Isaiah 47:3 - Tedim Bible

³ Na selsim teng kilang ding a, na maizumna teng kimu ding hi. Keimah in kong thukkik ding a, kuamah ka zah kei ding hi.

Tedim Bible Revision 2017

³ Na seelsim teng kilang dinga, na zumhuaina teng kimu ding hi. Keimah in kong thukkik dinga, kuamah ka zah kei ding hi.

Isaiah 47:3 Referans Kwoze

Nahum 3:5

Tua ahih manin Vanglianpen Topa in hih bangin ci hi: “Nineveh khuapi aw, daan kong pia ding hi. Na nik kong hawkkhiatsak ding a, minamte in guak tanga na omna hong mu ding a, na zumhuaina teng mu ding uh hi.

Mangmuhna 16:19

Khuapi in seh thumin a kikhen hi. Gam sungah a om khuapite zong a cim uh hi. Babilon khuapite zong Pasian’ hehna lianpi leenggahzu hai a dawnsak dingin Pasian mai-ah tua khuapi kiciamtehin a om hi.

ROM (Romans) 12:19

Ka itte aw, midangte in note tungah hong khialh leh, a mawhna na thuk kei un. Pasian’ hehpihna na pia un. Bang hang hiam na cih uh leh, “Thukkikna in keima aa ahi hi. A mawhna tawh kituakin ka thuk ding hi, Topa in a ci hi,” ci-in Lai Siangtho in a gen hi.

Ezekiel 16:37

na lawm luite khempeuh—na itte hita leh, na mudahte hita leh, a vekpi-in ka kaikhawm ding hi. Na kimkot-ah amaute omsakin, tua ciangin na puan teng kong hawkkhiatsak ding a, na guaktangin na omna ka en sak ding hi.

Jeremiah 51:56

Babilon khua a susia ding mi khat hong pai khin zo hi, A galkapte uh kiman khin a, a thalte uh a tum a tel suak khin hi. Bang hang hiam cih leh Topa in a thukkik thei Pasian hi a, a thukkik taktak ding hi.

Jeremiah 51:11

“Thaltangte hiam un! Lumte la un! Topa in Babilon khua susia nuam ahih manin Media kumpite a hanthawn hi. Bang hang hiam cih leh hih in a biakinnpi hanga Topa’ thuhkikna ahi hi.

Jeremiah 51:4

Khaldea gamah kongzing lakah a liamgawp ding uh a, a si ding uh hi.

Jeremiah 13:26

Keimahmah in na nik kong hawksak ding a, kong maizum sak ding hi.

Jeremiah 13:22

‘Bang hang-a hih thute kei’ tungah hong tung ahi hiam?’ ci-a na ngaihsut leh na mawhna a liatluat hang ahi hi. Tua hangin na nik hong kihawk gawp sak a, a hong kibuan gawp hi.

Thu-hilhkikna 32:35

Phulakna leh thukkikna kei’ aa ahi hi, a hun ciangin amaute puk ding uh hi; bang hang hiam cih leh amau’ gim ngah hun ding hong nai a, amau’ siat nading hong tung pah hi.

Mangmuhna 18:20

Vantung-a kipan misiangthote, sawltakte, kamsangte aw, tua khuapi hangin nuam un! Bang hang hiam na cih uh leh, Pasian in note tawh kipawlin ama tungah thu a khen zo hi!” a ci hi.

Piancilna 3:7

A nek khit phetun amaute gel in khua phawk uh a, a guaktangun a om lam uh kithei uh hi; amaute in thei tehte khuituah-in puansilh dingin bawl uh hi.

Isaiah 20:4

Assiria kumpipa in, Izipt gam mite’ maizumna ahi, a moi a hamin, tangguak kheguakin, tawbo dawksa-in, Izipt mite gal-in manin, Ethiopia mite sal-in manin paikhiatpih ding hi.

Isaiah 35:4

Lungsim lauthawng mite kiangah, “Thakhauh un, lau kei un! En un, na galte uh tungah phu hong laksak dingin Pasian hong pai ding a, amah in note hong honkhia ding hi,” ci un.

Isaiah 3:17

Topa in Jerusalem numeite lutang meima sakin, Topa in amau’ lutang kolhsak ding hi.