Isaiah 49:13 - Tedim Bible

¹³ Vantung aw, lungdamin la sa un, leitung aw, lungdamin diang in; mual liante aw, lungdamin la sa-in awng khia un! Bang hang hiam cih leh Topa in ama mite hehnem ta a, gimna a thuak ama mite hehpih ding hi.

Tedim Bible Revision 2017

¹³ Vantungte aw, lungdamin la sa un. Leitung aw, lungdamin diang in. Mual liante aw, lungdamin la sa-in awng khia un! Bang hang hiam cih leh Topa in ama mite hehnem ta a, gimna a thuak ama mite hehpih ta ding hi.

Isaiah 49:13 Referans Kwoze

Isaiah 44:23

Vantungte aw, Topa in tua thu sem khin ahih manin lungdam in la sa un; Anuai-a om leitung aw, awng un; mualte aw, la sa-in awng khia un, tulak leh a sunga sing om khempeuh aw, awng un! Bang hang hiam cih leh Topa in Jakob tankhia khin a, Israel sungah amah kiminthangsak ding hi.

Isaiah 51:3

Bang hang hiam cih leh Topa in Zion hehnem ding hi; a kisia ama munte khempeuh puah pha-in, ama gamlakte Eden huan ka bang sak ding a, a kizang thei lo ama gamte Topa’ huan ka bang sak ding hi; ama sungah lungdamna leh kipakna, lungdam kohna leh la sakna aw om ding hi.

Isaiah 52:9

A kisia Jerusalem munte aw, lasa-in kiko khawm un; bang hang hiam cih leh Topa in ama mite hehnem ta a, Jerusalem tankhia khin ta hi.

Isaiah 55:12

“Bang hang hiam cih leh lungdamna tawh Babilon panin na paikhia ding uh a, nopsakna tawh hong kipaikhiatpih ding hi; note mai-a mual liante leh mual neute in lasa-in awng ding uh a, gamsunga sing khempeuh in a khut uh beeng ding uh hi.

Isaiah 12:1

Ni khat ni ciangin mite in, “Topa aw, kei’ tungah na heh hangin na hehna dam a, nangmah in kei hong hehnem na hih manin nang kong phat ding hi.

2 KORIN NIHNA 7:6

Ahih hangin a kinuaisiah mite a hehnem thei Pasian in Titu hong tun’na hangin kote hong hehnem hi.

Luka 15:10

Ke’n kong cih-inah, tua mah bangin a kisikkik mawhneipa khat hangin Pasian’ vantungmite’ omna munah nuamna a om ding hi,” a ci hi.

Jeremiah 31:13

Tua ciangin nungakte laam-in a lungdam ding uh a, tangvalte leh papite zong a nuam ding uh hi. Amaute’ kahnate lungdamna ka suaksak ding a, hehpihin a dahnate uh kipahna ka suaksak ding hi.

1 KHANG TANGTHU MASATE 16:31

Vantung kipak hen la, leitung lungdam hen, minamte lakah, “Topa maang hi!” amaute in ci ta uh hen.

Late 69:34

Vantung leh leitung, tuipi leh a sunga gamtang khempeuhte in amah phat ta uh hen.

Late 71:21

Nangmah in ka min hoihna nong khang sak ding a, nong nuamtuamsak kik ding hi.

Late 148:9

Mualliante leh mualneute khempeuh, gah a nei singkungte leh taamtaak singkung khempeuh!

Isaiah 14:1

Topa in Jakob hehpihin Israel teel kik ding a, amaute pen a gam uhah koih kik ding hi, khual mite in amaute pawlin Jakob innkuan beel ding uh hi.

Isaiah 48:20

Babilon panin paikhia-in, Khaldea gam panin tai in la, lungdamna tawh hih thu gen in la, tangko-in leimong dongin puak in; “Topa in ama nasem Jakob tankhia khin zo!” ci-in gen in.

Isaiah 49:14

Ahih hangin Jerusalem mite in, Topa in eite hong nusia khin a, i Topa in eite hong mangngilh khin hi,” a ci uh hi.

Isaiah 51:12

“Kei, keimah in note hong hehnempa ka hi hi; lopa bang ahi, a si thei mi, mihing tate lellelte bang hangin kihta na hi uh hiam?

Isaiah 54:7

Tomno sung nang kong nusia pak a, ahih hangin hehpihna lianpi tawh nang kong lakik ding hi.

Isaiah 54:8

Heh luatna hangin tomno sung nang kiang panin ka maitang ka seel a, ahih hangin tawntung itna tawh nang tungah hehpihna kong nei kik ding hi, nangmah hong Tankhia Topa in ci hi.

Jeremiah 51:48

Tua ciangin vantung teng leh leitung leh, a sunga om nate khempeuh in Babilon’ hangin lungdamin la a sa ding uh hi. Bang hang hiam cih leh leilu lam panin amau a susia ding mi hong pai ding uh hi, Topa in kong ci hi.

Ezekiel 35:14

Tua ahih ciangin Topa Pasian in hih bangin ka ci hi: Leitung buppi a lungdam theih nadingin nang a gamkhing pha mahmah-in kong bawl ding a,

Late 65:13

lo no-na munte tuuhon tawh kizem-in, kuampite an tawh kidim a, lungdamin awngin amaute in la sakhawm uh hi.

Late 89:13

Nangma vang lian mahmah a, na thahatna kigen thei lo hi.