Isaiah 49:2 - Tedim Bible

² Amah in ka kam, namsau hiam bangsak a, ama khut liim tawh kei hong hu hi; amah in a kinawtngil thaltang bangin kei hong bawl a, a hiamsa-in zat pah dingin a thallawng sungah kei hong koih hi.

Tedim Bible Revision 2017

² Amah in ka thugente, namsau hiam bangsak a, ama khut tawh keimah hong hu hi. Amah in a kinawtngil thaltang bangin kei hong bawl a, a hiam sa-in zat pah dingin a thallawng sungah kei hong koih hi.

Isaiah 49:2 Referans Kwoze

Hebru 4:12

Bang hang hiam i cih leh, Pasian’ thu in nungta a, vangliatna nei a, lang nih a hiam namsau sangin hiamzaw a, nuntakna leh kha ahi zongin, guh-le-tang leh guhngeek ahi zongin, khenin pailet thei a, lungsim ngaihsutnate leh hanciamnate khempeuh a thei thei hi.

Mangmuhna 1:16

A khut tak lamah aksi sagih a tawi hi. A kam sungpan a lang nih a hiam namsau a pusuak hi. A maitang meel in a tang pha mahmah ni tawh kibang hi.

Isaiah 50:4

Thugenna tawh a lunggim mite tha a pia thei kammal ka theih nadingin, Topa Pasian in ka gen ding thu hong hilh khin hi. Ama hong hilhnate a ngai dingin zingsang simin hong phong hi.

Isaiah 51:16

Vantungte zalin, lei bulpi ka phut a, Zion kiangah, ‘Nang in keima mi na hi hi. Na kam ah ka thu kong koih khin a, ka khut lim tawh nang kong hu hi,’ ka ci hi,

Mangmuhna 2:12

“Pergamum khua-ah a om pawlpi’ vantungmi kiangah hih bangin gelh in. ‘Lang nih a hiam namsau a nei mi’ thupiakna in:

Jeremiah 1:18

En in, hih gambup langah ding dingin, Judah kumpite, uliante, siampite leh hih gam mi khempeuh langpan’ dingin tu ni-in nang, khuapi muanhuai khat bangin ahi zongin, sik khuampi khat bangin ahi zongin, sumngo kulhpi khat bangin ahi zongin kong bawl hi.

Isaiah 11:4

a kitangsam mite thumanna tawh thukhensak ding a,, mizawngte’ thu a tangin khensak ding hi; ama kam pan a, molhtum tawh leitung mite daan kitat ding a, a muk pan a, a husan’na tawh mi gilote si ding uh hi.

Hosea 6:5

Tua ahih manin note hong thuhilh ding leh note hong taii dingin ka kamsangte kong sawl hi. No ka mite’ gamtat ding ka deih zia kitel sinsen hi.

Late 91:1

Sang Penpa’ liahna sungah a om mi, Vanglianpa’ liim sungah a om mi in,

Mangmuhna 19:15

Mipawl pawlte sat nading ama kam sungpan namsau a hiam a pusuak hi. Amaute zong sik ciangkhut tawh a uk ding hi. Vanglianpen Pasian’ hehna leenggahzu kicilna phual amah in a cil hi.

Luka 23:46

Zeisu in, “Ka Pa aw, ka kha nangma khut tungah ka pia hi,” ci-in nakpi-in a kiko khit ciangin a si hi.

Isaiah 42:1

Keimah in ka huh, keima teel, ama sungah ka lungkimna ka nasempa en un; ka Kha tawh amah ka kidimsak a, amah in minam khempeuh tungah thuman tungsak ding hi.

Efesa 6:17

Gupna sik-lukhu khu un la, Pasian’ Thu ahi Kha Siangtho tem tawi un.

Mangmuhna 2:16

Tua ahih ciangin na kisikkik in. Tua bang ahih kei leh, nangma kiangah a manlangin kong pai ding a, ka kam sungpan a pusuak namsau tawh tua mite ka do ding hi.

Paikhiatna 33:22

keima' minthan’na a pai laitakin suanghawm sungah nang kong koih ding a, kei ka paikhit mateng ka khut tawh nang kong hum ding hi;

Isaiah 50:10

Topa kihta a, a nasempa’ thu a mangte khempeuh in, khuamial sungah khuavak nei loin na pai hangun, Topa muang un la, Pasian suan’ in nei un.

Habakkuk 3:11

Na thaltang leeng a muh ciang, na teipi tee zalzal a muh ciangin, ni leh kha a omna san-ah khawlcip uh hi.