Isaiah 47:11 - Tedim Bible

¹¹ Ahih hangin nangmah in na beisak theih loh tuahsiatna na tungah hong tung ding hi; nangmah in maisakna na ngah theih loh gimna nang tungah hong tung ding hi; nang in a thu na theih hetloh siatna na tungah thakhatin hong tung ding hi.

Tedim Bible Revision 2017

¹¹ Ahih hangin nangmah in na beisak theih loh lungkhamna na tungah hong tung dinga, nangmah in maisakna na ngah theih loh gimna nang tungah hong tung ding hi. A thu na theih het loh siatna na tungah hong tung vat ding hi.

Isaiah 47:11 Referans Kwoze

1 THESALONIKA MASA 5:3

Amaute in, “Nopsakna a om hi, launa om lo hi,” ci-in a gen lai takun, ta gai numei tungah ta suah hun gimna a tun’ bangin amaute tungah kisiatna gal in thakhatin tung ding a, suahtakna neukha beek a ngah kei ding uh hi.

Mangmuhna 3:3

Tua ahih ciangin bangci na san’, bangci na zak thu phawkkik in la, zui in, kisikkik in. Tua ahih ciangin ngakin na om kei leh, guta bangin ka hong pai ding a, na kiangah bang hunin ka hong tun’ ding na thei kei ding hi.

Luka 12:59

Na liau ding dangkasan na piak khit matengin, thong sung pan na paikhia thei kei ding hi,” a ci hi.

Late 50:22

Tua ahih ciangin, Pasian a mangngilh mite aw, hih thu ciamteh un, tua hi kei leh note kong balgawp ding hi, hong honkhia ding kuamah om lo hi.

Nehemiah 4:11

Tua ciangin ka galte un, “Amau’ phawk loh kalun amaute lakah pai-in i that ding a, a nasep uh i beisak ding hi,” hong ci uh hi.

Mattiu 18:34

a leiba a loh khit matengin mi bawlsiate’ khut sungah a pia hi.

Isaiah 37:36

Tua ciangin Topa’ vantungmi kuankhia-in Assiria mite’ giahphual ah mihing tulza leh tulsawmgiat leh tulnga that hi; zingsang ciangin mite a thawh ciangin hihte khempeuh mi si luang bekbek a na hi hi.

Luka 17:27

Noah in teembaw sungah a lut ni dongin mite in an ne tui dawnin, kipi kiteengsakin a om uh a, tuiciin a tun’ ciangin amaute khempeuh kisia uh hi.

Late 35:8

A phawk loh kalun amau tungah siatna tung sak in! Amau ngenthang siahsimna uh ah amaute mah awksak in la, a kisia dingin amaute kiasak in.

Late 55:15

Sihna amau tungah tungsak in; Leinuai-ah a hingtangin amaute paisuksak in la, amaute launa lianpi tawh a han uh ah paisak in.

Late 73:19

Tomno sungin amaute kisusia-in, launa in nilkhia mang!

Paunak 13:21

Tuahsiatna in mawhneite sulzuih kawikawi a, midikte tuahpha kawikawi hi.

Isaiah 13:6

Topa’ ni hong nai ahih manin nakpi-in kap un; Vanglian Pa’ kiang panin suksiatna hong tung ta ding hi.

Isaiah 29:5

Ahih hangin nangma gal honpite leivui neel leeng bang ding uh a, thukhual lo mi honpite ansi leeng bang ding uh hi. Tua ciangin tomkha sungin thakhat thu-in,

Isaiah 30:13

hih mawhna pen note’ adingin kulh sangpi khat khangkham-a lawtkhia-in a cim dektak, theih kholh lohin thakhat a, a cim vat tawh kibang ding hi;

Isaiah 45:7

Keimah in khuavak leh khuamial piangsakin, a pha nate leh a sia nate ka piangsak a, hih nate khempeuh a bawlpa in keimah Topa ka hi hi.

Isaiah 47:9

Aisan siamnate leh mibum siamna vang lianpi na neih hangin ta khuaisuahna leh meigon’na, hih thu nihte thakhat thu-in ni khat sungin a kicing takin nang tungah hong tung veve ding hi.

Isaiah 48:8

Note pen a lehheek thei na hih lam uh ka thei a, na suah tung uh akipan mi lehdo thei na hihna uh ka thei hi. Tua ahih manin tanglai akipan na bil uh kihong ngei lo a, zong na thei ngei kei uh hi.

Isaiah 57:1

Thuman mipa si a, kuamah in a lungsim sungah tua thu ngaihsutin nei lo hi, kuamah in a theih loh kalin thuman mite si uh hi. Bang hang hiam cih leh tuahsiatna panin thuman mipa kilakhia a;

Jeremiah 51:8

Thakhat thu-in Babilon puk a, kisiagawp hi. Amah kah ngutngut un! A liammate adingin zatui la un; dam zo kha thei lai ding hi.

Jeremiah 51:29

Babilon gam in na sa-in, kitom-in a liing hi; bang hang hiam cih leh ama tunga Topa’ ngimna a tangtung a, Babilon gam simtham suak sakin kuamah a teengsak kei hi.

Jeremiah 51:43

A khuapite a mulkimhuai suak ta a, leikeuna sehnel gam suak ta hi. Gam sungah kuamah teeng lo a, kuamah in kantan ngei lo hi.

Kah la 1:21

Ka tauna hong ngai in, hong hehnem ding kuamah dang a om nawn kei hi. Gimna nong thuaksak manin ka galte lungdam lua uh hi. Na ni ciam ni hong tungsak in la, kei thuak bangin ka galte zong thuaksak in.

Ezekiel 7:26

Lungkhamna khat khit khat a ban banin na tuak ding uh a, thusia bekbek na za za ding uh hi. Kamsangte kiangah thu na dong ding uh hi. Siampite in mite tungah hong hilh ding thu thei lo ding uh a, upate in hong gen ding mel thei lo ding uh hi.