Isaiah 49:1 - Tedim Bible

¹ Tuipi kulh gamte aw, ka thu ngai un la, gamlapi-a om mihingte aw, ngai un. Ka suah ma-in Topa in kei hong sam a, ka nu’ sungah ka om lai-in amah in ka min hong phuak hi.

Tedim Bible Revision 2017

¹ Tuipi gei-a om gamte aw, ka thu ngai un. Gamlapi-a om mihingte aw, ka thu ngai un. Ka suah ma-in Topa in kei hong teel a, ka nu sungah ka om lai-in amah in keima min hong pulak khin hi.

Isaiah 49:1 Referans Kwoze

Jeremiah 1:5

“Gil sungah kong bawl ma-in nang kong thei khin zo hi; na suah ma-in kong teelkhia khin zo a, minam dangte’ tungah kamsang dingin kong koih khin zo hi,” hong ci hi.

Galati 1:15

Ahih hangin ka nu’ gil sung pan hong teelkhia a, ama hehpihna thupha tawh hong sam Pasian in,

Isaiah 44:2

Nangmah a hong bawl, gil sung panin nang a hong piangsak, nang a hong huh ding Topa in hih bangin ci hi: Ka nasempa Jakob aw, ka teelsa Israel aw, lau kei in.

Isaiah 49:5

Ama kiangah Jakob paipih kik a, ama kiangah Israelte a kikaihkhop theih nadingin, Topa’ mai-ah kei hong kipahtawi a, Pasian pen keima thahatna suak-in, ama nasem dingin ka nu gilsung panin keimah hong piangsak Topa in tu-in thu hong gen a—

Luka 1:31

Gai-in tapa na nei ding hi. Tua tapa’ min Zeisu na phuak ding hi.

1 PETER MASA 1:20

Tua Khazih in leitung a kipian’sak ma-in a kiciamteh khol hangin, amah hangin Pasian a um note ading a nunung bel hun ciangin hong kilang hi.

Luka 1:15

Bang hang hiam na cih leh, tua tapa in Topa mai-ah milian ahi ding hi. Amah in leenggahtui leh zu neukha beek dawn loin, a nu gil sung pan akipan Kha Siangtho tawh a kidim ding hi.

Hebru 12:25

Note in thu hong piapa’ kam na nial loh nadingun kikem un. Bang hang hiam na cih uh leh, leitungah thu genkholhna hong pia mi’ kam a nial mi in mawhna tawh kipelh lo ahih leh, tua tham loin vantung pan thu hong pia kholpa kiang pan eite in pialkhia lehang, mawhna pan i suakta kei zawtham ding hi.

Johan 10:36

Pa in ama adingin a sian’thosak a, leitung ah a paisak keimah in, ‘Pasian’ Tapa ka hi,’ ka cih ciangin, ‘Pasian na gensia hi,’ hong ci na hi uh hiam?

Zefaniah 2:11

Topa in amaute lausak gawp ding a, leitung pasiante, neu bawl gawp ding hi. Tua ciangin, minam khempeuh in amau’ gam ciat panun amah bia ding uh hi.

Isaiah 60:9

Hih teembawte pen, tuipi gei leh tuikulh-a om teembawte hi a, Tarshish teembaw lianpite in hong makaih hi. Topa in nang hong minthangsak khin ahih manin, gamlapi panin tua teembawte in nangma mite hong puak uh a, a ngun a khamte uh tawh hong puak khawm hi. Topa na Pasian, Israelte’ Siangtho Pa Pahtawina-a hong puak uh ahi hi.

Isaiah 57:19

Nopsakna, nopsakna, a gamla leh a nai mi khempeuh tungah om ta hen; keimah in amaute ka damsak ding hi, Topa in ci hi.

Isaiah 55:3

Ka mite aw, ka thu ngai un la, kei kiangah hong pai un; nuntakna na ngah theih nadingun hong za un; David tungah ka kamciam mah bangin, keima itna kip ahi tawntung thuciamna note tawh ka bawl ding hi.

Isaiah 46:3

“Na suah-a kipan kong tawi, gilsung pan-a kong puak, Jakob innkuan, Israel innkuan a suakta laite khempeuh aw, keima thu hong ngai un;

Isaiah 44:24

Gil sung panin nangmah a hong piangsak, nangmah hong Tanpa, Topa in hih bangin ci hi: “Keimah in na khempeuh bawlin, keimah guakin vantungte zal-in, kuama seppih lohin leitung ka zal hi;

Efesa 2:17

Amah hong kumsuk a, a gamla-in a om mite kiangah ahi zongin, a nai-in a om mite kiangah ahi zongin gal kilemna Lungdamna Thu a hilh hi.

Isaiah 51:5

Manlangin hong pai-in amaute ka honkhia ding hi. Ka gualzawh ding hun hong naita hi. Keimah in minamte ka uk ding hi. Tuipi gei-a gamte in kei hong muang uh a, amaute in keima hotkhiat ding hong ngak uh hi.

Isaiah 45:22

“Leitung mong khempeuhte aw, kei lamah hong kihei un la, hotkhiatna ngah un! Bang hang hiam cih leh keimah in Pasian ka hi a, kuamah dang om lo hi.

Isaiah 42:12

Topa a minthan’na ama tungah gen un la, tuikulh gamte ah amah phatna gen sak un.

Isaiah 41:1

Tuikulh gamte aw, gamdai takin ka thu ngai un; na mite a tha uh dimsak un la, amaute a mai-ah hong paisak un. Amaute thugen theihna ding hun ngah ding uh hi. Thukhen zumah kei tawh kisi nung.

Isaiah 9:6

Bang hang hiam cih leh eite adingin naungek khat hong suak a, eite tungah tapa khat hong kipia hi; ama liangko tungah ukna om ding a, ama min pen, “Lamdang, Thulakpa, Vanglian Pasian, Tawntung Pa, Nopsakna Kumpi,” kici ding hi.

Isaiah 66:19

Amaute’ lakah lim khat ka khai ding hi. Amau kiang panin, a suakta lai mite pen, minamte tung, Tarshish mite tung, Put mi leh Lud mite tung, Meshek mite tung, Tubal mi leh Javan mite tung, ka min hoihna a za ngei lo, ka minthan’na a mu ngei lo tuipi gei-a om gammite tungah ka sawl ding hi; amaute in minamte lakah ka minthan’na genthang ding uh hi.

Isaiah 7:14

Tua ahih ciangin Topa mahmah in note’ tungah lim khat hong pia ding hi. En un, nungak khat gai-in tapa khat nei ding a, ama min Immanuel kici ding hi.

Late 22:10

Ka suah-a kipan nangma tungah kong tung a, ka nu in hong paai lai-a kipan keima Pasian na hi hi.

Isaiah 11:11

Tua ni ciangin Topa in, Assiria gam, Izipt gam, Pathros gam, Ethiopia gam, Elam gam, Shinar gam, Hamath gam leh tuipi gei-a gamte panin ama mi a om laite a ngahkik nadingin a vangliatna zang kik ding hi.

Isaiah 24:15

Nisuahna lama, om mite in Topa phat ding uh hi. Tuipi dunga a teeng mite in Topa, Israelte’ Pasian’ min phat ding uh hi.

Isaiah 33:13

Gamlapi-a om mite aw, ka sepna thu za un; a nai-a om mite aw, ka vangliatna thei un.

Isaiah 45:3

A mialna mun sunga sum kikoihte leh mun simtham-a sum kiseelte, nangma tungah kong pia ding a, tua thu hangin kei-in Topa, na min tawh hong sam Israelte’ Pasian ka hihna nong thei ding hi.

Isaiah 49:12

Ka mite a gamlapi panin hong pai ding uh a, leilu lam gam leh nitumna lam gamte panin hong pai-in, pawl khatte, leitaw lam Sinim gam panin hong ciah ding uh hi,” a ci hi.

Isaiah 52:13

Topa in, “En un, ka nasempa pilna tawh gamta-in, amah a lianin kikoihin kilaam to ding a, sang mahmah ding hi.