Isaiah 47:2 - Tedim Bible

² An gawina suangte la in la, an gawi in; na kikhuhna puan lakhia in la, na nik na puan suah-in gunte kantan in.

Tedim Bible Revision 2017

² An gawina suangte hei inla, an gawi in. Na kikhuhna puan la khia inla, na nik na puan suahin gunte kantan in.

Isaiah 47:2 Referans Kwoze

Mattiu 24:41

Angawi khawm numei nih in khat kila a, khat kinusia ding hi. Tua ahih ciangin ngak un.

Isaiah 20:4

Assiria kumpipa in, Izipt gam mite’ maizumna ahi, a moi a hamin, tangguak kheguakin, tawbo dawksa-in, Izipt mite gal-in manin, Ethiopia mite sal-in manin paikhiatpih ding hi.

Thukhente 16:21

Tua ciangin Filistia mite in amah manin a mitte khelkhia uh a, Gaza-ah paipihin amah sumngo kol bulh uh hi, amah in thong sung angawina-ah an gawi hi.

Paikhiatna 11:5

kumpi tokhom tunga a tu Faro’ tacil-a kipanin an gawina nung-a a om numei-nasem’ tacil dong leh ganhing tacil khempeuh, Izipt gam sungah tacil khempeuh si ding hi.

Luka 17:35

An gawi khawm numei nih in khat kila-in khat kinusia ding hi;

JOB (Job) 31:10

Ka it ka zi in midang’ an suksak hen la, midang’ ang-ah lum ta hen.

Micah 1:11

Shafir khua-a teeng mite aw, guaktangin maizumna tawh salin pai un. Za-anan khua-a teeng mite, a hingin paikhia ngei lo ding hi. Beth-ezel khuamite kahna leh thuumna na zak uh ciangin, tua khua sungah belh ding munmuanhuai a om lohna na thei ding uh hi.

Hosea 2:3

A gamtat hoih lohna khawl kei leh, a nu sung pan a suah lai-in a guaktangin a om mah bangin, a puan teng hawk khiatsakin a guaktangin ka om sak ding a, a keu, bangmah a po zawh lohna gamlak bangin ka bawl ding a, dangtakin a si ding hi.

Kah la 5:13

Tangvalte sila bangin aana tawh an kigawi sak a, naupangnote sing kitomsakin a lelhpipi-un a kipuasak hi.

Jeremiah 27:7

Ama’ gam kisiat hun a tun’ mateng gam khempeuh in amah-a kipan a tapa leh a tupa’ na a sepsak ding uh hi. Tua khit ciangin gam tampi leh kumpi liante in amah salin a leh neih kik ding uh hi.

Jeremiah 13:26

Keimahmah in na nik kong hawksak ding a, kong maizum sak ding hi.

Jeremiah 13:22

‘Bang hang-a hih thute kei’ tungah hong tung ahi hiam?’ ci-a na ngaihsut leh na mawhna a liatluat hang ahi hi. Tua hangin na nik hong kihawk gawp sak a, a hong kibuan gawp hi.

Isaiah 32:11

Nuam tak-a om hithiat numeite aw, liing un, nomau tum tak-a a lungmuangte aw, liinglawng un; na puan uh hawkkhia-in na tangguakun om un la, na kawng uhah puanhampi teeng un.

Isaiah 3:17

Topa in Jerusalem numeite lutang meima sakin, Topa in amau’ lutang kolhsak ding hi.

Piancilna 24:65

nasempa' kiangah, “Hua lai-a mipa, eite hong dawn dinga gam lak-a hong pai kua ahi hiam?” ci hi. Nasempa in, “Ka topa hi,” ci hi. Tua ahih ciangin amah in a kikhuhna puan la-in kikhuh hi.

1 KORIN MASA 11:5

Ahih hangin thungen ahi zongin, thuhilh ahi zongin lu sin lo numei khempeuh in amau lu uh ahi, pasal a daisak uh hi. Bang hang hiam na cih uh leh, tua bangin ahih uh leh, sam met tawh kibang numei ahi uh hi.

Thuhilh-sia 12:4

khuasung gamlumnate na bil in za thei nawn loin, ansukna gingte na zak theih phat nawn loh hun, la kisate za thei nawn loin, vasa ham nangawn in hong phawn’ zawh nawn loh hun,

Isaiah 3:23

puanza neu vang siseihte, saihadial puan sungsilhte, dialkhipte leh kikhuhna puante lakhia ding hi.

Jeremiah 25:10

Tua tham loin lungdamna leh kipahna awte, zi nei thak pa leh mothaknu’ awte, angawina suang gingte ka gingsak nawn kei ding a, meivak taangte ka sumit ding hi.

1 KHANG TANGTHU MASATE 19:4

Tua ahih ciangin Hanun in David’ nasemte manin a khamul uh metsak a, a kawngciang uhah a puante at khiatsakna tawh amaute daisakin sawl khia hi; tua ciangin amaute kihem uh hi.