Isaiah 46:3 - Tedim Bible

³ “Na suah-a kipan kong tawi, gilsung pan-a kong puak, Jakob innkuan, Israel innkuan a suakta laite khempeuh aw, keima thu hong ngai un;

Tedim Bible Revision 2017

³ “Na suah a kipan kong tawi, gil sung pan a kong puak, Jakob innkuan, Israel innkuan a suakta laite khempeuh aw, keima thu hong ngai un.

Isaiah 46:3 Referans Kwoze

Thu-hilhkikna 1:31

Izipt gam sungah note mit muhah a hih bangin leh mi khat in a tapa a puak bangin hih mun na tun’ matengun lam tawntungah Topa na Pasian un note hong puak na muhsa uh gamlaka mah bangin, note mai-ah a pai Topa na Pasian un note’ adingin hong dosak ding hi,’ kong ci hi.

Isaiah 51:7

“Thumanna a thei, na lungsim sung uhah keima thu a vom mite aw, ka thu ngai un; mihingte’ kosiatna kihta kei un la, amaute’ simmawhna hangin lungkia kei un.

Late 71:6

Ka suah tunga kipanin nangmah kong bel hi, ka nu’ gil sung panin hong lakhia-pa na hi hi. Nangmah kong phat ngitnget hi.

Isaiah 51:1

Dikna a zui, Topa a zongte aw, ngai un; note hong ki-eu khiatna suangpi leh note hong kitawh khiatna khuk en un.

Isaiah 48:1

Israel min tawh a kilo, Judah sung pan-a a piangkhia; Topa’ min tawh thuciam in Israel min lo napi-in, thuman thutak tawh Israel Pasian a pulak lo, Jakob innkuan aw, hih thu ngai un.

Isaiah 10:22

Na mi Israelte pen tuipi sehnel zah bang ahih hangin, amaute a om lai tawm khat bek hong ciahkik ding hi. Thuman mahmahna tawh siatna thu kikhen ahi hi.

Isaiah 1:9

Vanglianpen Topa in eite tawmno khat a nungta-in hong siit hi kei leh, eite pen Sodom khua bang khinin, Gomorrah khua bang i suak khin ta ding hi.

Paikhiatna 19:4

Izipt mite tungah ka bawlna leh muvanlai in a kha tawh a note a puak bangin note hong pua-in keima' kiangah kong paipihna na mu khin uh hi.

Isaiah 46:12

“Dikna tawh a kigamlate, a lungsim khauh mite aw, ka thu hong ngai un:

Isaiah 44:21

Jakob aw, hih thu phawk in. Israel aw, ka nasempa na hi hi. Nang kong bawl a, nang in keima nasem na hi hi; Israel aw, keimah in nang kong mangngilh kei ding hi.

Isaiah 37:4

A nungta Pasian zahko dingin ama topa, Assiria kumpipa in a sawl a galkap mangpa’ thugennate, Topa na Pasian in za hen la, tua bang thu a gente daantat ta hen. Tua ahih ciangin a om lai i mite’ adingin thungen in,’ a ci hi,” ci-in a gen uh hi.

Isaiah 11:11

Tua ni ciangin Topa in, Assiria gam, Izipt gam, Pathros gam, Ethiopia gam, Elam gam, Shinar gam, Hamath gam leh tuipi gei-a gamte panin ama mi a om laite a ngahkik nadingin a vangliatna zang kik ding hi.

Isaiah 63:9

Ama ompihna vantungmi in amaute honkhia hi. Ama itna leh ama hehpihna tawh amaute tankhia a, amah in a beisa hun lui khempeuh ah amaute domto-in a pua hi.

Late 28:9

Na mite hon in la, na luahte thupha pia in; amau cingpa hi in la, a tawntungin amaute huh in.

Isaiah 4:3

Topa in thukhenna leh meihalna tawh Zion numei’ nitna teng siangsakin, Jerusalem khua sung panin mithahna teng a beisak ciangin, Zion-ah a om lai mi, Jerusalem ah a om lai mi khang tawntunga Jerusalem ah om dingin a kiciamtehsa mite khempeuh pen a siangtho kici ding hi.

Isaiah 10:20

Tua ni-a kipan, Israel a om laite leh Jakob innkuan a suakta laite in amau a sugawppa suang nawn loin, Topa ahi, Israelte’ Siangtho Pa pen thuman tawh suan’ in, nei ding uh hi.

Isaiah 10:21

Jakob’ innkuan a om laite, a vanglian Pasian kiangah ciahkik ding hi.