Isaiah 48:4 - Tedim Bible

⁴ Note pen paupeng-in, na ngawng uh sik thagui bang hi-in, na taltang uh sumngo banga sak a hihna thei ka hih manin,

Tedim Bible Revision 2017

⁴ Note pen paupeeng in na ngawng uh sik thagui bang hi a, na thatang uh sumngo bangin a sakna thei khin ka hih manin,

Isaiah 48:4 Referans Kwoze

Sawltak 7:51

“Lungkhauh a, lungsim leh bil tawh vunat loh mite aw, note in Kha Siangtho a tawntungin na nial uh hi. Na pute na pate uh a gamtat bangin na gamta uh hi.

Paikhiatna 32:9

Topa in Moses' kiangah, “Hih mite ka mu zo hi, en in, a lungkhauh mite ahi uh hi;

Paunak 29:1

Kihilhhilh napi-a a mang nuam lote, bawl phatkik zawh nawn loh dongin kisia ding hi.

ROM (Romans) 2:5

Tua bangin na lungkhauh leh, a kisik nuam lo na lungsim mah bangin Pasian’ hehna leh Pasian’ thuman thukhenna a kilat Ni ciangin na pumpi tungah hehna na khol hi.

Jeremiah 19:15

“A vanglian Topa, Israel mite’ Pasian in a cih-inah, En un, hih khuapi leh a kim-a khuaneute’ tungah ka gensa siatna khempeuh ka tung sak ding hi. Bang hang hiam cih leh amaute in a lung uh a khauhsak uh a, ka thute a ngai nuam kei uh hi, a ci hi,” ka ci hi.

Jeremiah 5:3

Topa aw, nangmah in thuman en gige hilo na hi hiam? Nangmah in amaute na sat hangin a awlmawh tuan kei uh hi; na sukgawp hangin na thu hilhna a ngai tuan kei uh hi. Amaute’ maitang suangtum sangin sakzaw a, a kisik nuam kei uh hi.

Thu-hilhkikna 31:27

Bang hang hiam cih leh a lehdo mite leh a lungkhauh mite na hihna uh ka thei hi; en un, note tawh kei a nungta khawm laipi mahin, tu ni-in Topa na lehdo khin uh hi; ka sih khit ciangin bangzah takin lehdo zawlai ding na hi uh hiam!

Paikhiatna 33:5

Bang hang hiam cih leh Topa in Moses' kiangah, “Israel mite' tungah gen in, ‘Note in lungkhauh mi na hi uh hi; note' lakah tomno khat sung hong paito leng note kong beisak ding hi. Tua ahih ciangin note kong bawl nading ka theih nadingin note'tung panin na kizepnate uh suahkhia un,’ ci in,” ci-in gen khinzo hi.

Late 75:5

kihisak kei un la, kiphatsakna tawh kam pau kei un,” ka ci hi.

Paikhiatna 33:3

Bawngnawi leh khuaizu a luanna leitangah paito un; ahih hangin lampi-ah note hong sisak kha ding ka hih ciangin note' lakah kei kong paito kei ding hi, bang hang hiam cih leh note in lungkhauh mi na hi uh hi,” a ci hi.

Isaiah 46:12

“Dikna tawh a kigamlate, a lungsim khauh mite aw, ka thu hong ngai un:

2 KHANG TANGTHU NIHNATE 36:13

Pasian tawh a kiciamsak Kumpi Nebukhadnezzar zong amah in lehdo hi; Israel Pasian, Topa’ kiang zuan kik nuam lo a, zong kisik nuam loin a lung khauhsak hi.

Hebru 3:13

Mawh kheemna hangin note lakah a lung khauh mi a om khak loh nadingin, “Tu ni,” a kicih lai takin nisimin khat leh khat kihansuah un.

Daniel 5:20

Ahih hangin amah a lungkhauhin kiphasak a, gilo lua ahih manin a kumpi tokhom panin kilakhia a, a minthan’na a taan hi.

Jeremiah 7:26

ahih hangin amau in ka thu hong ngai loin, a bil uh hong ngat lo uh a, a lung uh a khauhsak uh hi. A pute a pate uh sangin a siazaw uh hi.

Jeremiah 3:3

Tua hang mah-in guahtui kikang sak a, guah nunung hong zu lo hi; ahih hangin numei paktatte bang hi napi-in, na zum thei kei lailai hi.

2 KHANG TANGTHU NIHNATE 30:8

Tu-in na pute na pate uh bangin lungkhauh kei un la, note kiang panin a lauhuai ama hehna a kiheikhiat theih nadingin Topa’ lamah kipia un la, amah in a tawntung dingin a sian’thosaksa a biakinn ah pai-in Topa na Pasian uh, bia un.

2 KUMPI NIHNATE 17:14

Ahih hangin amaute in thungai lo uh a, Topa a Pasian uh a um lo a pate uh mah bangin lungsim khauh uh hi.

Thu-hilhkikna 10:16

Tua ahih ciangin Topa’ thu mang un la, lung khauh nawn kei un.

Nehemiah 9:28

Ahi zongin a tawldam khit uh ciangin nangma muhna ah a sia gamta zel uh a, nangmah in amau’ galte khut sungah na nusia a, a galte un amaute ukgawp uh hi. Ahi zongin amaute in nang tungah huhna hong nget uh ciangin vantung panin amau’ ngetna za-in na hehpihna tawh amaute tam veipi na honkhia hi.

Ezekiel 2:4

Amaute a lungsim uh khauhin paupeng uh hi. Keimah Topa Pasian in amaute tungah ka gen ding thute a va gen dingin a hong sawl ka hi hi.

Paikhiatna 9:7

Faro in a en dingin mi sawl hi, en in, Israel’ ganhing khat zong si lo hi. Ahih hangin Faro’ lungsim khauh lai a, amah in mite paisak lo hi.

Isaiah 30:9

Bang hang hiam cih leh amaute pen, a lehdo mite, a zuau thei tapate, Topa’ hilhna thu a ngai nuam lo mite ahi uh hi;