Isaiah 48:9 - Tedim Bible

⁹ “Note kong suksiat khak loh nadingin ka min ka ngaihsutna tawh ka hehna diah-in, keimah hong kiphatna ka ngaihsutna-in note tungah ka ki-ip hi.

Tedim Bible Revision 2017

⁹ Note khempeuh kong suksiat khak loh nadingin ka min ka ngaihsutna tawh ka hehna diahin, keimah hong kiphatna ka ngaihsutna-in note tungah ka ki-ip hi.

Isaiah 48:9 Referans Kwoze

Isaiah 37:35

Bang hang hiam cih leh keimah leh ka nasempa David ka khualna-in hih khuapi a suahtak nadingin ka hu ding hi,” a ci hi.

Late 143:11

Topa aw, nangma min na ngaihsutna-in keima nuntakna hong kem in! Nangma thumanna tawh kituakin haksatna panin kei hong paikhiatpih in!

Late 106:8

Ahi zongin amah in, a lian mahmah ama vangliatna a kitheihsak nadingin, ama min a ngaihsutna-in amaute honkhia hi.

Late 79:9

Kote’ kihotkhiatna Pasian aw, nangma min a than’ nadingin kote hong huh in la, nangma min hangin kote hong khahkhia-in ka mawhna uh hong maisak in!

Late 78:38

Ahi zongin, amah in hehpihna lungsim nei ahih manin amau khialhnate maisak a, amaute susia lo hi; amah in a hehna iip zelzel a, a hehna khempeuh phongkhia lo hi.

Ezekiel 20:44

Na gitlohna, na gamtatsiatna uh tawh kizui-in note tungah hong bawl loin, ka min a dai khak ding khualna tawh note tungah hong gamta ka hih manin keimah in Topa ka hihna thu no Israel mite in na thei ding uh hi, Topa Pasian in ci hi,” hong ci hi.

Ezekiel 20:22

Ahi zongin tua bangin hih leng, Izipt gam panin Israel mite ka pai khiatpih hong mu mite lakah ka min dai ding ahih manin amaute ka susia kei hi.

Ezekiel 20:14

Ahi zongin Izipt gam panin amaute ka pai khiatpihna minam dangte in hong mu khin ahih manin tua bangin gamta leng, keimah mindai nading mah hi zel ahih manin amaute bangmah ka cih kei hi.

Jeremiah 14:7

Ka mite in kei tungah, “Topa aw, ka mawhna-un in kote’ lang khatah hong pang ahi ta zongin, nangma’ min hangin hong hehpih in. Kote in tam veipi kong nungngat uh a, nang tungah kong khial zo uh hi.

Isaiah 48:11

Keimah ka kikhualna, keimah ka kingaihsutna-in hih bangin kong hih hi; bang hang hiam cih leh ka min a siat ding kilawm ahi hiam? Midang khat tungah keima minthan’na ka pia kei ding hi.

Isaiah 43:25

“Na thupalsatnate hong phiatkhiatsakpa in keimah Pasian ka hi a, kei ka hih manin na khialhnate ka ciamteh kei ding hi.

Isaiah 30:18

Tua ahih ciangin note hehpih nuamin Topa in hong ngak hi; note tungah hehpihna hong lah ding amah kipakta hi. Bang hang hiam cih leh Topa pen a thutang Pasian ahi hi; amah a muangte khempeuh thupha ngah ahi hi.

Late 25:11

Topa aw, ka mawhna lian ahih manin, nangma min hangin keima mawhna hong maisak in.

1 SAMUEL MASA 12:22

Topa in ama min a khualna-in ama mite paaikhia lo ding hi; bang hang hiam cih leh ama mi-in note hong bawl nadingin Topa lungkim sak hi.

Ezekiel 20:9

Ahi zongin, Izipt gam panin no Israel mite kong paikhiatpih ding hi, ci-in amau’ ompih mite’ zakin gen khin ka hih manin, tua bangin daan thuaksak leng, keima min a kidaisak suak ding cih ngaihsutna hangin daan ka pia kei hi.

Paunak 19:11

Pilna in mi lungduaisak a, mi’ hong hehsaknate kiphawkmawh bawlna in minthan’na hi.

Joshua 7:9

Bang hang hiam cih leh Kanaan mite leh hih gam-a teeng mi khempeuh in hih thu za ding uh a, kote hong umcihin leitung panin kote hong phiatkhia mang ding uh hi; tua ciangin a lian nangma min bang cih ding na hi hiam?” a ci hi.

Isaiah 65:8

Topa in hih bangin ci hi: Leenggahzu pen leenggah bom panin kingah a, mite in, ‘Tuate kimang thei ahih ciangin susia kei un,’ a cih mah bangun kei zong a minam bupin susia loin, keima na hong semte ka suakta sak ding hi.

Ezekiel 36:21

Israel mite in a paina peuhpeuh uh gamdang mite lakah ka min siangtho hong daisak kawikawi uh ahih manin tua thu in ka lung hong himawhsak hi.