Isaiah 48:13 - Tedim Bible

¹³ Ka khut in leitung bulpi koih a, ka khut taklam in vantungte zal hi; amaute ka sap ciangin amaute omkhawm pah uh hi.

Tedim Bible Revision 2017

¹³ Ka khut in leitung bulpi koih a, ka khut taklam in vantungte zal hi. Amaute ka sap ciangin amaute om khawm pah uh hi.

Isaiah 48:13 Referans Kwoze

Isaiah 40:26

A sangna vantung lam ento un la, mu un: kua in hihte piangsak ahi hiam? Amau’ aksi honpite khat khatin piangsakin, a lian ama thahatna tawh amaute khempeuh a min un a sampa ahi hi; vangliatna-ah thahat ahih manin khat beek pelem lo hi.

Isaiah 45:18

Vantungte a piangsakpa (amah Pasian!) leitung piangsakin a bawlpa (a kipsakpa; a awngthawl dingin bawl loin, teen’ nading a, leitung a piangsakpa!) Topa in hih bangin ci hi: “Keimah in Topa ka hi a, kuamah dang om lo hi.

Late 102:25

Tanglai hunin nangmah in leitung bulpi na koih a, vantungte zong nangma khut tawh na bawlsa ahi hi.

Paikhiatna 20:11

bang hang hiam cih leh a ni guk sung tengin Topa in van leh lei, tuipi leh tuate' sunga om khempeuh bawl a, a ni sagih ni tawlnga hi; tua ahih ciangin Topa in sabbath ni thupha pia-in siangthosak hi.

Isaiah 42:5

Vantungte piangsakin a zal, leitung phah-in a tung pan-a hong paikhia nate a piangsak, leitung a, om mite tungah husan’na pia-in, leitung a, a paite khempeuh husan’na a guan Topa Pasian in hih bangin ci hi;

Isaiah 40:12

Kua in ama khut kuak sungah tuite tehin, ama khaap tawh vantungte teh a,lawh sung khatah leitung leivui khempeuh guang-in, pongkhaina tawh mual liante khai a, tawi tehna tawh mual neute teh ahi hiam?

Isaiah 40:22

Leitung-a teeng mite kauphe tawh kibang, tua leitung kimkot tunga kumpi tokhom tungah a tu-pa; vantungte pen puan bangin zal-in, a sungah teen theih nadingin puanbuk bangin a zalpa;

Late 147:4

Amah in aksite a phazah ding seh a, tuate amau min ciatin a sam hi.

JOB (Job) 37:18

Limlang bangin a sak van peekpi, ama hih bangin zal zo na hi hiam?

ROM (Romans) 4:17

“Ke’n nangmah mipawl tampite’ pa ka hong suaksak zo hi,” ci-in Lai Siangtho sungah a kigelh mah bangin a site thosak a, a piang nai lote a piangsa bangin a ciamtehpa Pasian ahi, amah in a up Pasian mai-ah Abraham in eite khempeuh’ pa ahi hi.

Isaiah 40:21

Note in thei nai lo na hi uh hiam? Note in za nai lo na hi uh hiam? A kipat cilin note tungah hong kigen khin hilo ahi hiam? Leitung a pian’ akipan thei khinta hilo na hi uh hiam?

Isaiah 45:12

Keimah in leitung ka bawl a, tua tungah mi ka piangsak hi; keima khut in vantungte zal a, keimah in vantung na honpite khempeuh thu ka pia hi.

Isaiah 51:13

Vantungte zal-in, lei bulpite a koih note a hong bawl Topa hong mangngilh khin ta na hi uh hiam? Note hong susia dingin a kithawi, no a hong nengniamte’ hehna, bang hangin kihta-in om tawntung na hi uh hiam? Amaute’ hehna in note hong sukha zo het lo ding hi.

Isaiah 44:24

Gil sung panin nangmah a hong piangsak, nangmah hong Tanpa, Topa in hih bangin ci hi: “Keimah in na khempeuh bawlin, keimah guakin vantungte zal-in, kuama seppih lohin leitung ka zal hi;

Jeremiah 51:15

“Pasian in ama’ vangliatna tawh leitung bawl a, ama’ pilna tawh leitung piangsakin, ama’ siamna tawh vantung a zalh hi.