Isaiah 47:5 - Tedim Bible

⁵ Babilon aw, gamdai takin tu in la, khuamialna sungah pai in; bang hang hiam cih leh nang pen, kumpi gamte’ kumpinu hong kici nawn lo ding hi.

Tedim Bible Revision 2017

⁵ Babylon aw, gamdai takin tu inla, khua mialna sungah pai in; bang hang hiam cih leh nang pen kumpi gamteʼ tonu, hong kici nawn lo ding hi.

Isaiah 47:5 Referans Kwoze

Habakkuk 2:20

Topa, a biakinn siangtho sungah om hi; leitung mi khempeuh, ama mai-ah dai dide-in om ta hen.

Isaiah 47:7

Nangmah in, “Kei pen, tonu ka hi tawntung ding hi,” ci na hih manin hih thute na lungsim ah koih loin, bang thu piang thei cih zong na ngaihsun kha kei hi.

Mangmuhna 18:7

Amah in ama pumpi pahtawi-in nopsakna a khan’ mah bangin, nakpi-a bawlsiatna leh kahna kikona thuaksak in. Bang hang hiam na cih uh leh, amah in, “Kei kumpinu ka hi hi, meigongnu ka hi kei hi. Cikmah hunin ka kap ngei kei ding hi,” ci-in a lungsim sungah a kingaihsun hi.

Mangmuhna 17:18

Na muh numei zong leitung kumpite a uk khuapi ahi hi,” ci-in ka kiangah hong gen hi.

Juda 1:13

amau zumna thu a phuansak tui kilok gilo bang ahi zongin, khuamial pha mahmah a tawntungin amaute ading a kikoih khol a, a om aksi leeng bang ahi zongin a suak uh hi.

Zekhariah 2:13

Mi khempeuh aw, Topa’ mai-ah gamdai-in om un. Bang hang hiam cih leh a siangtho ama omna mun panin amah hong paikhia ta hi.

Kah la 1:1

Khat vei lai-a mi a dim taka a teen’na Jerusalem khuapi in bang zah ta-a gamdai ahi hiam? Leitung bup in a zahtak khuapi tu-in meigong tawh a kibang hi. Leitung khuapi khempeuhte’ lak panin a thupipen tu-in sal-in a kiman khin zo hi.

Jeremiah 25:10

Tua tham loin lungdamna leh kipahna awte, zi nei thak pa leh mothaknu’ awte, angawina suang gingte ka gingsak nawn kei ding a, meivak taangte ka sumit ding hi.

Jeremiah 8:14

“Tua ciangin mite in, ‘Bang hangin tutu lai i hi hiam? Kikai khawm un la, khuapi muanhuaite va beel ni, tua laiah va si ni; bang hang hiam cih leh Topa tungah i mawh manin Topa i Pasian in eite a si dingin hong koih khin zo hi, i dawn dingin gutui hong piakhin zo hi.

Isaiah 47:1

Nungak a bang Babilon aw, hong paisuk in la, leivui lakah tu in; nungak a bang Khaldea aw, tokhom om lohna lei lakah hong tusuk in! Bang hang hiam cih leh nang pen, a moi milmel, a ngeek dikdek, hong kici nawn lo ding hi.

Isaiah 14:23

Simbute’ om nadingin tua khuapi bawlin, bualtui ka suaksak ding a, siatna munphiah tawh ka phiat khia siang ding hi,” Vanglianpen Topa in ci hi.

Isaiah 14:4

Babilon kumpipa’ tungah hih zahkona kam na zang ding uh hi; “A nengniampa koi ci bei! a hehna koi ci khawl!

Isaiah 13:10

Bang hang hiam cih leh vantung aksite leh amau’ aksi honpite in khuavakna piakhia lo ding hi; ni a suah tung akipan mial ding a, kha in khuavak taangkhia sak lo ding hi.

Late 46:10

“Om hit-hiat un la, Pasian ka hihna thei un. Minamte lakah keimah hong kisangsak a, leitungah ka min hong kithangsak hi!”

Late 31:17

Topa aw, nang tung hong ngen ka hih manin kei hong maizumsak kei in, migilote maizumsak in la, amaute pau ding thei loin Leinuai-ah pai sak in.

1 SAMUEL MASA 2:9

“Amah in a thuman ama mite kalsuanna cing ding a, ahih hangin migilote khuamialna sungah kikhiasuk ding hi; bang hang hiam cih leh thatang hatna tawh mi gualzo lo ding hi.

Isaiah 21:9

En in, sakol leeng tuangte a kopkopin hong pai!” ci hi. A dang khat in, “Babilon cim hi, cim hi; ama milim pasiante khempeuh leilak dongah amah in suksiat sak hi,” ci-in dawng hi.

Isaiah 23:2

Tuikulh-a teeng mite aw, thuumin tau un, Sidon sumbukte aw, na sawltakte un tuipi kantanin tui lianpite tungah om uh hi;

Kah la 2:10

Jerusalem puteekte in pau loin leilakah tu uh a, dahna lim lahna in ippi puan silhin a lu zang uh leivui a buak uh hi. Jerusalem nungak note in a kun ngelhngalh uh hi.