Isaiah 48:21 - Tedim Bible

²¹ Amah in sehnel gam kantanin amaute a paipih ciangin a dang uh taak lo hi; suangpi panin amau adingin amah in tui luangsak hi; amah in suangpi khangkham sak a, tui phulkhia hi.

Tedim Bible Revision 2017

²¹ Amah in sehnel gam kantanin amaute a paipih ciangin a dang uh taak lo hi. Suangpi panin amau adingin amah in tui a luangsak hi. Amah in suangpi khangkhamsak a, tui a phul khia hi.

Isaiah 48:21 Referans Kwoze

Paikhiatna 17:6

En in, Horeb-a suangpi-ah nangma' mai-ah ka ding ding hi; nang in suangpi na sat ding a, mite in tui a dawn theih nadingin tua suang panin tui hong phul khia ding hi,” a ci hi. Isarel upate’ muhna-ah tua mah bangin Moses gamta hi.

Late 105:41

Amah in suangpi hong a, tui phulkhia hi; guntui bangin sehnel gamah a luang hi.

Isaiah 30:25

Na galte uh’ tausangte pukin mi tampi a sih ni-in, mualsang leh mual neute tung khempeuh ah lui tui luang ding hi.

Late 78:20

Amah in suangpi sat a, tui lengkhia-in luite dimlet takpi ahi hiam? Amah in ama mite, an ahi a, sa-meh ahi zongin a pia thei takpi ahi hiam?” ci uh hi.

Gamlak-vakna 20:11

Moses in a khut laam toin a ciangkhut tawh suangpi nih vei sat hi; tui tampi phulkhia-in mihonte leh amau’ ganhingte in dawn uh hi.

Isaiah 49:10

Amaute gil kial lo, dangtak lo ding uh a, huihsa in hita leh nisa in hita leh amaute sukha lo ding hi, bang hang hiam cih leh amaute a hehpihpa in amaute lamkaih ding a, lui tui kiangah amaute paipih ding hi.

Nehemiah 9:15

A gilkialna uh a vahsak dingin vantung panin an na pia a, a dangtakna uh a phasak dingin suangpi panin tui na phulsak a, amaute tungah piak dingin na kiciamsa gamah lutin a luah nadingun amaute na sawl hi.

Jeremiah 31:9

Amaute kap kawmin hong pai ding uh a, keimah in hehnemin ka pikik ding hi. Tui omna lui geiah ka paipih ding a, lam nuamah paipih-in a tuk kei ding uh hi. Bang hang hiam cih leh Israel mite’ pa ka hi a, Efraim in ka tapa upapen ahi hi.

Late 78:15

Amah in gamsung ah suangpite kitamsak a, tui thukpi sung pan-a piangkhia bangin amaute tungah tuidawn ding tampi pia hi.

Late 74:15

Nangmah in ciktuite leh luite na phulsak a, guntui luangte na kangsak hi.

Late 78:16

Amah in suangpi sung panin luitui luangkhia sak a, gunte bangin tuite luangsak hi.

Nehemiah 9:20

Amaute a thuhilh dingin a hoih na Kha Siangtho na pia a, na manna an zong amaute kiang panin na la kik kei a, a dangtakna uh a phasak dingin tui na pia hi.