Isaiah 47:6 - Tedim Bible

⁶ Ka mite’ tungah ka heh a, keima luah gamh ka ninsak hi; nangma khut sungah amaute kong pia a, nang in amaute na hehpih kei hi; a khangham mite tungah na hakkol na giksak mahmah hi.

Tedim Bible Revision 2017

⁶ Ka mite tungah ka heh a, ka luah gamh ka ninsak hi. Nangma khut sungah amaute kong pia a, nangmah in amaute na hehpih bawl kei hi. A khangham mite nangawn na ngongbawl mahmah hi.

Isaiah 47:6 Referans Kwoze

Zekhariah 1:15

Tua banga nuam taka a om hithiat minamte tungah ka heh mahmah hi. Ka mite tungah ka hehna ki-ip tentanin ka om lai takin, hih minam dangte in ka mite’ gimna nasiasak semsem uh hi.

2 KHANG TANGTHU NIHNATE 28:9

Ahih hangin Oded min nei Topa’ kamsang khat tua lai-ah om hi; tua ciangin Samaria ah hong tung galkapte a dawn dingin amah pai khia a, amaute kiangah, “En un, na pu na pate uh’ Pasian Topa in Judah tungah heh ahih manin note khut sungah amaute hong pia a, ahih hangin note in heh mahmahna tawh amaute na that uh a, tua in vantung dong ban hi.

Thu-hilhkikna 28:50

Topa in a gamlapi leimong panin muvanlai leng banga a manlang, amau’ pau na theih loh uh minam, thukhualna a nei lo minam, khangham mite a zahtak lo, khangno mite tungah maipha zong a lak tuan lo minam khat, note’ langkhatah hong paipih ding a,

Obadiah 1:10

Bang hang hiam cih leh, na sanggampa Jakob bawlsia-a na thahna hangin; mai zumna in nang hong khuh ding a, na khan tawnin na mangthang ding hi.

Jeim 2:13

Bang hang hiam na cih uh leh, hehpihna a nei lo mi in, hehpihna ngah loin thukhenna a thuak ding hi. Hehpihna in thukhenna zoin a kisathei thei hi.

Late 69:26

Bang hang hiam cih leh nangmah in na satgawp mi amaute in bawlsia uh a, nangmah in na liamsaksa mi amaute in gimsak sawnsawn uh hi.

Obadiah 1:16

Bang hang hiam cih leh, ka mual siangtho tunga na thuak mah bangun; na kim na pama mi namte khempeuh in zong ka daan piakna a thuak ding uh hi. Thuak tawntung ding uh a, a piang ngei lo mah a bang ding uh hi.

Isaiah 14:17

Leitung pen sehnel gam suaksakin, khuapite a susia-pa, thong sungah a khum mite pen innah a ciahsak lopa pen hihpa hilo ahi hiam? hong ci ding uh hi.

Isaiah 10:6

Pasian thu a ngaihsun lo minam leh keimah hong hehsak mite’ neihsa sutin lak sakin, amaute pen konglak buannawng bangin a tuancil dingin amaute sawlin thu ka pia hi.

Mattiu 7:2

Bang hang hiam na cih uh leh, midangte tungah na khen uh bangin note in thukhenna na thuak ding uh hi. Midangte na piakna uh seeng bangin no zong seengin hong kipia kik ding hi.

Ezekiel 28:16

Na sumbawl luatna hangin ngongtatin mawhna sung na tung kha hi. Tua ahih manin ka mual siangtho panin nang ka hong hawl khia a, a tee zaizai suangmanphate lak panin nang hong cing kherubte in hong hawlkhia uh hi.

Ezekiel 24:21

Israel mite kiangah hih bangin thu gen in hong ci hi. Ama cihna in: Note in na kisaktheihpih uh, a sungah paipai-in na etet nop uh ka biakinn pen a ninsak ding ka hi hi. Tua ciangin note’ nung-a a om lai na tate uh, namsau-in si ding uh hi, ci hi.

Kah la 2:2

Topa in Judah gama khuate khempeuh hehpih loin a susia hi. Amah in a galdalna kulhpite khempeuh balzan gawpin a gam leh a gam ukte a maizumsak hi.

Isaiah 43:28

Na uliante un ka biakinn mindaisak uh ahih manin, Israel tungah zahhuaina ka tungsak a, Jakob ka siasak hi.

Isaiah 13:16

Amau’ muhna mah ah a naungeekte uh leilak kiden’ gawp nading hi; amaute’ inn kiluhin, a zite uh kibuansak ding hi.

2 SAMUEL NIHNA 24:14

Tua ciangin David in Gad kiangah, “Nakpi takin ka lungkham hi; ama hehpihna lian ahih manin Topa’ khut sungah tung ni; ahih hangin mihing’ khut sungah hong tung sak kei in,” a ci hi.

Jeremiah 50:42

A thal uh leh a teipi uh tawi uh a, giloin hehpihna lungsim nei lo uh hi. A husa uh tuipi ging bang hi a, sakol tungah tuangin Babilon mite aw, nangmah do dingin a kithawi uh hi!

Kah la 1:14

Amah in ka mawhnate khempeuh ciamteh a, hen-in lom khat suahin ka ngawng zangah hong khih a, gik lua mahmah ahih manin ka taang zo peuhmah kei hi. Topa in ka galte khut sungah hong pia ahih manin bang mah ka hih thei nawn kei hi.

Kah la 1:21

Ka tauna hong ngai in, hong hehnem ding kuamah dang a om nawn kei hi. Gimna nong thuaksak manin ka galte lungdam lua uh hi. Na ni ciam ni hong tungsak in la, kei thuak bangin ka galte zong thuaksak in.

Kah la 5:12

Makaite hong kikhailupsak a, puteekte hong kithusimsak kei hi.

2 KHANG TANGTHU NIHNATE 10:11

Tu-in ka pa in note tungah hakkol gik hong koihna ah keimah in na hakkol uh ka behlap ding hi. Ka pa in ciang tawh note hong thuhilh hi; ahih hangin keimah in ciang ling nei tawh note kong thuhilh ding hi,’ ci in,” a ci uh hi.

2 KHANG TANGTHU NIHNATE 36:17

Tua ahih ciangin amah in Khaldea mite’ kumpipa amaute’ lang khatah paipih a, amah in amau’ biakna inn sungah namsau tawh a tangvalte uh that a, tangval ahi a, nungak ahi a, a teek ahi a, a ham ahi zongin khasiat lo hi; amah in a vekpi-in ama khut sungah pia hi.

2 KHANG TANGTHU NIHNATE 36:20

Amah in namsau panin a suakta mite Babilon ah salin la a, Persia kumpi in a uk hun mateng amah leh a suan leh khakte’ nasem a suak uh hi.

Ezra 5:12

Ahi zongin ka pu ka pate un vantung Pasian hehsak kha uh ahih manin Babilon kumpipa, Khaldea mi Nebukhadnezzar’ khut sungah amaute pia hi; tua kumpipa in hih inn susia a, a mite Babilon ah ciahpih hi.

Kah la 4:16

Topa in amaute a zat nopna om nawn lo ahih manin a thehthang hi. Amah in i makaite leh i siampite a awlmawh nawn kei hi.

Zekhariah 1:12

Tua ciangin Topa’ vantungmi in, “Vanglianpen Topa aw, Jerusalem khuapi leh Judah gam khuapite tungah kum sawmsagih sung na heh khin ta hi. Amaute hehpih loin bang tan vei om lai ding na hi hiam?” ci hi.