Isaiah 48:14 - Tedim Bible

¹⁴ “Note khempeuh kikhawm un la, hong za un! Amaute’ lakah kua in hih ka sep ding nate genkhol thei ahi hiam? Ka teel kipawl pihpa in Babilon tungah keima ngimna sem ding a, Khaldea mite’ lang khatah kei ka pang ding hi.

Tedim Bible Revision 2017

¹⁴ Note khempeuh hong kikhawm unla hong za un! Amaute sung panin kua in hih ka sep ding nate gen khol thei ahi hiam? Ka teel sa mipa in Babylon tungah keima ngimna sem dinga, Khaldea miteʼ lang khat ah kei ka pang ding hi.

Isaiah 48:14 Referans Kwoze

Isaiah 43:9

Minamte kikaikhawm sak un la, mihingte kikhawm sak un. Amaute’ lak panin kua in hih thu hong genkhol thei-in, a beisa hun-a nate kua in hong lak thei ahi hiam? Amau’ dikna a langsak dingin a tecite uh hong paipih sak un la, amaute a thu za sakin, man mah hi, ci sak un.

Isaiah 41:22

Amaute in a thu uh hong paipih hen la, a piang ding thu hong gen uh hen. Eite in i ngaihsut theih nading a, a hong piang ding thu i theih nadingin a beisa hun-a om nate bang teng hiam cih hong gen uh hen; tua ahih kei leh zong, a hong piang ding thu eite tungah hong gen ta uh hen.

Isaiah 44:28

Sairas kumpipa in ka tuucingpa hi a, ka deihna teng tung sak ding hi’; ‘Jerusalem kilam ding a,’ biakinn pen, ‘Na bulpi kiphut ding hi,’ a ci Topa ka hi hi.”

Isaiah 44:7

Kua in kei tawh kibang ahi hiam? Amah gensak-in pulak sak un la, keima mai-ah gen sak un. A tung ding nate thu tanglai pek panin kua in tangko ahi hiam? Hong tung ding nate thu amaute genkhol sak dih un.

Marka 10:21

Zeisu in tua pa a et ciangin it a, “Na khat na sam lai hi. Pai in la, na neihsa teng zuakin mizawngte na pia in. Tua ahih leh, vantung gam sungah sum na nei ding hi. Tua khit ciangin ka nung hong zui in,” a ci hi.

Isaiah 13:19

Khaldel mite’ vangliatna leh kiphatsakpih, kumpigam a minthang bel Babilon khua pen Pasian in Sodom leh Gomorrah a siatsak lai hun bang ding hi.

Isaiah 21:9

En in, sakol leeng tuangte a kopkopin hong pai!” ci hi. A dang khat in, “Babilon cim hi, cim hi; ama milim pasiante khempeuh leilak dongah amah in suksiat sak hi,” ci-in dawng hi.

Piancilna 49:1

Tua ciangin Jakob in a tapate sam a, “A hong tung ding hunte ah note tunga hong tung ding thu kong gen theih nadingin note hong kikhawm un.

Piancilna 49:2

Jakob’ tapate aw, hong kikhawm un la za un, na pa Israel’ thu ngai un.

Isaiah 45:13

Thumanna sungah amah khua ka phawksak a, keimah in ama lampi khempeuh ka mamsak ding hi; amah in nasep thaman ahi a, letsong ahi zongin ngaihsun loin keima khuapi lamin sal-a om ka mite khahkhia ding hi,” Vanglianpen Topa in ci hi.

Jeremiah 50:44

“En un, lo nona-a nuam taka om tuute, Jordan gam tuulak pana hong paito humpi in a delh mang bangin keimah in amaute, a gam uh nusia-in thakhat thu-in ka taimang sak ding a, a gam uh a uk dingin ka deih peuhpeuh ka seh ding hi. Bang hang hiam cih leh kei bang mi kua om ahi hiam? Ka to ding kua om lai ahi hiam? Ka mai-ah kua kumpi hong ding ngam ding ahi hiam?