Isaiah 45:9 - Tedim Bible

⁹ “Amah a Bawlpa tawh a kido mipa, beel seekpa tawh a kido lei beel in gimna ngah ta hen! Tungman in amah a seekpa kiangah, ‘Nang in bang bawl na hi hiam, na nasep in khut nei lo hi,’ ci-in a thu sel ngam ahi hiam?

Tedim Bible Revision 2017

⁹ Amah a Bawlpa tawh a kido mipa, beelseek pa tawh a kilehdo leibeel in gimna ngah tahen! Tungman in amah a sek pa kiangah, “Nang in bang bawl na hi hiam, na na bawl in khutlet nei lo hi,” ci-in a thu sel ngam ahi hiam?

Isaiah 45:9 Referans Kwoze

Isaiah 64:8

Ahi zongin, Topa aw, nangmah in kote’ Pa na hi hi; kote tungman bang hi-in, nang in beel seekpa bang na hi hi; kote khempeuh nangma bawl mite ka hi uh hi.

Jeremiah 18:6

“Israel mite aw, Topa in kong cih-inah hih beel sekpa’ hih bangin note zong hong hih thei lo ding ka hi hiam? En un, beelsekpa’ khut sunga buan tawh kibangin, Israel mite aw, note kei’ khut sungah na om uh hi.

Isaiah 29:16

Note in na khempeuh a leh lamin na koih uh hi. Beel seekpa pen tungman bangin kingaihsun ding a, a kibawlsa na in a bawlpa tawh kisai-in, “Amah in kei hong bawl lo hi,” cihna ahi zongin, a beel in a sekpa tungah, “Amah in theihna nei kei,” ci ding ahi hiam?

Isaiah 10:15

Amah a liikto-pa pen molhtum-in a zang ding bang keek, sing a hilo mipa pen ciangkhut-in a liikto ding bang keek-in, hei in phuk nading a, amah a zangpa’ tungah kisial thei ding ahi hiam, sing-attem in amah a zangpa’ tungah kiliansak thei ding ahi hiam!

Paunak 21:30

Pilna, theihna, thugennate in, Topa’ mai-ah bangmah man lo hi.

Jeremiah 50:24

Babilon khua aw, nang thang kong siah a, na awk pah hi; nang lah na thei kei hi. Topa langpang na hih manin, nang hong kimu-in hong kiman hi.

1 KORIN MASA 10:22

Ahih kei leh, Topa’ heh nadingin phin ding i hi hiam? Amah sangin hatzaw i hi hiam?

JOB (Job) 9:12

Amah in la khia nuam leh kua in khaktan zo ding hiam? Bang hih na hi hiam, kua in ci thei ding ahi hiam?

JOB (Job) 33:13

Mihingte’ phunna don ngei lo hi, ci-in bang hangin Pasian mawhsak na hi hiam?

JOB (Job) 40:2

“Job aw, nang in Vanglian Pasian na dem hi; tu-in khawl ding na hi hiam, tua ahih kei leh ama thugen dawng ding na hi hiam?” a ci hi.

Thuhilh-sia 6:10

A piang thu khempeuh, a tuaci ding mahin tangtawng-a kisehsa hi a, mi khat in amah sangin a thahatzaw khat a nial zawh lohna thu i vekpi-in i thei hi.

Isaiah 45:10

A pa kiangah, ‘Nang in kua piangsak na hi hiam?’ a cipa hita leh, a nu kiangah, ‘Nang in nausuak dingin kua gimpih na hi hiam?’ a cipa in gimna ngah ta hen.”

Jeremiah 36:29

Judah kumpipa Jehoiakim’ thu tawh kisai-in hih bangin ama’ kiangah va gen in: ‘Topa in hong gen-inah, Nangmah in, “Jeremiah aw, bang hangin Babilon kumpipa hong pai taktak-in hih gam hong susia ding a, mihing leh ganhing a teeng sak nawn kei ding hi, ci-in hih lai sungah gelh na hi hiam?” ci-in na gen-a tua laizial na haltum hi.

Daniel 4:35

Amah in leitung mite bang mahin a sim kei a; vantung mite leh leitung mite in, ama’ khut nuai ahi hi. Ama deihna kuamah in nial thei lo a, A bawl nate kuamah in ahang a kan thei kei hi.

JOB (Job) 9:4

Ama pilna thukin, ama vangliatna zai hi; kua in khauh takin nial a, nial pai suak zo ahi hiam?

JOB (Job) 10:9

Leivui panin kei nong bawlna phawkkik in; leivui mah-in hong dengvui kik ding na hi hiam?

Isaiah 64:7

Tua ahih ciangin nangmah hong pom dingin a hanciam tawm, nangma min a lo kuamah om lo hi; bang hang hiam cih leh kote kiang panin nang in na maitang na seel a, mawhna khut sungah kote nong pia hi.