Isaiah 47:10 - Tedim Bible

¹⁰ Na gitlohna ah nang na lung muang a, “Kuamah in kei hong mu lo hi,” na ci hi; na pilna lehna theihnate in lam hong pialsak a, na lungsim sungah, “Keimah hi’ng, kei sim loh midang om kei,” na ci hi.

Tedim Bible Revision 2017

¹⁰ Na gitlohna ah nang na lungmuang a, “Kuamah in kei hong mu kei hi,” na ci hi. Na pilna le na theihnate in lam hong pialsak a, na lungsim sungah, “Keimah hiʼng, kei sim loh midang om kei,” na ci hi.

Isaiah 47:10 Referans Kwoze

Isaiah 5:21

Amau’ mit-ah pil kisa a, amau’ muhna-ah siam a kisate in gimna ngah ta hen!

Isaiah 29:15

Topa’ kiang panin ama’ thu vaihawmna a seel cip, khuamial sungah a gamta, “Kua in hong mu ding hiam? Kua in hong thei ding hiam?’ a cite in gimna ngah ta hen.

ROM (Romans) 1:22

“Lungpil mi ka hi uh hi,” a cih uh hangin mihai suak uh a,

Late 52:7

“Pasian a beel lo, ama hauhnate a muang, ama hauhna a beelpa en un!” ci ding hi.

Ezekiel 8:12

Tua ciangin amah in, “Ezekiel aw, Israel mite in a kimu lo mun-a a gamtatnate uh tu-in na mu hiam? Amaute in milim a dimna inn sungah biakna bawl uh hi. Amaute in, ‘Topa in hong mu lo hi. Topa in hih gam nusia khin ta hi,’ ci-in paulap zong uh hi,” hong ci hi.

Isaiah 59:4

Kuamah in thutang tawh thu na nei kei uh a, thuman tak tawh kuamah thukhen zumah na pai kei uh hi; note in bangmah lopi suan’in nei-in zuau thu na gen uh a, siat nading thu ngaihsunin, gitlohna na piangsak uh hi.

1 KORIN MASA 3:19

Bang hang hiam na cih uh leh, leitungmi’ pilna in Pasian mai-ah haina ahi hi. Bang hang hiam na cih uh leh, Lai Siangtho sungah, “Pasian in mi pilte amaute’ zuauthu tawh a man hi,” ci-in a kigelh hi.

Ezekiel 9:9

Tua ciangin amah in hong dawng a, “Israel mite leh Judah mite’ mawhna nak liat mahmah hi. Gam sung khempeuh mi thahna tawh kidimsak uh a, Jerusalem khuapi, siatna namkim tawh kidimsak uh hi. Amaute in, ‘Topa in i gam susia khin a, Topa in eite hong mu lo hi,’ ci uh hi.

Jeremiah 23:24

Mi khat peuhpeuh kei’ muh loh dingin busim thei ding ahi hiam? Topa in kong ci hi. Leitung, vantung mun khempeuh ah ka om lamtak thei lo na hi uh hiam? Topa in kong ci hi.

Isaiah 44:20

Amah pen vut a nete tawh kibang lel hi; khemna lungsim haina in amah lam pialpih khin a, amah leh amah kihonkhia thei loin, “Ka khut sungah ka tawi milim pen a haihuai hilo ahi hiam?” cih zong phawk thei lo hi.

Thuhilh-sia 8:8

A sih ding a pelh thei, a sih ding hun a phiat thei kuamah om lo hi. Gal a om ciangin gal launa a pelh thei, siatna sungah a lut ciangin a peng thei kuamah om lo hi.

Late 64:5

Amaute in a thusia ngaihsutna uh len kip uh hi; amaute in thang siahsim ding gen uh a, “Eite kua in hong mu ding ahi hiam?

Isaiah 28:15

“Eite in sihna tawh thuciamna khat i bawl khin a, Leinuai tawh thukimna khat i nei zo hi; a tuumcip ding tuiciin in hong nawk ciangin ei hong ban lo ding hi; bang hang hiam cih leh zuau thu i beel a, zuauna ah i bu hi,” na ci uh hi.

Late 10:11

Ama lungsim sungah, “Hih pen, Pasian in mangngilh hi, a mai seel hi, en lo ding hi,” ci-in ngaihsun hi.

Isaiah 47:8

Tua ahih ciangin tu-in, a nuam bek a ut, lungmuang tak-a a tu hit-hiat, na lungsim sungah, “Keimah hi’ng, kei sim loh midang om kei’ meigongin om kei ning, ta-khuai cih zong sin kei ning,” a ci khuapi aw, hih thu za in:

Jeremiah 9:23

Topa in a gen-inah: “Mipilte in a pilna uh kisak theihpih kei uh hen la, mihatte in a hatna uh kisak theihpih kei uh hen. Mihaute in zong a hauhna uh kisak theipih kei uh hen.

Daniel 4:27

Tua ahih ciangin kumpipa aw, kong thuhilhna hong mang in. Mawhna bawl nawn kei in la, dik takin gamta in. Mizawngte hehpih leteh, tua in a sia a na gamtatna sate hong puahsak dinga na nuamsa toto ding hi,” a ci hi.

Zefaniah 2:15

A vangliatna a kisak theihpih, lungmuang taka om khuapi tungah, tu-a bangin piang ding hi. Leitungah amau’ khuapi a lianpenin ngaihsun uh hi. Tua hi napi-in gamlak suakin, gamsate’ omna suak ta hi. A mu mi khempeuh in lamdang sa-in ciksa ding uh hi.