai uh ciangin thawlpi sawmnih dim bek a na pha hi.

Haggai 1:6

Khaici tampi na tuh uh hangin an tawm bek na la uh a, an nek ding na neih tei uh hangin na kham ding uh na nei kei uh hi. Dawn ding leenggahzu na neih tei uh hangin na kham ding uh na nei kei uh hi. Puan silh ding na neih tei uh hangin a lum khop ding na nei kei uh hi. Sum thalawhte in zong a khamkhop ding uh thalawh zo lo uh hi.

Joel 1:17

Guahtui om lo ahih manin, khai kituhte lei sungah keucip a, an khol ding om nawn lo ahih manin, ansal khempeuh kisia khin ta hi.

Siampi Laibu 27:16

“Mi khat in a luah ahi ama leitang phel khat Topa tungah a ap leh, nangma sehna pen khaici tawh kizui hi ding hi; mangbuhham beem khat a pawina leitang pen ngun shekel sawmnga-in kiseh ding hi.

Thu-hilhkikna 28:38

Khaici tampi lo-ah na tuh ding uh a, ahi zongin tawmno bek na khawm ding uh hi; bang hang hiam cih leh kauphe in nemang ding hi.

Thu-hilhkikna 28:39

Note in leenggah lo zuanin na puah ding uh a, ahih hangin leenggahzu dawn loin, leenggah zong na ne kha kei ding uh hi; bang hang hiam cih leh lung in tuate ne ding hi.

Isaiah 7:23

Tua ciangin ngun shekel tul khat a man leenggui tul khat a omna mun khempeuh pen lingkungte leh lingte suak ding hi.

Jeremiah 48:33

Lei hoih mahmah Moab gam panin lungdamna leh kipahna kila khia ta hi. Leenggah cilna panin leenggahtui ka luang khiasak nawn kei a, lenggah cil-in kuamah lungdamin a kiko nawn kei hi; a kikona uh lungdam kikona hi lo hi.

Paikhiatna 37:22

Amau’ nunte leh a hiangte in tua tawh sakhat ahi hi; a buppi-in kham citak a kiseek sakhat ahi hi.