Isaiah 49:6 - Tedim Bible

⁶ amah in, “Jakob minamte a laamto ding leh ka kepsa Israel mite a ngei uh a bangsak kik ding in keima nasem na hihna pen a baih lua mahmah nasep ahi hi; keima hotkhiatna in lei mong dong a tun’ theih nadingin Gentailte tungah khuavak dingin nang kong pia ding hi,” hong ci hi.

Tedim Bible Revision 2017

⁶ Amah in, “Jakob minamte a laam to ding le a suakta lai Israel mite a ngei uh a bangsakkik dingin keima nasem na hihna pen a baih lua mahmah nasep ahi hi. Keima hotkhiatna in leimong dong a phak theih nadingin minam dangte tungah khuavak ahi dingin nang kong pia ding hi,” hong ci hi.

Isaiah 49:6 Referans Kwoze

Sawltak 13:47

Bang hang hiam na cih uh leh, Pasian’ thupiakna in: ‘Leimong dongin gupna na pian’sak nadingin, Gentailte’ khuavak dingin ka hong koih zo hi,’ a ci hi,” ci-in lau loin a gen uh hi.

Isaiah 42:6

“Keimah in Topa ka hi a, thumanna tawh nangmah hong samin, ka khut tawh nang hong lenin kong kem hi; mittawte a vaksak ding, leinuai thong sung panin thongkiate a lakhia ding, thong sung a mialna mun a, a tu mite a lakhia dingin, mite tungah thuciamna ahi ding, Gentailte tungah khuavak ahi dingin nang kong koih khin hi.

Luka 2:32

Ka mitin ka mu zo hi,” a ci hi.

Isaiah 52:10

Topa in minam khempeuh mai-ah ama khut siangtho lakkhia khin a, ama mite honkhia hi. Lei mong khempeuh in i Pasian’ hotkhiatna mu ding uh hi.

Isaiah 60:3

Nangma khuavak sungah minam dangte hong pai ding uh a, nangma taan’khiatna sungah kumpite hong pai ding uh hi.

Sawltak 26:18

Tua Gentailte in khuamial sung pan khuavak lamah galkah a, Satan’ ukna pan Pasian kiangah kihei ding a, mawhna kimaisakna a ngah ding uh a, kei hong up manunah sian’thosakna a ngahsa mite tawh luahna a ngah khawm nadingun, amau mittang uh na hon’sak dingin, amau kiangah kong paisak ding hi,’ ci-in thu hong pia hi.

Isaiah 11:10

Tua ni ciangin Jessi’ zung pen mihingte’ tungah lim khat hi ding hi; minamte in ama kiangah kikhawm ding uh a, ama tawlngakna mun pen minthang mahmah ding hi.

Isaiah 46:13

Ka dikna kong tungsak ta a, gamla nawn lo hi; ka hotkhiatna zekai lo ding hi; keima minthan’na ahi Israel adingin, Jerusalem ka honkhia ding hi.”

2 KUMPI NIHNATE 3:18

Hih in Topa muhna ah a thuneu khat ahi hi; amah in Moab mite zong nangma khut sungah hong pia ding a,

2 KUMPI NIHNATE 20:10

Tua ciangin Hezekiah in dawngin, “Liim kal sawm a mainawt ding a baih khat ahi hi; liim kal sawm nungkik sak zaw in,” a ci hi.

Sawltak 26:23

Khazih in sihna thuak ding a, sihna pan a thokik masabel ahih ciangin, Judah mipawl leh Gentailte kiangah khuavakna thu a piang ding hi ci-in Moses akipan Pasian’ kamsangte’ thugenna mah kei in behlap loin milian, mineute kiangah teci-in ka pang hi,” a ci hi.

Piancilna 49:10

Judah kiang pan kumpi ciangkhut paikhia lo ding, ukpa’ ciangkhut zong a khe kikal pan paikhia lo ding, a neipa' kiangah a tun’ mateng, mite’ thuman’na ama' tungah om ding hi.

Late 37:28

Bang hang hiam cih leh Topa in thutang deih a, a mi siangthote nusia lo ding hi. Thuman mi kikemcing den ding a, ahi zongin migilo’ tate kipuaseh ding hi.

Late 97:10

Topa in gitlohna a mudahte it a, amah in a mi siangthote’ nuntakna kem hi; amah in migilote khut sung panin amaute honkhia hi.

Isaiah 42:10

Topa’ tungah la thak sa un la, leimong panin amah phatna sa un! Tuipi leh a sunga omte, tuikulh gamte leh a tunga teeng mite aw, lasa un.

Isaiah 45:22

“Leitung mong khempeuhte aw, kei lamah hong kihei un la, hotkhiatna ngah un! Bang hang hiam cih leh keimah in Pasian ka hi a, kuamah dang om lo hi.

Isaiah 48:20

Babilon panin paikhia-in, Khaldea gam panin tai in la, lungdamna tawh hih thu gen in la, tangko-in leimong dongin puak in; “Topa in ama nasem Jakob tankhia khin zo!” ci-in gen in.

Isaiah 51:4

“Ka mite aw, ka thugen hong ngai un. Minamte tungah thukham ka hilh a, keima thutan’na in amaute tungah khuavak tun ding hi.

Isaiah 55:5

En un, note in na theih loh uh minamte na sam ding uh a, amah in note hong minthang sak zo ahih manin, Topa na Pasian leh Israelte’ Siangtho Pa’ hangin note hong thei lo minamte note kiangah hong tai ding uh hi.

Isaiah 62:11

En un, lei mong dongah Topa tangko khin hi: Jerusalem mite tungah, “En un, no hong honkhiapa hong pai hi; en un, ama sep thamante hong pua a, a gualzawhna thamante hong masuan hi,” ci un.

Jeremiah 12:16

Tua ciangin, ka mite’ omdan hoih takin a sin uh a, Baal min tawh kiciam dingin ka mite a sinsak mah bangun ‘Topa a nuntak bangin,’ ci-a kei’ min tawh kiciam ding a sin uh leh ka mite’ lakah kip takin a om ding uh hi.

Zekhariah 6:13

Amah in Topa’ biakinn a lam dingpa hi a, kumpite’ ngah theih minliatna ngahin, ama mite uk ding hi. Ama kumpi tokhom gei-ah siampi khat om ding a, kithutuakin kilemin na semkhawm ding uh hi,” ci hi,’ va ci in.

Zekhariah 8:22

A vanglian a thahat minamte in Vanglianpen Topa a bia ding leh ama tung pan thupha a ngen dingin Jerusalem ah hong pai ding uh hi.

Late 67:3

Pasian aw, mite nangmah phatsak in; mi khempeuh nangmah phatsak ta in!

Isaiah 56:8

Israel a kikhenthangte a kaikhawm Topa Pasian in, a kikaikhawmsa mite banah midangte ama kiangah ka kaikhawm lai ding hi, ci hi,” a ci hi.

Micah 5:3

Tua ahih ciangin, numei naupai nu, a nau a suah khit mateng, amau’ galte khut sungah Topa in amaute pia phot hi. Ama hong khan’ ciangin, sal-a om a gam mite, a mipihte uh tawh hong kigawm kik ding hi.