Isaiah 49:16 - Tedim Bible

¹⁶ Jerusalem aw, ka khut peekte sungah nang kong gelh khin zo a, na kulhpite ka mai-ah om den hi.

Tedim Bible Revision 2017

¹⁶ Jerusalem aw, ka khut peek sungah nang kong gelh khinzo a, nang ka hong mangngilh ngei kei ding hi.

Isaiah 49:16 Referans Kwoze

Haggai 2:23

Ka nasem Zerubbabel aw, tua ni ciangin nang hong la-in ka min gelhna zungbuhin kong bawl ding hi. Bang hang hiam cih leh nang in ka hong teelpa na hi hi, Vanglianpen Topa in ci hi, ci-in gen in,” a ci hi.

Isaiah 62:6

Jerusalem aw, na kulhte tungah galvilte ka koih khin hi; sun tawntung leh zan tawntungin amaute tawlnga ngei lo ding uh hi. Amaute in a thuciamna Topa phawksak ding uh a, amah in Jerusalem kipsakin leitungah phatna-in a bawl kik matengin amaute tawlnga lo ding uh hi.

Isaiah 60:18

Na gam sungah ngongtatna kiza nawn lo ding a, na gam sungah siatmai-na leh suksiatna om nawn lo ding hi; nangmah in na kulhte pen Hotkhiatna, na kulh kongpite pen Phatna, na ci ding hi.

Solomon la 8:6

Kei sim loh, kuamah ngai kei in la, kei sim loh, kuamah na ang-ah kawi kei in. Itna in sihna zahin thahat a, ngaihna in sihna zahin khauh hi. Itna in mei bangin kuangkhia a, meikuang lianpen a suak hi.

Isaiah 26:1

Tua ni ciangin Judah gam sungah hih la kisa ding hi: “Khuapi muanhuai khat i nei hi; Topa mahmah in i kulhte leh i panmun kipte hong hut sak hi.

Paikhiatna 13:9

Na kam in Topa’ thu kham a gen tawntung theihna dingin hih in na khut tungah lim, na mitte kikalah phawkna khat hi ding hi; bang hang hiam cih leh Topa in a vangliatna khut tawh hih mun panin nang hong paikhiatpih hi.

Isaiah 54:12

Na khum dawnte suangmanpha tawh, na kulh kongpite suangsan tawh, na kulh khempeuh a manpha suang tawh ka bawl ding hi.

Jeremiah 22:24

Topa in Jehoiakim’ tapa Judah kumpipa Jekoniah’ tungah, “Kei a nungta Pasian ka hih mah bangin, nangmah in ka taklam khut-a khut zungbuh na hih hangin nang kong lakhia ding a,

Jeremiah 17:1

“Judah mite’ mawhna sik laikung khat tawh kigelh hi. Suangmanpha muk zum tawh amaute’ lungtang pek tung leh biakna tau kite tungah khuak-in ki-at hi.