Isaiah 48:12 - Tedim Bible

¹² “Jakob leh keima hong sap Israelte aw, ka thu ngai un! Kei in amah ka hi a, keimah in a masa hi-in, keimah in a nunung zong ka hi hi.

Tedim Bible Revision 2017

¹² Jakob aw, ka thu ngai in. Kong sap Israel-te aw, ka thu hong ngai un! Kei pen amah ka hi a, kei pen a masa hi-in, kei pen a nunung zong ka hi hi.

Isaiah 48:12 Referans Kwoze

Isaiah 41:4

A kipat cil-a kipan a khang khang-a mite a sam, hih nasep semin a bawl kua ahi hiam? A masa leh a nunung, Topa ahi keimah ka hi hi; kei in Amah ka hi hi.

Mangmuhna 22:13

Keimah in Alfa leh Omega, a masa bel, a nunung bel, a kipatna leh a tawpna ka hi hi.

Mangmuhna 1:8

“Keimah in Alfa leh Omega ka hi,” ci-in tu lai taka om, a om ngei, tu nung ciangin hong pai ding mi ahi Vanglianpen Topa Pasian in a gen hi.

Isaiah 44:6

Topa, Israel Kumpipa leh amah Honpa, Vanglianpen Topa in hih bangin gen a: “Keimah in a masa pen leh a nunung pen ka hi hi; kei sim loh Pasian dang om lo hi.

Isaiah 55:3

Ka mite aw, ka thu ngai un la, kei kiangah hong pai un; nuntakna na ngah theih nadingun hong za un; David tungah ka kamciam mah bangin, keima itna kip ahi tawntung thuciamna note tawh ka bawl ding hi.

Isaiah 43:11

Kei, keimah in Topa ka hi a, kei sim loh honpa dang om lo hi.

Isaiah 49:1

Tuipi kulh gamte aw, ka thu ngai un la, gamlapi-a om mihingte aw, ngai un. Ka suah ma-in Topa in kei hong sam a, ka nu’ sungah ka om lai-in amah in ka min hong phuak hi.

Isaiah 46:3

“Na suah-a kipan kong tawi, gilsung pan-a kong puak, Jakob innkuan, Israel innkuan a suakta laite khempeuh aw, keima thu hong ngai un;

Thu-hilhkikna 32:39

“Tu-in thei un, Keimah a kicipa in Kei ka hi hi, Kei sim loh pasian dang om lo hi; ka that a, ka nungta sak hi; ka liam sak a, ka dam sak hi; ka khut sung pan a honkhia zo kuamah om lo hi.

Mangmuhna 17:14

Amaute in Tuuno tawh a kido uh ciangin Tuuno in amau a zo gawp ding hi. Bang hang hiam na cih uh leh, amah in topate’ Topa, kumpite’ Kumpipa ahi hi. Kiteelkhia, kisamin, thuman mi ahi Topa tawh a omkhawm mite in zong a zo gawp ding uh hi,” ci-in kei kiangah hong gen hi.

Mangmuhna 2:8

“Smurna khua-ah a om pawlpi’ vantungmi kiangah hih bangin gelh in. ‘A masa bel leh a nunung bel ahi tham loin, nidang lai-inah sihna a thuak zo, tu-in a nungta mi’ thupiakna in:

Mangmuhna 1:11

“Nangmah in na muhte, lai sungah gelh in la, Efesa khua, Smurna khua, Pergamum khua, Thiatira khua, Sardis khua, Filadelfia khua, Laodikia khua-ah om pawlpi sagihte kiangah khak in,” ci-in hong genna kam ka za hi.

1 PETER MASA 2:9

Note na hih uh leh, khuamial sung pan a lamdang khuavak sungah a hong sampa’ vanglian hehpihna na lahkhiat nadingun, a hong teel mi pawl, man’na nuam a nei siampi pawl, mi siangtho pawl, Pasian in a uk, a neih mi pawlte na hi uh hi.

1 KORIN MASA 1:24

Ahih hangin Judah mi hi taleh, Grik mi hi taleh, a kisamte adingin Pasian’ vangliatna leh Pasian’ pilna ahi hi.

ROM (Romans) 8:28

Pasian a it mite ahi uh, a geelna banga a sap mite adingin na khempeuh in hoih nadingin a piang uh hi cih i thei hi.

Mattiu 20:16

Tua mah bangin, a nunungte in a masa ding uh hi. A masate in a nunung ding uh hi,” ci-in a hilh hi.

Isaiah 51:7

“Thumanna a thei, na lungsim sung uhah keima thu a vom mite aw, ka thu ngai un; mihingte’ kosiatna kihta kei un la, amaute’ simmawhna hangin lungkia kei un.

Isaiah 51:4

“Ka mite aw, ka thugen hong ngai un. Minamte tungah thukham ka hilh a, keima thutan’na in amaute tungah khuavak tun ding hi.

Isaiah 51:1

Dikna a zui, Topa a zongte aw, ngai un; note hong ki-eu khiatna suangpi leh note hong kitawh khiatna khuk en un.

Isaiah 34:1

Minamte aw, thu za dingin hong nai un, mihingte aw, ngai un. Leitang leh a tunga om khempeuh aw, ngai un; leitung leh a tung pan a, hong paite khempeuh in ngai un.

Paunak 8:32

“Tate aw, tu-in ka thugen hong ngai un la, kong gente zui le-uh cin thupha na ngah ding uh hi.

Paunak 7:24

Ka tate aw, kei lam hong nga un la, ka thugente hong ngai un.

Isaiah 40:26

A sangna vantung lam ento un la, mu un: kua in hihte piangsak ahi hiam? Amau’ aksi honpite khat khatin piangsakin, a lian ama thahatna tawh amaute khempeuh a min un a sampa ahi hi; vangliatna-ah thahat ahih manin khat beek pelem lo hi.

Isaiah 43:10

“Note in keima tecite na hi uh hi,” Topa in ci a, “Kei pen Amah ka hihna thu, nangmah in thei-in keimah nong up nading leh na theihtel theih nadingin kong teelsa ka nasempa na hi hi. Kei’ ma-in pasian om lo a, kei’ khit ah zong kuamah om lo ding hi.

Isaiah 46:4

na tek dongun keimah in Amah ka hi a, na sam uh a kan hun dongin note kong kem ding hi. Ka bawl khin a, ka don ding hi; keimah in hong tawi-in kong honkhia ding hi.

Isaiah 44:1

“Ahih hangin, ka nasempa Jakob aw, ka teelsa Israel aw, tu-in za in!