Isaiah 48:6 - Tedim Bible

⁶ “Ka gensa thu khempeuh hong tung ta a, Ka gennate man hi, na cih ding uh hi ta hi. Tu-a kipanin, na a thakte, na theih ngei loh uh hong tung ding a ki-im nate, kong gen ding hi.

Tedim Bible Revision 2017

⁶ Ka gen sa thu khempeuh hong tung ta ahih manin, na gennate a man hi, na hong cih ding uh hi ta hi. Tu a kipanin na a thakte, na theih ngei loh uh hong tung ding a ki-im nate kong gen ding hi.

Isaiah 48:6 Referans Kwoze

Mangmuhna 4:1

Tua thute khit ciangin ka et leh, vantungah kong vang khat kihongin a om ka mu hi. “Hong kahto in. A nung ciangin a piang ding nate ka hong lak ding hi,” ci-in a masa-a, kei kiangah hong gen peengkhul aw banga nakpi-a kiko aw ka zak ciangin,

Isaiah 42:9

En un, hun beisa-a nate in hong kheng a, tu-in a thak nate kong gen hi; tuate a hong pian’ khiat ma-in note tungah a thute kong gen khol hi.”

Mattiu 10:27

Khuamial lakah no kiangah ka gennate, khuavak lakah na gen un. Na bil sung uhah kong gennate, innkhum vumah kiko-in na gen un.

Isaiah 43:19

En un, a thak na khat ka bawl hi; tu-in hong piang khia hi, note in thei lo na hi uh hiam? Gam lakah lam lianpi khat ka bawl ding a, sehnel gam sungah gunte ka bawl ding hi.

1 KORIN MASA 2:9

Lai Siangtho sungah a kigelh mah bangin: “Pasian a itte adingin Pasian bawlsate in, mittang tawh kimu lo, bil tawh kiza lo, mite’ lungsim sungah a tum lo nate ahi hi,” a ci hi.

Sawltak 1:8

Ahih hangin Kha Siangtho in nomau tungah hong kumsuk khit ciangin vangliatna na ngah ding uh a, Jerusalem khua-a kipan Judah gam, Samaria gam khempeuh leh leimong dongin ka teci na hi ding uh hi,” a ci hi.

Johan 15:15

Tu-a kipanin note sila kong ci nawn kei ding hi. Bang hang hiam na cih uh leh, silate in a topa bawlna thu a thei kei uh hi. Lawmte kong ci ding hi. Bang hang hiam na cih uh leh, ka Pa kiangah thu ka zakte no kong theisak zo hi.

Jeremiah 50:2

“Gam khempeuh ah genin tangko un; dial khai un la, im kei un. ‘Babilon’ khuapi kila ta hi. Bel pasian maizum ta, a Merodak pasian kitangawp ta hi. A milimte uh maizum ta a, a pasiante uh kisiagawp ta hi,’ ci-in tangko un.

Jeremiah 2:31

No khangthakte aw, Topa’ kammal limtak ngai dih un. Israel mite adingin keimah in gamlak bang hi ngei ka hi hiam? A mial mahmah gam bang hi ngei ka hi hiam? Tua ahih leh bang hangin ka mite in, ‘Ko ka suakta uh hi, nang kiangah kong pai nawn kei ding uh hi,’ ci uh ahi hiam?

Isaiah 21:10

A kicilsa, a kiseepsa keima’ aa-te aw, Israelte’ Pasian, Vanglianpen Topa’ tung pana ka zaksa teng note tungah ka hong gen hi.

Late 119:13

Nangma hong piak na biakna ngeina kipte khempeuh ka gengen ding hi.

Late 107:43

A pil peuhmah in hih thute don hen la; Topa’ itna kip lungngaingai ta hen.

Mangmuhna 1:19

Tua ahih ciangin na muhsa nate ahi zongin, tu-a om nate ahi zongin, nung ciangin a piang ding nate ahi zongin gelhin koih in.

Micah 6:9

Khuapi lamah Topa kiko hi; mipil in ama min a zahtak ding ahi hi: Aw, minamte leh khuapi-a kikhawm mite in za un!

Amos 3:6

Khuapi sungah pataukohna gal peengkul a kitum ciangin, mite lau loin om mawk thei ahi hiam? Topa’ tun’ sak lohpi-in khuapi sungah, lauhuaina mawk tun’ ahi hiam?

Isaiah 48:7

Hihte pen, tu hunin a piangsak ka hi a, a beisa hun ah hih bang piang nai lo hi. A piang khinsa thu hi leh, ka theih uh thu hi, na ci kha ding uh hi.

Jeremiah 33:3

Kei nong sap leh kong dawngkik ding a, na theih ngei nai loh a ki-im cip thu lianpite kong gen ding hi.

Isaiah 42:8

Keimah in Topa ka hi a, Topa pen keima min ahi hi; Pasian dang’ tungah keima minthan’na ka ngahsak kei a, a kisui milimte tungah zong keimah hong kiphatnate bang ka ngah sak kei hi.

Isaiah 42:20

Israel in na tampi mu a, ahih hangin tuate encian lo hi; ama bilte kihong a, ahih hangin amah in khua za lo hi.