Isaiah 46:1 - Tedim Bible

¹ Bel pasian puksukin, Nebo pasian kunsuk a, tua milimte pen ganhing leh bawngte tungah kipua hi; note’ puak hih nate pen, a gim mahmah ganhingte tungah vangik om bangin note’ tungah hong gik hi.

Tedim Bible Revision 2017

¹ “Bel pasian puksukin, Nebo pasian kun suk a, tua milimte pen ganhing le bawngte tungah kipua hi. Noteʼ puak hih nate pen a gim mahmah ganhingte tungah a kisuan van gik bangin note tungah hong gik hi.

Isaiah 46:1 Referans Kwoze

Jeremiah 51:44

Babilon khuate’ pasian Bel zong ka daantat ding a, a na guksa teng ka lak khiatsak kik ding hi. Gamdangte in amah a bia nuam kei ding uh hi; Babilon khua kulhpi a cim ta hi.

Isaiah 21:9

En in, sakol leeng tuangte a kopkopin hong pai!” ci hi. A dang khat in, “Babilon cim hi, cim hi; ama milim pasiante khempeuh leilak dongah amah in suksiat sak hi,” ci-in dawng hi.

Jeremiah 50:2

“Gam khempeuh ah genin tangko un; dial khai un la, im kei un. ‘Babilon’ khuapi kila ta hi. Bel pasian maizum ta, a Merodak pasian kitangawp ta hi. A milimte uh maizum ta a, a pasiante uh kisiagawp ta hi,’ ci-in tangko un.

Jeremiah 51:52

“Tua ahih manin, en un, Topa in kong cih-inah, Babilon khua-a a milimte uh’ tungah thu ka khen ni hun hong tung ding a, gam sung khempeuh ah a liamte in a tau ding uh hi.

Jeremiah 51:47

“Tua ahih manin, en un, Babilon khua-a milimte ka dantah hun hong tung ding hi. A gam buppi ka zumhuaisak ding a, khua sungah kithatin a tuk ding uh hi.

Jeremiah 10:5

A milimte uh, tangmai huan-a vasate’ lau nading-a kikhai milimte tawh kibangin a pau thei kei uh a, lam pai thei lo uh ahih manin puak kul hi. Tuate kihta kei un; siatna bangmah bawl thei lo uh a, phatna zong bangmah bawl thei lo uh hi,” a ci hi.

Isaiah 2:20

Amah pen leitung liingsak gawp dingin a thawh ni hun ciangin, Topa kihtakna leh alian ama minthan’na panin suang hawmpite sung leh keen hawmte sungah a buk theih nadingun, mite in biak ding a, amau bawl ngun milimte leh kham milimte pen buite leh bakte paih ding uh hi.

1 SAMUEL MASA 5:3

Ashdod mite a zing ciang zing tungin a thawh uh ciangin, en in, Topa’ thuciamna singkuang mai lei lakah Dagon mai puk hi. Tua ahih ciangin amaute in Dagon la-in a omna mun-ah koihkik uh hi.

Paikhiatna 12:12

Bang hang hiam cih leh keimah in tua zanin Izipt gam ka nawk ding a, Izipt leitang tungah mihing hita leh ganhing hita leh tacil khempeuh ka vat gawp ding hi; Izipt pasiante khempeuh' tungah thu ka khen ding hi; keimah in Topa ka hi hi.

Mattiu 23:4

A gik mahmah, a puak hak van guangin, midangte’ liangko tungah a suat uh hangin, a khutme nangawn uh tawh khin nuam lo uh hi.

Gamlak-vakna 32:38

Nebo, leh Baalmeon (a minte khel ding), leh Sibmah khuapite sat uh hi; amau’ satsa khuapite a min thak phuak uh hi.

Isaiah 2:18

Milimte mangthang khin ding hi.

Isaiah 30:6

Negeb gam-a ganhingte tawh kisai thu: Amaute in, humpinelkai nu leh humpinelkai pa, gul gu nei leh a leengthei gulpi a omna, lungkhamna leh gimna gam nawk-in, amau’ hauhnate la nungzang leh amau sumte kalaoh thuvum tungah suanin amaute bangmah phattuamna a pia thei lo mite tungah puak uh hi.

Isaiah 45:20

“Minam sung panin a suakta lai note aw, nomau kikaikhawmin hong pai un la, hong nai un! Amau’ sing milim a pua kawikawi mite in theihna nei lo uh a, a honkhia thei lo pasian tungah thu ngenngen uh hi.

Isaiah 46:7

Amaute in tua pasian pen a liangko tung uhah ngato-in pua uh a, ama om nading munah amaute in koih a, tua lai-ah om niloh hi; ama omna panin amah kinkhia thei lo hi. Mi khatpeuh in amah sam leh amah in dawng thei lo a, ama lungkhamna panin zong honkhia thei lo hi.

Jeremiah 50:38

Guahzu kei hen la, a gunte uh kang hen! Bang hang hiam cih leh milim biakna gam hi a, milimte a hailawh uh hi.

Daniel 3:14

Amah in “Shadrak, Meshak leh Abednego aw, ka pasian bia nuam loin, ka kham milim koih mai-ah kun nuam lo na hi uh hiam?

Daniel 11:8

Amah in amaute’ milim pasiante leh na manpha ngun leh khamte Izipt gamah a pua ding hi. Kum tawm vei sung bek kilemna a om ding hi.

Nahum 1:14

Topa in Assiria mite tawh kisai-in hih bangin thu pia hi: “Note na cimang ding uh a, note’ pasiante’ biakinn sunga om milimte ka susia ding hi. Note siahuai lua na hih manun, na hankhuk ding uh a bawlbawl ka hi ta hi,” ci hi.

JOB (Job) 39:11

Nasem dingin a hat mahmah hangin, nangma’ na hong sepsak dingin lamen ngam na hi hiam?