Isaiah 49:4 - Tedim Bible

⁴ Ahih hangin keimah in, “Na ka sem a, ahi zongin a kiman’na om lo hi; Ka thatang khempeuh ka beisak a, ahi zongin bangmah ka tangtun kei hi. Ahi zongin ka ngah ding na, Topa’ khut sungah om a, ka sepna thaman Pasian kiangah om hi.

Tedim Bible Revision 2017

⁴ Ahih hangin keimah in, “Na ka sem a, ahi zongin a kimanna om lo hi. Ka thatang khempeuh ka beisak a, ahi zongin bangmah ka tangtun kei hi. Ahi zongin Topa in a manin na hong sem ding, ci-in ka muang a, ka sep thaman hong pia ding hi, ci-in ka um hi,” ka ci hi.

Isaiah 49:4 Referans Kwoze

Isaiah 35:4

Lungsim lauthawng mite kiangah, “Thakhauh un, lau kei un! En un, na galte uh tungah phu hong laksak dingin Pasian hong pai ding a, amah in note hong honkhia ding hi,” ci un.

Galati 4:11

Note adingin a mawkna-in ka hahkat hi ci-in note thu hangin lunghimawhin ka om hi.

2 KORIN NIHNA 12:15

Keimah in note kha uh nopsak nadingin ka neihsate ahi zongin, ka pumpi ahi zongin, lungdamna tawh ka beisak nuam hi. Keimah in note a tam zaw-in kong it leh, note in kei a tawm zaw-in nong it ding uh hiam?

2 KORIN NIHNA 2:15

Bang hang hiam na cih uh leh, eite in gupna a ngahte tungah ahi zongin, kisiatna a ngahte tungah ahi zongin Khazih-a namtui i hi hi.

Mattiu 23:37

“Pasian’ kamsangte that a, na omna ah hong kisawlte zong suangtum tawh a deeng Jerusalem khuapi aw, akpi in a nongeekte a kha nuai-ah a khop bangin, na tate tamveipi ka khawm nuam zo a, nang na ut kei hi.

Mattiu 17:17

Zeisu in, “Upna nei lo, a lungkhauh pawlte aw, kei note tawh bang tan vei omkhawm ding ka hi hiam? Note bang tan vei hong thuak zo ding ka hi hiam? Tua naupang ka kiangah hong paipih un,” a ci hi.

Ezekiel 3:19

Mi gilo khat hilhkhol napi-in a mawh bawlna a tawp nop kei leh, mawhnei mah in si ding a, ahi zongin nangma nuntakna suakta ding hi.

Isaiah 65:23

Amaute in a mawkna dingin na sem lo ding uh a, lungkham nadingin ta nei lo ding uh hi; bang hang hiam cih leh amaute pen Topa’ thupha piak suan leh khakte hi ding uh a, amau’ tate amaute tawh nungta khawm ding uh hi.

Isaiah 62:11

En un, lei mong dongah Topa tangko khin hi: Jerusalem mite tungah, “En un, no hong honkhiapa hong pai hi; en un, ama sep thamante hong pua a, a gualzawhna thamante hong masuan hi,” ci un.

Isaiah 40:10

En un, Topa Pasian hong pai a, vangliatna tawh hong pai a, a banin ama adingin uk ding hi. En un, ama sep thamante hong pua a, a gualzawhna thamante hong masuan hi.

Hebru 12:2

eite upna a piangsakpa a kicingsakpa Zeisu a tel takin enin, i mai-ah a om kitaitehna-ah thakiamsak loin kidem ni. Tua Topa Zeisu in ama mai-ah a koih lungnopna thu hangin zumna ngaihsun loin, singlamteh a thuak khit ciangin Pasian’ tokhom ziat lamah a tu hi.

ROM (Romans) 10:21

Israel mipawlte thu panin, “Thungai lo, thu seel thei mipawlte lamah ni khat tawntung ka khutpeek ka zan hi,” a ci hi.

Johan 1:11

Amah in ama mite kiangah hong pai-in, ama mite in amah a sang kei uh hi.

Luka 24:26

Zeisu in hih bang teng thuakin minthan’na a ngah nading thu om lo ahi hiam?” a cih khit ciangin,

Isaiah 65:2

A hoih loin gamta-in, amau’ ngaihsutna bang a zui teitei a genhak mite lam nga-in, sun ni tawntungin ka khut ka zak hi.

Siampi Laibu 26:20

na leitang un ama gah piangsak loin, na gam sung uh a, kungte in amau gah gah lo ding ahih manin note’ thatang a mawkna-a bei hi ding hi.

Filippi 2:16

Tua ahih leh, kei in a mawkna-in tai ka hi kei a, a mawkna-in nasemin hahkat ka hi kei hi ci-in Khazih’ Ni ciangin lungdam kisathei-in ka om ding hi.

Paunak 29:26

Mi khempeuh in gam ukte’ maipha ngah ding hanciam uh a, ahi zongin Topa kiang pan bekin thutang kingah hi.

Isaiah 25:1

Topa aw, nang in keima Pasian na hi hi; nangmah kong liansak ding a, nangma min ka phat ding hi; bang hang hiam cih leh nang in a lamdang nate na semkhin a, tanglai pek a, na geelnate a kip a thumaan takpi ahi hi.

Isaiah 40:27

“Topa’ kiang panin keima lampi kiliah a, keima Pasian in ka thuneihna don lo hi,” Jakob aw, bang hang-a ci a, Israel aw, bang hang-a tuaci pau na hi hiam?

Isaiah 57:21

Mi gilote’ adingin nopsakna om lo hi, ka Pasian in ci hi.

Isaiah 59:18

Amau’ gamtatna bangin amah in thukkik ding a, amah a lang pangte daan pia ding a, ama galte tungah a hehna thukkik ding hi. A gamla pek-a om tuikulh gamte tungah zong thukkikna pia ding hi.

Isaiah 61:10

Topa hangin nakpi takin ka lungdam ding a, ka Pasian hangin kipakin ka diang ding hi; bang hang hiam cih leh zipipa in a lu kizemin, mo thaknu a suangmanphate tawh a kizep mah bangin amah in hotkhiatna puan kei hong silhsakin, thumanna puanpi tawk kei hong tuam khin hi.

1 KUMPI MASATE 19:10

Amah in, “Vanglianpen Pasian, Topa adingin ka huaiham mahmah hi; bang hang hiam cih leh Israel mite in na thuciamna nusia-in, na biakna taute lawn khia a, namsau tawh na kamsangte that hi; kei, kei bekbek ka om lai hi; amaute in kei thah dingin hong zong uh hi,” a ci hi.