Isaiah 46:5 - Tedim Bible

⁵ “Note in kei, kua tawh hong kibang sakin hong kikim sak ding a, ka kibatpih dingin kua tawh hong enteh ding na hi uh hiam?

Tedim Bible Revision 2017

⁵ “Note in kei, kua tawh hong kibangsakin kua tawh hong kikimsak dinga, ka kibat pih dingin a kua tawh hong en teh ding na hi uh hiam?

Isaiah 46:5 Referans Kwoze

Isaiah 40:18

Tua ahih ciangin Pasian pen kua tawh tehkak ding a, amah pen bang lim tawh kibang ci ding na hi uh hiam?

Isaiah 40:25

Tua ahih ciangin kei kua tawh hong tehkak ding na hi uh hiam? Siangtho Pa in ci hi.

Late 89:6

Bang hang hiam cih leh Topa pen vantung-a kua tawh kiteh thei ding ahi hiam? Misiangthote kikhopna sungah a kizahtak Pasian, ama kim-a omte khempeuh tungah lian-in a zahtakhuai Topa pen vanmite lakah kua pen tawh kibang ahi hiam?

Kolose 1:15

Tua Tapa in mittang a, kimu thei lo Pasian’ lim hi a, a om khempeuhte mai-ah zong ta Upa ahi hi.

Filippi 2:6

Amah in Pasian’ lim leh meel tawh dimin a om napi-in, Pasian tawh kibatnate ka khah kei ding hi ci loin,

Jeremiah 10:16

Jakob’ Pasian in tua bang hi lo a, amah in na khempeuh a piangsakpa ahi hi. Ama’ mi dingin Israel mite teel a, Ama’ min in a vanglian Topa ahi hi.

Late 113:5

A sangna mun-a a tu, vantung leh leitung a hong ensuk Topa, eite’ Pasian pen kua tawh kibang ahi hiam?

Late 86:8

Topa aw, pasiante lakah nang tawh a kibang kuamah om lo a, nangma’ sep bang, kuamah in sem thei lo hi.

Paikhiatna 15:11

“Topa aw, pasiante' lakah kua in nang tawh kibang ahi hiam? Kua in nang tawh kibangin, siangthona-ah lianin, minthang nasepna-ah kihtakhuai-in, nalamdang sem ahi hiam?

Late 89:8

Mi honte Topa Pasian aw, na khempeuh ah na thutak a, nangmah banga vanglian kua om ahi hiam? Topa aw.

Hebru 1:3

Tua a Ta in Pasian’ vangliatna meel leh pianlim hi a, ama vangliatna tawh na khempeuh kipin, eite mawhnate amahmah in a sian’sak khit ciangin, a sang mun vangliatna ziat lamah tu-in a om hi.

Mangmuhna 13:4

amah aana a pia gulpi a bia uh hi. Sahang zong, “Kua in hih sahang tawh kibang hiam? Kua in amah tawh kido zo ding hiam?” ci-in a bia uh hi.