Biblia Todo Logo
Bib sou entènèt

- Piblisite -




Isaiah 49:8 - Tedim Bible

8 Topa in ama mite kiangah, “Note hotkhiat ding hun a tun ciangin maipha kong pia ding a, huhna nong ngetna uh kong pia ding hi. Note hong kemin kong hu ding a, note tung tawnin mi khempeuh tawh thuciamna ka bawl ding hi. A kinusia na gam puahpha in a sung uhah, note a luah dingin kong teengsak kik ding hi.

Gade chapit la Kopi

Tedim Bible Revision 2017

8 Topa in ama mite kiangah, “Note hotkhiat ding hun a hong tun ciangin maipha kong pia dinga, huhna nong ngetna uh kong pia ding hi. Note hong kemin ka hong hu dinga, noteʼ tungtawnin mi khempeuh tawh thuciamna ka bawl ding hi. A kinusia na gam sung uh ah note kong teengsakkik ding hi.

Gade chapit la Kopi




Isaiah 49:8
31 Referans Kwoze  

Bang hang hiam na cih uh leh: “A kilawm hun ciangin nangma kam ka ngai hi, gupna ni ciangin nang kong huh hi,” Pasian in a cih mah bangin tu laitak in a kilawm hun ahi hi, tu laitak in gupna ni hun ahi hi.


“Keimah in Topa ka hi a, thumanna tawh nangmah hong samin, ka khut tawh nang hong lenin kong kem hi; mittawte a vaksak ding, leinuai thong sung panin thongkiate a lakhia ding, thong sung a mialna mun a, a tu mite a lakhia dingin, mite tungah thuciamna ahi ding, Gentailte tungah khuavak ahi dingin nang kong koih khin hi.


Topa aw, kei ka hih leh nangma tungah thu kong ngetna in, a kicing na itna kip tawh a hun hoih ciangin hong dawng in, Pasian aw.


Amaute in tang lai-a a siasate lampha ding uh a, a kisiamai-sate ding kiksak ding uh hi; amaute in khang tampi sung a kisia maisa khuapi siate puahkik ding uh hi.


Tang lai-a a kisia na munte uh na lamkik ding uh a, khang tampi sung a kisia bulpite na dingtosak kik ding uh hi; note pen, kulhsia a puahkik, teen’ nadingin mun siate a ngei a bangsak kikte hong kici ding hi.


Tua Khazih in mi pumpi bangin a om lai takin, sihna pan a honkhia zopa kiangah kikona, khitui luan’na tawh thungenin thuum a, Pasian kihtakna lungsim hangin thungaihna ngahin,


Vantungte zalin, lei bulpi ka phut a, Zion kiangah, ‘Nang in keima mi na hi hi. Na kam ah ka thu kong koih khin a, ka khut lim tawh nang kong hu hi,’ ka ci hi,


a nasempa’ thu kip sakin, a kamtaite’ thugente a tangtungsak; ‘Jerusalem khua-ah mi teengin, Judah khuapite kilamkik ding a,, a kisia khuate ka lamkik ding hi’;


Zeisu Khazih hangin ama tapa-za i ngah nadingin hong deih hong hehpihna hangin, amahmah adingin amasa-ah hong koih khol hi.


Bang hang hiam cih leh taklam leh veilamah nangmah kizeelin, na suan leh khakte in minamte luah ding uh a, a kinusia khuapite mi tawh dim sak ding uh hi.


“A kisia, a kinusia nangma munte leh a kisusia nangma gamte in, nangma tunga a teeng mite’ adingin kawcik lua taktak ding a, nang hong valhtum mite pen gamlapi-ah om ding uh hi.


Keimah in ka huh, keima teel, ama sungah ka lungkimna ka nasempa en un; ka Kha tawh amah ka kidimsak a, amah in minam khempeuh tungah thuman tungsak ding hi.


Topa aw, nang hong muang a, nangma tungah a lungsim kip mipa, lungnopna kicing na pia ding hi.


Leitung leh a tunga teengte khempeuh a kilin’ ciangin, a khuampite a kipsakpa in keimah ka hi hi.


Keima tungah hong ngen in; nangma luah dingin minamte ka bawl ding a, leimong dongin nangma neihsa ka hisak ding hi.


Tu-in ahih leh, Zeisu in a phazaw thuciamnate tungah kip-a a kikoih a phazaw thuciam kikhapna ahih mah bangin, tua sang a lianzaw biakna nasepna za a ngah hi.


Bang hang hiam na cih uh leh, hih in mi tampite’ mawhna kimaisak nading a kibuasa, thuciamna thak ka sisan ahi hi.


Bang hang hiam cih leh Topa in Zion hehnem ding hi; a kisia ama munte khempeuh puah pha-in, ama gamlakte Eden huan ka bang sak ding a, a kizang thei lo ama gamte Topa’ huan ka bang sak ding hi; ama sungah lungdamna leh kipakna, lungdam kohna leh la sakna aw om ding hi.


Amah in keima min dingin inn khat lam ding a, keimah in ama kumpigam tokhom a tawntungin ka kipsak ding hi.


Keimah, Topa in tua lo hongpa ka hi a, a hun hunin tui ka buak hi. Khatpeuh in a suksiat loh nadingin sun leh zan-in ka hong a,


nang tawh hong om ka hih manin lau kei in, na Pasian ka hih manin lungkia kei in; nang hong thakhauh sakin kong huh ding a, nang hong hu-in ka dikna khut taklam tawh kong honkhia ding hi.


“A kimuh theih hun lai-in Topa zong un la, a nai om lai-in amah sam un;


Nang cimawh-in na kiko ciangin na milim kaihkhopte kihonsak in! Huih in amaute mutkhia-in, husan’na in amaute seem khia ding hi. Ahih hangin kei hong beel mi in leitang ngah ding a, ka mual siangtho luah ding hi.


Maugua kun bangin na lu uh kunsakin, puanhampi leh vut tungah lumin, nomau na kiniamsak tawmnate uh kei’ deih antan’na sa na hi uh hiam? Hih bang hihna pen antan’na leh Topa’ san’ theih hi ci ding na hi uh hiam?


Topa maipha ngah kum, a galte tungah Pasian phulak ding hun a tun’na thu a gen ding, a thuum mi khempeuh a hehnem ding;


Jakob sung panin Judah minamte thupha ka pia ding a, amau’ suan leh khakte in mualtung gam a luah ding uh hi. Keima na hong sem, keima teel mite, tua gamah teeng ding uh hi.


Swiv nou:

Piblisite


Piblisite