Isaiah 49:25 - Tedim Bible

²⁵ Topa in: “A galhangpa’ mat salte kilakhia ding a, thu khauhpa’ na kilakhia ding hi; nang hong dem mite ke’n ka dem ding a, na tate ka honkhia ding hi.

Tedim Bible Revision 2017

²⁵ Topa in, “A thahatpaʼ mat salte kila khia dinga, a thukhauh paʼ na kila khia ding hi. Nang hong dem mite keimah in ka dem dinga, na tate ka hon khia ding hi.

Isaiah 49:25 Referans Kwoze

Isaiah 35:4

Lungsim lauthawng mite kiangah, “Thakhauh un, lau kei un! En un, na galte uh tungah phu hong laksak dingin Pasian hong pai ding a, amah in note hong honkhia ding hi,” ci un.

Isaiah 54:13

Topa in na tapate khempeuh hilh ding a, na tapate daupai mahmah ding hi.

Zekhariah 14:12

Tua ciangin Jerusalem khuapi a sim minam dang khempeuhte tungah Topa in gimna lianpi tungsak ding hi. A khe-un a ding thei kimlai mahin a sa uh muat mang ding a, a mitkhuk sung uhah a mittangte uh muatin, a kam sung uhah a leiite uh muat ding hi.

Isaiah 14:2

Minamte in amaute la-in amau omna munah paipih ding uh hi. Israel mite in minamte nei ding uh a, Topa’ gam sungah amaute pen sila numei sila pasal dingin nei ding uh hi; amaute a man ngei mite pen tu-in amaute in leh mat ding a, amaute a nengniam ngei mite tungah tu-in ukna nei ding uh hi.

Isaiah 10:27

Tua ni ciangin na liangko panun ama vangikpi kinkhia ding a, ama hakkol pen na ngawng panun kilakhia ding hi; bang hang hiam cih leh na thau luatna hangin, hakkol ki sukham ding hi.”

Piancilna 12:3

Nang thupha hong piate thupha ka pia ding a, nang hong samsia mi ka samsia ding hi; nang’ tung tawnin leitung innkuan khempeuh in thupha ngah ding uh hi,” ci hi.

1 JOHAN MASA 3:8

Mawhna a bawl mi in Dawimangpa tawh a kipawl hi. Bang hang hiam na cih uh leh, a cil panin Dawimangpa in mawhna a bawl zo hi. Dawimangpa’ bawl nate a siasak dingin Pasian’ Tapa hong kilang zo hi.

Zekhariah 9:11

Sisan tawh a kikipsak, note tawh ka thuciamna hangin, na salsuahna uh keugaw gam panin, note ka hong suaktasak ding hi.

Jeremiah 29:10

“Topa in kong cih-inah: Babilon khua-ah kum sawmsagih na om khit uh ciangin, note kong kan kik ding a, kong kamciamna sa hong tangtung sakin, hih munah kong la kik ding hi.

Isaiah 25:9

Tua ni ciangin, “En un, amah in eima Pasian hi; eite hong hon dingin amah i muang hi. Amah in eima Topa hi; amah i ngak hi; amah in eite hong gumkhia ahih manin lungdamin kipak ni,” kici ding hi.

Mangmuhna 18:20

Vantung-a kipan misiangthote, sawltakte, kamsangte aw, tua khuapi hangin nuam un! Bang hang hiam na cih uh leh, Pasian in note tawh kipawlin ama tungah thu a khen zo hi!” a ci hi.

Galati 4:26

Ahih hangin tung lamah a om Jerusalem khua ahih leh, eite nu ahi, sila numei hi lo numei ahi hi.

Zekhariah 14:3

Tua ciangin Topa hong kuankhia ding a, a beisa hun-a a sim ngei bangin hih minam dangte hong sim ding hi.

Marka 3:27

Mi thahatpa a hen masak kei leh, kuamah in mi hatpa’ inn sungah tumin ama sumte a sut zo kei ding hi. Mi thahatpa a hen khit ciangin, ama inn sungah sumte a sut ding hi.”

Late 35:1

Topa aw, kei hong pangte langpang in la, kei hong dote do in!

Isaiah 5:29

Amaute’ kikona pen humpinelkai hawk tawh kibang a, humpinelkai khanglaite bangin amaute hawk uh hi; amaute humhamin a sa nek ding uh man uh a, amaute in puakhia-in kuamah in honkhia zo lo hi.

Isaiah 10:6

Pasian thu a ngaihsun lo minam leh keimah hong hehsak mite’ neihsa sutin lak sakin, amaute pen konglak buannawng bangin a tuancil dingin amaute sawlin thu ka pia hi.

Isaiah 14:1

Topa in Jakob hehpihin Israel teel kik ding a, amaute pen a gam uhah koih kik ding hi, khual mite in amaute pawlin Jakob innkuan beel ding uh hi.

Isaiah 19:20

Tua pen, Vanglianpen Topa’ adingin Izipt gam sungah lim leh teci hi ding hi; a nengniam mite’ bawlsiatna hangin Topa’ tungah amaute a kiko ciangin, amah in amaute’ tungah honpa khat sawl ding a, amaute hu’ in khahkhia ding hi.

Isaiah 25:4

Bang hang hiam cih leh nang pen mizawngte’ adingin mun muanhuai, a cimawh mi’ adingin a lungkhamna ah mun muanhuai, huihpi panin bukna leh nisa panin nilim na hi hi; bang hang hiam cih leh thukhual lo mite’ hihna pen huihpi in kulh a nawk tawh kibang a,

Isaiah 33:22

Bang hang hiam cih leh Topa pen eite’ thukhen, Topa pen eite thukham hong piapa, Topa pen eite’ kumpi ahi hi; amah in eite hong honkhia ding hi.

Isaiah 40:2

Dam takin Jerusalem hopih un. Ama gimna hun bei ta a, ama mawhna kimaisakin, ama khialhnate khempeuh hangin Topa in a zah nih in daantat khin zo hi, ci-in ama tungah gen un.

Isaiah 51:22

Ama mite’ a hu Topa, Topa ahi, na Pasian in hih bangin ci hi: “En un, note’ khut sung panin hoina hai ka lakhia khin hi; ka hehna haipi na dawn nawn kei ding uh hi;

Jeremiah 15:21

Mi gilote’ khut sungpan nang kong suahtak ding-a mi lauhuaite’ khut kol pan nang kong tankhia ding hi,” hong ci hi.

Nahum 2:13

Topa in hih bangin ci hi: “Keimah in note’ gal ka hi a, na sakol leengte uh ka haltum ding hi. Na humpinelkai note uh namsau in vattum ding a, midangte’ na na suh teng uh ka susia mang khin ding hi. Na kamtaite uh awging koimah ah kiza nawn lo ding hi,” ci hi.

Siampi Laibu 25:54

Hih bang danin amah a kitatkhiat kei leh, jubili kum ciangin amah leh amah tawh a om a tate’ kikhahkhia ding hi.

Isaiah 51:14

Thong sunga kikhum mite kikhah baih ding hi; amaute sau veipi nungta ding uh a, annek tuidawn kitasam lo ding uh hi.

Jeremiah 31:11

Bang hang hiam cih leh Topa in Jakob ka tankhia khin zo a, a zawhzawh loh khutte sung pan ka lakhia khin zo hi.