Isaiah 48:1 - Tedim Bible

¹ Israel min tawh a kilo, Judah sung pan-a a piangkhia; Topa’ min tawh thuciam in Israel min lo napi-in, thuman thutak tawh Israel Pasian a pulak lo, Jakob innkuan aw, hih thu ngai un.

Tedim Bible Revision 2017

¹ Israel min tawh a kilo, Judah sung panin a piang khia, Topa’ min tawh thu ciam napi-in, thuman thutak tawh Israel Pasian a pulak lo Jakob innkuan aw, hih thu ngai un.

Isaiah 48:1 Referans Kwoze

Jeremiah 4:2

‘Topa a nuntak bangin,’ ci a, thuman tak, kip tak, thu tang tak-a thu na ciam nak uh leh, gam khempeuh in thupha ka piak ding hong ngen ding uh a, kei sungah amaute a lungdam ding uh hi,” a ci hi.

Late 68:26

“Israel’ suan-le-khakte aw, mipi kikhopna sungah Topa Pasian phat un!”

Jeremiah 5:2

“Topa a nuntak bangin,” ci-in a kiciam uh hangin a zuaupi uh ahi hi.

Isaiah 65:16

Leitungah thupha a kipiak ding a ngenpa in thuman Pasian min tawh thupha a kipiak ding ngen ding a, leitungah thuciamna a lapa in thuman Pasian min tawh a ciam ding hi; bang hang hiam cih leh a beisa huna haksatnate kimangngailh khin a, beimang khin ta hi.

Thu-hilhkikna 6:13

Topa na Pasian uh na zahtak ding uh hi; ama na bek na sem ding uh a, ama min tawh na kiciam ding uh hi.

Piancilna 32:28

Tua ciangin amah in, “Na min Jakob kici nawn loin Israel kici ding hi, bang hang hiam cih leh Pasian leh mite tawh na kilai khin a, na zo hi,” ci hi.

Mangmuhna 3:9

En in, ‘Judah mipawl khat ka hi uh,’ a ci zuau thu a gen mipawl ahi, Satan pawlte ahi mite kong pia a, amau in nang khe kiangah bia-in, nang kong it, ci-in amaute ka theisak ding hi.

Mangmuhna 2:9

“Nangmah in gimna na thuakna, na hau napi-in na zawnna-a kipan Judah mipawl hi lo napi-in ‘Judah mipawl ka hi uh, a kici Satan pawlte in hong kosiatna thute ka thei hi.

1 TIMOTI MASA 4:2

amau lungsim uh kisuan’na-ah sik sa tawh ciamtehna a ngah khit uh ciangin, zuauthu a gen thei mite’ simtatna hangin mi kimkhat in upna thu zui nawn loin, a kheem thei khate ahi zongin, dawigilote’ thuhilhna ahi zongin a ngai ding uh a, kiteen’ loh nading ahi zongin, thuman thutak um-a a thei mite in hehpihna phat-a a neek ding uh Pasian’ bawlsa an pawl pawlte tan’ ding ahi zongin, a kham ding uh hi.

ROM (Romans) 9:8

Tua ahih ciangin ci leh sa tate in Pasian’ tate taktak ahi kei uh hi, thuciamna tawh kipawl tate in a suan taktak a kici hi.

ROM (Romans) 9:6

Tua bang ka cih hangin Pasian’ thu a kip kei hi, ka cihnopna ahi kei hi. Bang hang hiam na cih uh leh, Israel’ suante khempeuh in Israel mi taktak ahi kei uh hi.

ROM (Romans) 2:17

Nang Judah mi kicihna ngah a, Thukham muang a,

Johan 4:24

Pasian in Kha ahi hi. Amah a biate in Kha leh thuman thutak tawh a bia ding uh hi,” ci-in a gen hi.

Johan 1:47

Nathanael hong pai Zeisu in a muh ciangin, “En un, ama sungah kheemna om lo Israel mi taktak ahi hi,” ci-in tua pa’ thu a gen hi.

Mattiu 23:13

“A simtat laitheite leh Farisaite aw, note in gimna na thuak ding uh hi. Bang hang hiam na cih uh leh, Vantung Gam kongkhak mi mai-ah na khak uh hi. No lah lut loin, a lut nuamte zong na kham uh hi.”

Malakhi 3:5

Vanglianpen Topa in hih bangin ci hi: “Note tungah thukhen dingin ka hong pai ding a, ai tawite, numei tawh mawhte, a man lopi-a teci pangte, nasemte’ thaman piakna ah khemna a zangte, meigong, tagah, leh gamdang mite a zawhthawh bawlte, leh kei hong zahtak lo mi khempeuhte’ lang khatah thakhatin teci pangin thu ka khen ding hi.

Zefaniah 1:5

Innkhumzang ah kahto-in, ni, kha leh aksi a bia mi khempeuh ka susia ding a, keimah hong bia-in, keima tungah thuman ding gen napi-in, Milkom pasian’ min tawh a kiciam teiteite zong, ka susia ding hi.

Isaiah 62:8

Topa in lim takin thuciamna bawl khin zo a, a vangliatna tawh tungsak ding hi: “Na galte’ an dingin na ante ka piakik nawn kei ding a, nangma sepsa leenggahzu gamdang mite in dawn nawn lo ding hi;

Isaiah 58:2

Amaute pen, thuman-a a gamta, amaute’ Pasian’ biakna ngeina kipte a nusia lo minam bang keekin, ni simin amaute in kei hong zong uh a, keima lampite thei nuam uh hi; amaute in keima kiang panin a maan thukhenna hong ngen uh a, Pasian kiangah nai nuam uh hi.

Isaiah 45:23

Keimahmah ka kiciam khin a, a kikhel kik nawn lo ding thu in, ‘Keima mai-ah mi khempeuh hong khukdin ding a, keima tungah thuman dingin hong kiciam ding uh hi,’ cihna, kei’ kam sung panin thumanna tawh pusuak khia khin zo hi.

Isaiah 44:5

Khat in, ‘Keimah in Topa aa ka hi hi,’ ci-in, a dang khat in Jakob’ min tawh ama min lo ding a, a dang khat leuleu in, ‘Topa aa,’ ci-in ama khut tungah gelhin, Israel min tawh amahmah kinophuah ding hi.”

Isaiah 26:13

Topa kote’ Pasian aw, nang ahi lo to dangte in ko tungah hong uk hangin, nangmah min bek mah kote in ka zahtak uh hi.

Paunak 5:16

Pasal dang tawh va vak zau-in kongzing lakah va mawh kha ding hi.

Late 66:3

Pasian’ tungah hih bang ci un, “Nangma bawlnate bangzah takin dipkuat huai! Na vanglian mahmah ahih manin na mai-ah na galte in nang hong mai-et uh hi.

Late 63:11

Ahih hangin Pasian sungah kumpipa lungdam ding hi; amah tawh thuciam khempeuhte zong minthang ding hi; bang hang hiam cih leh zuauthu gente kamte kihubing ding hi.

2 KUMPI NIHNATE 17:34

Tu ni dongin amaute in a ni danga ngeina bangin hih uh hi. Amaute in Topa kihta lo uh a, Israel min a phuah Jakob’ suante’ Topa in a thupiak thukhamte ahi a, ngeina kipte ahi a, zuih ding ngeina ahi a, a thupiakna ahi zongin amaute in zui lo uh hi.

Thu-hilhkikna 33:28

Tua ahih ciangin lungmuanna sungah Israel bek teeng hi, Jakob’ suante bek, an leh leenggahzu gamah om hi; hi taktak hi, a vantungte in daitui hong khiatsuk hi.

Thu-hilhkikna 10:20

Topa note’ Pasian na zahtak ding uh hi; ama na semin amah beelin, ama min tawh na kiciam ding uh hi.

Thu-hilhkikna 5:28

“Kei kiangah nong gen uh ciangin Topa in na thu uh a za hi; Topa in kei kiangah, “Hih mite in nang kiangah hong gen uh thute ka za khin hi; a gen khempeuh uh a manin gen uh hi.

Gamlak-vakna 24:7

A phelkhaite panin tui luang ding a, a khaici in tui tampite ngahin, a kumpipa uh, Agag sangin sangzaw ding a, ama kumpigam kiliansak ding hi.

Siampi Laibu 19:12

Note in a man lopi-in keima min tawh na kiciam kei ding uh a, tua bangin na Pasian uh’ min na daisak kei ding uh hi: keimah in Topa ka hi hi.

Paikhiatna 23:13

Nang' tunga kong gente khempeuh thudon in; pasian dangte’ min genin nei kei in la, na kam sung panin zong tua bangte kizasak kei in.

Piancilna 35:10

Pasian in ama' kiangah, “Na min in Jakob ahi hi; ahi zongin tu-a kipanin nangma min in Jakob kici nawn lo ding a, Israel in nangma' min hi ding hi,” ci hi. Tua ahih ciangin ama min Israel kici hi.

Isaiah 46:12

“Dikna tawh a kigamlate, a lungsim khauh mite aw, ka thu hong ngai un:

Isaiah 64:6

Kote khempeuh mawhnei mi ka hi khin uh a, ka gamtat hoih khempeuh uh zong puansianin tawh kibang veve hi. Kote khempeuh singteh bangin ka vul uh a, ka mawhna hangun, huih letkhiat nahthel keu ka bang uh hi.

Jeremiah 44:26

Ahih hangin Topa’ thugenna hong ngai un, no Izipt gama om Judah mite aw; en un, Topa in kong cih-inah, Izipt gama om Judah mi khat beek in, ‘Topa a nuntak bangin,’ ci-in ka min zangin a kiciam nawn loh nadingun ka min lianpi tawh ka kiciam khin zo hi.

Zekhariah 5:3

Tua ciangin amah kei kiangah, “leitung gam khempeuhah a pai ding hamsiatnate, hih lai tungah kigelh hi. Guta khempeuh, gam sung panin kisiak khia mang ding hi, ci-in laizial dal lang khatah kigelh a, a man lopi-in ka min tawh thuciam mi khempeuh zong kisiak khia mang ding hi, ci-in a lang khatah kigelh hi.

2 KUMPI NIHNATE 5:20

Pasian’ mipa Elisha’ nasem Gehazi in, “En un, ama tung panin ama hong puak san’ lohna tawh ka topa in Siria mi hih Na-aman khah hi. Topa in a nungta ahih mah bangin, ama nungah kei tai-in ama tung panin na khat peuhpeuh ka ngah ding hi,” a ci hi.

Late 68:27

Amaute lakah a neupen Benjamin in a mapi-in om a, amau’ hon lakah Judah kumpite, Zebulun kumpite, Naftali kumpite om uh hi.

Isaiah 51:1

Dikna a zui, Topa a zongte aw, ngai un; note hong ki-eu khiatna suangpi leh note hong kitawh khiatna khuk en un.

Isaiah 51:2

Na pa uh Abraham leh note’ pian’na Sarah ngaihsun dih un; bang hang hiam cih leh khat bek ahih lai takin amah ka sam a, amah thupha pia-in tampi ka phasak hi.

Micah 2:7

Israel mite aw, “Topa a lungtom ta a, hihte, ama hong bawlna mah ahi hiam?” na cih ding uh kilawm lo hi. Ka thugenna kammalte in a thuman mite adingin a hoih hilo ahi hiam?