Isaiah 49:7 - Tedim Bible

⁷ Israel a Tankhia-pa leh ama Siangtho Pa ahi Topa in, nakpi takin simmawhna a thuak, minamte in a muhdah, gam ukte’ nasempa tungah: “Nangmah hong teel, Israelte’ Siangtho Pa, a thuman Topa’ hangin, mite na hotkhiatna thu kumpite in a muh ciangun zahtakna tawh na mai-ah hong ding ding uh a, na mai-ah uliante, hong kun ding uh hi,” hong ci hi.

Tedim Bible Revision 2017

⁷ Israel a honpa le ama Siangtho Pa ahi Topa in nakpi takin simmawhna a thuak, minamte in a muhdah, gam ukteʼ nasem pa tungah: “Nangmah a hong teel Israel-teʼ Siangtho Pa, a thuman Topa’ hangin mite na hotkhiatna thu kumpite in a muh uh ciangin zahtakna tawh na mai ah hong ding ding uh a, na mai ah uliante hong kun ding uh hi,” hong ci hi.

Isaiah 49:7 Referans Kwoze

Mattiu 26:67

Tua lai takin amau in Zeisu’ maitang cil tawh phih uh a, khut tumin a tum uh hi. Kimkhat in khutpeek-in a beeng uh hi.

1 PETER MASA 2:4

Mite in a nilkhiat hangin Pasian’ teel nuntakna suangpi ahi, tua Topa kiangah pai-in,

Isaiah 53:3

Amah pen mite in simmawhin nusia hi; gimna leh natna a thuak mi ahi hi; mite in en nuam loin a mai uh a humsan mipa bangin amah kisimmawh a, eite in amah i thusim kei hi.

Mattiu 20:28

Tua mah bangin, Mihing Tapa in midangte na sem sak dingin hong pai ahi kei hi. Midangte’ na sem ding a, mi tampi tankhia ding leh, a nuntakna pia dingin a hong pai hi,” a ci hi.

Isaiah 48:17

Israelte’ Siangtho Pa, nangmah hong Tan, Topa in: Keimah in, phattuamna na ngah nading a, a hong hilh, na zuih ding a, kilawm lampi-ah a hong paipih Topa na Pasian ka hi hi.

Isaiah 49:23

Kumpite pen nang hong kem pate hi ding a, kumpinute pen nang hong khoi na nute hi ding hi. Amaute in a maitang uh lei lak ngatin nang kiangah hong kun ding uh a, na khe-a leivuite liak ding uh hi. Tua ciangin keimah in Topa ka hihna na thei ding hi; kei sungah a lamente maizum lo ding hi,” a ci hi.

Isaiah 49:1

Tuipi kulh gamte aw, ka thu ngai un la, gamlapi-a om mihingte aw, ngai un. Ka suah ma-in Topa in kei hong sam a, ka nu’ sungah ka om lai-in amah in ka min hong phuak hi.

Zekhariah 11:8

Kha khat sungin tuucing thumte ka notkhia hi. Bang hang hiam cih leh amaute tungah ka lungduai zo nawn kei a, amaute in kei hong mudah uh hi.

Isaiah 52:15

tua ahih ciangin amah in minam tampite dipkua sak ding a, ama hangin kumpite in a kam uh cih ding uh hi; bang hang hiam cih leh amaute tunga a kigen ngei lo nate mu ding uh a, amaute in a zak ngei loh uh nate theitel ding uh hi,” ci hi.

Isaiah 42:1

Keimah in ka huh, keima teel, ama sungah ka lungkimna ka nasempa en un; ka Kha tawh amah ka kidimsak a, amah in minam khempeuh tungah thuman tungsak ding hi.

Johan 19:15

amaute in, “Tua pa that in, tua pa that in, singlamteh tungah that in!” ci-in a kiko uh hi. Pilat in, “Note’ Kumpipa singlamteh tungah that ding ka hi hiam?” ci-in a dot ciangin, “Kaisar kumpipa longal adang kumpipa ka nei kei uh hi,” ci-in siampi liante in a dawng kik uh hi.

Luka 23:35

Mite in enin a ding uh hi. A ukte in, “Hih pa in midangte a gum thei hi. Pasian’ teelsa Khazih ahih takpi leh, ama pumpi kigum ta hen,” ci-in a zahko uh hi.

Luka 23:23

Ahih hangin amaute in Zeisu singlamteh tungah thah nading nakpi takin a kiko uh hi.

Isaiah 60:10

Gamdang mite in na kulhte ciangkik ding a, amau kumpite in nangma na hong sem ding uh hi; bang hang hiam cih leh ka hehna tawh nang kong vat gawp khin a, ahih hangin tu-in keima maipha tawh nang tungah hehpihna kong nei khin hi.

Isaiah 60:3

Nangma khuavak sungah minam dangte hong pai ding uh a, nangma taan’khiatna sungah kumpite hong pai ding uh hi.

Isaiah 50:6

Hong satte tungah ka nung ka dawh a, ka khamul hong kai mite tungah ka paang ka dawh hi; maizumna leh cilphihna panin ka maitang ka hei kei hi.

Isaiah 48:7

Hihte pen, tu hunin a piangsak ka hi a, a beisa hun ah hih bang piang nai lo hi. A piang khinsa thu hi leh, ka theih uh thu hi, na ci kha ding uh hi.

Late 68:31

Izipt gam panin sumngo lakhiasak in la, Pasian tungah thungetna-in Ethiopia gam a khut zansak mengmeng in.

Mangmuhna 11:15

Sagihna vantungmi in peengkul a tum ciangin, “Hih leitung gam in i Topa leh ama Khazih gam a suak zo hi. Amah in a tawntungin a uk ding hi,” ci-in vantungah nakpi-in a genna aw ka za hi.

Mangmuhna 3:7

“Filadelfia khua-ah a om pawlpi’ vantungmi kiangah hih bangin gelh in. ‘A siangtho mi, a thuman mi, David’ konghon’na a nei mi, kuama khak theih loh dingin hongin, kuama hon’ theih loh dingin a khak thei mi’ thupiakna in:

Johan 19:6

Siampi liante leh upate in Zeisu a muh uh ciangin, “Singlamteh tungah that in! “Singlamteh tungah that in!” ci-in a kiko kik uh hi. Pilat in, “Nomau in amah la un la, singlamteh tungah that un. Ama tungah mawhna ka mu kei hi,” a ci hi.

Johan 18:40

Amaute in, “Hih mi khah ding ka deih kei uh hi; Barabbas na khah ding ka deih uh hi,” ci-in nakpi-in kiko kikin a ngen uh hi. Barabbas in misuampa ahi hi.

Luka 23:18

Ahih hangin mite in, “Tua pa that in la, ko kiangah Barabbas hong khah in,” ci-in aw khatin a kiko uh hi.

Luka 22:27

Kua lianzaw hiam: sabuai ah tupa lianzaw hiam? Nasempa lianzaw hiam? Sabuai ah a tupa lianzaw hilo ahi hiam? ahih hangin note lakah nasempa mah bangin ka om hi.

Isaiah 60:16

Nupi khat in a ta nawi pia-in limtakin a kep bangin, ninamte leh kumpite in nang hong vakin hong kem ding uh hi. Tua ciangin kei pen Topa, nangmah Honpa, nangmah Tankhiapa, Jakob’ Vanglian Pa ka hihna na thei ding hi.

Late 69:19

Keimah hong kisimmawhna, ka maizumna leh ka mindaina nang na thei a, ka galte khempeuh nang na thei hi.

1 KORIN MASA 1:9

I Topa ahi ama Tapa Zeisu Khazih tawh kipawlna sungah hong sam Pasian in ciam pelh mi ahi kei hi.

Piancilna 27:29

Mite in nangma' na hong sem hen la, minamte na mai-ah hong kun ta uh hen. Na sanggamte' tungah topa hi in la, na sanggamte’ suan-le-khakte, na mai-ah hong kun uh hen. Nang hong samsia peuhmah in samsiatna ngah hen la, nang thupha hong pia peuhmah in thupha ngah ta hen!” ci hi.

Thu-hilhkikna 7:9

Tua ahih ciangin Topa na Pasian uh Pasian hi a, amah itin a thupiakna a zuite tungah khang tul khat dongin thuciamna leh itna kip lenin a thuman Pasian,

Late 47:9

Uliante in Abraham’ Pasian’ mite tawh kikhawm uh hi. Bang hang hiam cih leh leitung’ lumte in Pasian aa ahi hi; amah sangpi-in kithangsak hi!

Isaiah 14:1

Topa in Jakob hehpihin Israel teel kik ding a, amaute pen a gam uhah koih kik ding hi, khual mite in amaute pawlin Jakob innkuan beel ding uh hi.

Isaiah 19:21

Topa in Izipt mite tungah amahmah kitheisak ding hi; tua ni ciangin Izipt mite in Topa thei-in biak piakna leh meihal tawh bia ding uh a, amaute in Topa’ tungah thuciamna bawl-in, tua thuciamnate sem ding uh hi.

Isaiah 19:23

Tua ni ciangin Izipt gam panin Assiria gamah lam lianpi khat pai-in, Assiria mite Izipt gamah hong pai ding a, Izipt mi Assiria gam sungah pai-in, Izipt mite in Assiria mite tawh bia khawm ding uh hi.

Isaiah 27:13

Tua ni ciangin peengkul lianpi khat kitum ding a, Assiria gam sunga a mangthang mite leh Izipt gam sunga a kihawlkhia mite hong pai-in Jerusalem mual siangtho tungah Topa bia ding uh hi.

Isaiah 49:26

Nang hong nengniam mite pen amau’ satak mah ka ne sak ding a, zukham bangin amau’ si mah kham ding uh hi. Tua ciangin, kei pen, Jakob’ Vanglian Pa, nang hong Tankhiapa, nang hong Honpa Topa ka hihna mi khempeuh in thei ding hi,” a ci hi.

Isaiah 66:23

Khadet khat pan khadet khat, sabbath khat pan sabbath khat, kunsukin keimah a bia dingin Jerusalem ah mi khempeuh hong pai ding uh hi, Topa in ci hi.