Isaiah 48:11 - Tedim Bible

¹¹ Keimah ka kikhualna, keimah ka kingaihsutna-in hih bangin kong hih hi; bang hang hiam cih leh ka min a siat ding kilawm ahi hiam? Midang khat tungah keima minthan’na ka pia kei ding hi.

Tedim Bible Revision 2017

¹¹ Keimah ka kikhualna, keimah ka kingaihsutna-in hih bangin kong hih hi. Bang hang hiam cih leh ka min a siat ding kilawm ahi hiam? Midang khat tungah keima minthanna ka pia kei ding hi.

Isaiah 48:11 Referans Kwoze

Isaiah 42:8

Keimah in Topa ka hi a, Topa pen keima min ahi hi; Pasian dang’ tungah keima minthan’na ka ngahsak kei a, a kisui milimte tungah zong keimah hong kiphatnate bang ka ngah sak kei hi.

Ezekiel 20:9

Ahi zongin, Izipt gam panin no Israel mite kong paikhiatpih ding hi, ci-in amau’ ompih mite’ zakin gen khin ka hih manin, tua bangin daan thuaksak leng, keima min a kidaisak suak ding cih ngaihsutna hangin daan ka pia kei hi.

Ezekiel 20:14

Ahi zongin Izipt gam panin amaute ka pai khiatpihna minam dangte in hong mu khin ahih manin tua bangin gamta leng, keimah mindai nading mah hi zel ahih manin amaute bangmah ka cih kei hi.

Isaiah 37:35

Bang hang hiam cih leh keimah leh ka nasempa David ka khualna-in hih khuapi a suahtak nadingin ka hu ding hi,” a ci hi.

Ezekiel 20:22

Ahi zongin tua bangin hih leng, Izipt gam panin Israel mite ka pai khiatpih hong mu mite lakah ka min dai ding ahih manin amaute ka susia kei hi.

1 SAMUEL MASA 12:22

Topa in ama min a khualna-in ama mite paaikhia lo ding hi; bang hang hiam cih leh ama mi-in note hong bawl nadingin Topa lungkim sak hi.

Isaiah 43:25

“Na thupalsatnate hong phiatkhiatsakpa in keimah Pasian ka hi a, kei ka hih manin na khialhnate ka ciamteh kei ding hi.

Jeremiah 14:7

Ka mite in kei tungah, “Topa aw, ka mawhna-un in kote’ lang khatah hong pang ahi ta zongin, nangma’ min hangin hong hehpih in. Kote in tam veipi kong nungngat uh a, nang tungah kong khial zo uh hi.

Ezekiel 20:44

Na gitlohna, na gamtatsiatna uh tawh kizui-in note tungah hong bawl loin, ka min a dai khak ding khualna tawh note tungah hong gamta ka hih manin keimah in Topa ka hihna thu no Israel mite in na thei ding uh hi, Topa Pasian in ci hi,” hong ci hi.

Ezekiel 20:39

Topa Pasian in, “Israel mite khempeuh aw, na milimte uh bia un! Ahih hangin tu-a kipanin keima thu nong man’ uh kul ding a, na milimte uh letsong piakna tawh ka min siangtho na daisak nawn kei ding uh hi,” hong ci hi.

ROM (Romans) 2:24

Bang hang hiam na cih leh, Lai Siangtho sungah a kigelh mah bangin, nangmah hangin Gentailte lakah Pasian’ min kigensia hi.

Johan 5:23

Thukhen nading thu khempeuh Tapa a pia hi. Tapa a zahtak lo mi in Tapa a sawlpa zong a zahtak kei hi.”

Isaiah 52:5

Tu-in Babilon ah tua mah bangin amaute tungah piang leuleu hi. Thu om lopi-in sal-in om uh hi. Amau a ukte, kihihsakna tawh awng uh a, sunthapai-in keima min kisimmawh hi.

Isaiah 48:5

note in, ‘Ka milim un hihte bawl a, a kisui ka milim leh a kisung ka milim un thu pia hi,’ na cih theih loh nadingun tanglai-a kipanin hih thute note tungah kong gen a, tuate hong pian’ ma-in note tungah kong zasak khol hi.

Late 25:11

Topa aw, ka mawhna lian ahih manin, nangma min hangin keima mawhna hong maisak in.

Late 106:8

Ahi zongin amah in, a lian mahmah ama vangliatna a kitheihsak nadingin, ama min a ngaihsutna-in amaute honkhia hi.

Late 115:1

Kote tungah hi loin, Topa aw, kote tungah hi loin, na itna kip leh na thumanna hangin nangma tungah minthan’na om ta hen!

Isaiah 48:9

“Note kong suksiat khak loh nadingin ka min ka ngaihsutna tawh ka hehna diah-in, keimah hong kiphatna ka ngaihsutna-in note tungah ka ki-ip hi.

Daniel 9:17

Pasian aw, ka thungetna leh ka thuumna hong za in. A kisiasa na biakinnpi maipha hong piakik in. Mi khempeuh in nangmah Pasian na hih lam a theihtheih nadingun hong puahkik in.

Late 25:7

Topa aw, ka khangno lai-a ka mawhna leh ka khialhnate ciamteh kei in la, na hoihna na ngaihsutna leh na itna kip tawh kizui-in kei hong phawk in!

Ezekiel 36:22

“Tua ahih ciangin Topa Pasian keimah in Israel mite tunga ka gen ding thute hih bangin gen in: Israel mite aw, tu-a ka sep ding thu pen note kong khualna hang hi loin, minam dang khempeuhte lakah na daisak kawikawi uh ka min siangtho ka khualna ahi hi.