Isaiah 48:19 - Tedim Bible

¹⁹ na suan leh khakte sehnel zah pha-in, na tu leh tate sehnel vui zah pha ding hi; keima mai-ah amaute’ min kiphiat khia lo, kisusia ngei lo ding hi,” a ci hi.

Tedim Bible Revision 2017

¹⁹ Na tu le na tate sehnel zah pha dinga, na suanlekhakte sehnel vui zah pha ding hi. Keima mai ah amauteʼ min kiphiat khia lo dinga, kisusia ngei lo ding hi, a ci hi.

Isaiah 48:19 Referans Kwoze

Isaiah 10:22

Na mi Israelte pen tuipi sehnel zah bang ahih hangin, amaute a om lai tawm khat bek hong ciahkik ding hi. Thuman mahmahna tawh siatna thu kikhen ahi hi.

Piancilna 22:17

nang thupha kong pia taktak ding hi, na suan-le-khakte van-a aksite leh tuipi gei-a sehnel bangin tampi ka phasak ding hi. Na suan-le-khakte in amau’ galte’ khuapite luah ding uh a,

ROM (Romans) 9:27

Isaiah in Israel thu panin, “Israel mipawlte in tuipi sehnel zahin a tam hangin a kimkhat bek in gupna a ngah ding uh hi.

Hosea 1:10

Ahi zongin, teh zawh loh, sim zawh loh zah dongin tuipi sehnel bangin Israel mite tampi pha ding uh a, tu hunin, “Note ka mi hi lo,” a kicih hangin ni khat ni ciangin, “A nungta Pasian’ tate,” kici ding hi.

Jeremiah 33:22

Vana aksite kisim zo loin, tuipi-a sehnelte a kiteh zawh loh bangin keimah in ka nasempa David’ suan-le-khakte ahi zongin, siampi Levi’ minamte ahi zongin ka pungsak den ding hi,” a ci hi.

Zefaniah 1:4

Judah gam mi khempeuh susia-in, Jerusalem khua-a teeng mi khempeuh ka sumai ding hi. Baal milim biakna a them bang lai khempeuh leh tua milim na a sem siampite hih mun panin, a vekpi-in ka sumai ding hi.

Isaiah 66:22

Ka bawl ding vantung thak leh leitung thak pen ahih leh keima mai-ah kip ding hi; tua mah bangin na suan na khakte uh leh na min uh kip ding hi, Topa in ci hi.

Isaiah 56:5

ka innsung leh ka huang sungah tapa leh tanute sangin a hoihzaw phawkna leh min ka pia ding a, a mang ngei nawn lo ding tawntung min, amaute tungah ka pia ding hi.

Isaiah 48:9

“Note kong suksiat khak loh nadingin ka min ka ngaihsutna tawh ka hehna diah-in, keimah hong kiphatna ka ngaihsutna-in note tungah ka ki-ip hi.

Isaiah 14:22

Vanglianpen Topa in, “Amaute’ lang khatah ka pang ding a, “Babilon min leh a om lai mite, tate leh suan leh khakte ka susia ding hi, Topa in ci hi.

Isaiah 9:14

Tua ahih ciangin Topa in Israel sung panin a makaite leh a mihonte, a lu panin a mei dongin, nisuh hiang leh pumpengte anihin ni khat thu-in vat mai hi.

Late 109:13

Ama suan-le-khakte bei hen la, khang khat sungin ama min maimang ta hen!

Late 9:5

Minamte na tai a, migilote na susia hi; a tawntunga mangthang dingin amau min na phiat hi.

1 KUMPI MASATE 9:7

amaute ka piaksa leitang panin Israel ka lakhia ding hi; tua ciangin ka min dingin ka apsa inn pen ka muhna panin ka lawnkhia ding hi; tua ciangin Israel in mi khempeuh lakah paunak leh thugentehna suak ding hi.

Ruth 4:10

A site’ min ama sanggamte leh a pian’na a khua sung panin a maiman’ loh nadingin ama gamhluahna-ah a site min a kizop theih nadingin a si khin Mahlon’ zi, Moab numei Ruth zong ka zi dingin ka lei khin hi; note in tu ni-in teci na hi uh hi,” a ci hi.

Joshua 7:9

Bang hang hiam cih leh Kanaan mite leh hih gam-a teeng mi khempeuh in hih thu za ding uh a, kote hong umcihin leitung panin kote hong phiatkhia mang ding uh hi; tua ciangin a lian nangma min bang cih ding na hi hiam?” a ci hi.

Piancilna 13:16

Na suan-le-khakte leitung leivui zahin ka bawl ding hi; mi khatpeuh in leitung leivui a sim theih leh na suan-le-khakte zong kisim thei ding hi.

JOB (Job) 5:25

Na suan na khakte tampi pha ding hi, ci-in na thei ding a, na sunga piangte leitung lopa zah pha ding hi, ci-in na thei ding hi.

Isaiah 44:3

Bang hang hiam cih leh a dangtak leitang tungah tui ka sung ding a, leikeu tungah lui tui ka luangsak ding hi; na suan leh khakte tungah ka Kha ka pia ding a, na tu na tate tungah ka thupha ka pia ding hi.

Isaiah 44:4

Amaute pen lopa dumna-a a po lopa bangin, tui sung pan-a pokhia, lui tui luang gei-a a om gialheek kungte bangin po khia ding uh hi.

Isaiah 54:3

Bang hang hiam cih leh taklam leh veilamah nangmah kizeelin, na suan leh khakte in minamte luah ding uh a, a kinusia khuapite mi tawh dim sak ding uh hi.

Thu-hilhkikna 9:14

amaute susia-in vantung nuai panin amaute’ min ka phiat theih nadingin kei guak hong omsak in; amaute sangin a vanglian zaw a tamzaw minam-in nang kong bawl ding hi,’ hong ci lai hi.