Isaiah 49:11 - Tedim Bible

¹¹ Keimah in ka mite’ adingin mual liante kantanin lampi ka ziik sak ding a, ka lam lianpite ka phongto ding hi.

Tedim Bible Revision 2017

¹¹ “Keimah in ka mite adingin mual liante kantanin lampi ka ziksak dinga, ka lam lianpite ah phung ka ciang ding hi.

Isaiah 49:11 Referans Kwoze

Isaiah 11:16

Izipt gam panin Israel mite hong paitoh ciangin amau’ ading lam lianpi khat a om mah bangin, ama mi a om laite’ adingin zong Assiria gam panin lam lianpi khat om ding hi.

Isaiah 62:10

Jerusalem mite aw, kulh kongpite panin paikhia un la, hong ciahkik na mipihte’ adingin lampi bawlkhol un; zik un, lam lianpi zik-in, suangtumte paikhia un la, mite’ muh dingin lim khat khaito un.

Johan 14:6

Zeisu in, “Keimah in lampi ka hi hi, thuman thutak ka hi hi, nuntakna lah ka hi hi. Kei hong suang loin kuamah in Pa kiang a tung zo kei ding hi.

Isaiah 57:14

“Zik un, zik un, lampi bawl khol un, ka mite’ lampi a dongkhak thei ding na khempeuh lakhia un,” kici ding hi.

Isaiah 43:19

En un, a thak na khat ka bawl hi; tu-in hong piang khia hi, note in thei lo na hi uh hiam? Gam lakah lam lianpi khat ka bawl ding a, sehnel gam sungah gunte ka bawl ding hi.

Late 107:7

amau’ teen’ nading khuapi a tun’ matengun amah in lampi man-ah amaute paipih hi.

Late 107:4

Pawlkhatte gamlakah gammang uh a, a teen’ nading uh khuapi tun’na lampi mu lo uh hi;

Isaiah 19:23

Tua ni ciangin Izipt gam panin Assiria gamah lam lianpi khat pai-in, Assiria mite Izipt gamah hong pai ding a, Izipt mi Assiria gam sungah pai-in, Izipt mite in Assiria mite tawh bia khawm ding uh hi.

Isaiah 52:12

Note’ mai-ah Topa pai ding a, Israel Pasian pen note’ nungah hong cingpa hi ding ahih manin, note pen galtai-in paikhia loin, kinawhsa-in na paikhia kei ding uh hi.