Isaiah 47:1 - Tedim Bible

¹ Nungak a bang Babilon aw, hong paisuk in la, leivui lakah tu in; nungak a bang Khaldea aw, tokhom om lohna lei lakah hong tusuk in! Bang hang hiam cih leh nang pen, a moi milmel, a ngeek dikdek, hong kici nawn lo ding hi.

Tedim Bible Revision 2017

¹ Nungak a bang Babylon aw, hong pai suk inla, leivui lakah tu in. Nungak a bang Khaldea aw, tokhom om lohna leilak ah hong tu suk in! Bang hang hiam cih leh nang pen a moi milmel, a ngeek dikdek, hong kici nawn lo ding hi.

Isaiah 47:1 Referans Kwoze

Jeremiah 51:33

A vanglian Topa, Israel mite’ Pasian in kong gen-inah: Babilon mite tawlkhat khit ciangin anlak bangin a kila ding a, sual tunga ancil bangin, a kicilgawp ding hi.”

Late 137:8

Mi a susia, Babilon aw, kote tunga nong bawl bangin nang tungah hong thukpa in lungdamna ngah ta hen!

Zekhariah 2:7

Babilon-ah a om ka mite aw, Zion-ah tai un,” ci hi.

Jeremiah 50:42

A thal uh leh a teipi uh tawi uh a, giloin hehpihna lungsim nei lo uh hi. A husa uh tuipi ging bang hi a, sakol tungah tuangin Babilon mite aw, nangmah do dingin a kithawi uh hi!

Jeremiah 46:11

Gilead gamah pai un la, damna zatui va la un, Izipt-te’ nungakte aw! Zatui tampi na zat khit uh hangin, damna na ngah kei uh hi.

Isaiah 3:26

Khuapi kongpi pen tau-in thuum ding hi; khuapi pen gamkhing suakin, a tangguak-a om nupi bangin lei lakah tucip ding hi.

Jeremiah 48:18

“Dibon khua-a teeng mite aw, na minthan’na mun sang panin hong kumsuk un la, leivui lakah hong tu un! Bang hang hiam cih leh Moab gam hong sim dingte hong pai-a na kulhte uh hong suksiatsak zo uh hi.

Isaiah 37:22

amah tawh kisai-in Topa’ thugen in hih ahi hi: ‘Sennakherib aw, Zion tanungak siangtho in nang hong simmawh in hong zahko uh hi; Jerusalem mite in na nungah a lu hong peisan lel uh hi.

Late 18:27

Bang hang hiam cih leh nangmah in miniamte na honkhia a, ahih hangin mi kiphasakte na niamsak hi.

Mangmuhna 18:7

Amah in ama pumpi pahtawi-in nopsakna a khan’ mah bangin, nakpi-a bawlsiatna leh kahna kikona thuaksak in. Bang hang hiam na cih uh leh, amah in, “Kei kumpinu ka hi hi, meigongnu ka hi kei hi. Cikmah hunin ka kap ngei kei ding hi,” ci-in a lungsim sungah a kingaihsun hi.

Ezekiel 28:17

Na mel hoihna na kisaktheihpih kha a, na minthan’na in hong hai tatsak hi. Leilak ka hong den’na a, kumpi dangte hilhkholhna-in nang ka hong koih hi.

Ezekiel 26:16

Tuipi a zang minamte’ kumpite, a kumpi tokhom tung uh panin kum khia ding uh a, a kumpi puante uh leh a puan hoih silhte uh suah khia-in, lei lakah tu-in, lau-in a liing ding uh hi. Nangma thuakna hong muh manun lau mahmah ding uh a, a ci-liing uh pha thei lo ding uh hi.

Kah la 4:5

An limpen a ne ngeite kongzing lakah puksi uh a, nuamsa a, khangkhia mite in nin buakna lak thai-in an a zong uh hi.

Kah la 2:21

Khangno leh khanghamte kongzing tengah si uh hi. Galte in nungak tangval teng namsau tawh a thatlum uh hi. Amaute hehpih loin na heh ni-in na thatlum sak hi.

Kah la 2:10

Jerusalem puteekte in pau loin leilakah tu uh a, dahna lim lahna in ippi puan silhin a lu zang uh leivui a buak uh hi. Jerusalem nungak note in a kun ngelhngalh uh hi.

Jeremiah 13:18

Kumpipa leh a nu’ kiangah, “Na kumpi tokhomte tung panin hong tuaksuk un, bang hang hiam cih leh na kumpi lukhute uh na lu tung pan-un kiakhin zo hi,” va ci un.

Isaiah 52:2

A kimancip Jerusalem mite aw, leivui panin kising un la, ding to un; a kiman Zion mite aw, na ngawng panun hong kihenna khaute sut un.

Isaiah 26:5

Bang hang hiam cih leh amah in a kiphasak mite niamkhiat hi. Amau’ teen’na khuapi muanhuai suksiat sak a, a kulhpite den’ khapsakin leivui suah hi.

Isaiah 23:12

Amah in, “Sidon Tanu Siangtho aw, na lungdamna teng bei khin ta hi. Na mite in nenniamna thuak uh a, Saipras tuikulh ah a va tai uh hangin, tua lai nangawnah lungnopna hun nei lo ding uh hi,” ci hi.

Late 89:44

Nangmah in ama khut panin a kumpi ciangkhut na lakhia a, a kumpi tokhom, leilak na den’na hi.

JOB (Job) 2:13

Tua ciangin lei lakah sun sagih leh zan sagih sung amah tawh tukhawm uh a, ama thuakna a nasiat mahmah lam tak mu uh ahih manin kuamah in kam khat beek a paupih ngam kei uh hi.

JOB (Job) 2:8

Tua ciangin Job in beel kitam them khat la-in tua tawh kikhuatin vut lakah tu hi.

Haggai 2:22

Kumpi gam khempeuh lumletin a vangliatna uh a beisak ding ka hi hi. Leengte leh leeng hawlte ka lawnthal ding a, sakol leengte leh a tung tuangte puk ding uh a, amaute khat leh khat kithat lum ding uh hi.

Jonah 3:6

Nineveh khua kumpipa in tua thu a zak ciangin a kumpi tokhom tung pan ding khia-in, a kumpi puan suah khia-a, ippi puan silhin vut lakah a tu hi.

Isaiah 13:1

Amoz’ tapa Isaiah in Babilon siatna ding tawh kisai a muhnate a genna:

Jeremiah 50:1

Khaldea mite’ gam Babilon khuapi tawh kisai-in Topa’ thugenna, kamsangpa Jeremiah in a gen-inah:

Isaiah 13:13

Tua ahih ciangin ama sinso ni-in Vanglianpen Topa’ hehna hangin vantung lau-in ka liingsak ding a, ama omna panin leitung kisingkhia ding hi.

Isaiah 14:1

Topa in Jakob hehpihin Israel teel kik ding a, amaute pen a gam uhah koih kik ding hi, khual mite in amaute pawlin Jakob innkuan beel ding uh hi.

Isaiah 21:1

Babilon gam tawh kisai thu: Pingpeite leitaw lam panin hong kipat mah bangin, a lauhuai gam panin siatna hong pai hi.

Jeremiah 51:1

Topa in a cih-inah: “En un, Babilon khuapi leh Khaldea gama teengte susia dingin keimah in huih ka nungsak ding hi.

Jeremiah 51:51

Note in, ‘Kote in maizumna ka thuak uh a, simmawhna kam ka za khin uh hi. Minsiatna in ka maitang uh hong tuam khin hi; bang hang hiam cih leh Topa’ biakinn siangtho, gamdang mite in a hong lak sak uh hi,’ na ci uh hi.