Isaiah 45:11 - Tedim Bible

¹¹ Amah a Bawlpa, Israelte’ Siangtho Pa, Topa in hih bangin ci hi: “Nang in keima tate’ thu hong dongin, ka khut tawh ka bawlsate tawh kisaite-ah thu hong pia ding na hi hiam?

Tedim Bible Revision 2017

¹¹ Amah a Bawlpa, Israel-teʼ Siangtho Pa, Topa in hih bangin ci hi: “Nang in keima tateʼ thu hong dongin, ka khut tawh ka bawl sa tawh kisaite ah thu hong pia ding na hi hiam?

Isaiah 45:11 Referans Kwoze

Isaiah 48:17

Israelte’ Siangtho Pa, nangmah hong Tan, Topa in: Keimah in, phattuamna na ngah nading a, a hong hilh, na zuih ding a, kilawm lampi-ah a hong paipih Topa na Pasian ka hi hi.

Marka 11:24

Tua ahih ciangin, ke’n kong cih-inah thu ngen a, na nget khempeuh uh ngah ding cih na up uh leh, na ngah ding uh hi.

Ezekiel 36:37

“Tu-a teng bek hi loin a dang zong ka hih lai ding hi. Keima tung pan Israel mite huhna ka ngensak ding a, tuuhonpi bangin Israel mite ka tamsak ding hi.

Jeremiah 33:3

Kei nong sap leh kong dawngkik ding a, na theih ngei nai loh a ki-im cip thu lianpite kong gen ding hi.

Isaiah 29:23

Bang hang hiam cih leh keima khut tawh ka bawlsa ahi amau’ tate a muh ciangin, amaute in keima min siangthosak ding uh hi; amaute in Jakob’ Siangtho Pa, a siangtho ahihna phawk ding uh a, Israel’ Pasian zaktakin kihta ding uh hi.

Efesa 2:10

Bang hang hiam na cih uh leh, eite in gamtat hoih i gamtat nadingin Khazih Zeisu sungah a pian’sak ama bawlsa i hi hi. Tua gamtatna pha eite in i gamtat nadingin Pasian in tua gamtatna a na siam khol zo hi.

Hosea 1:10

Ahi zongin, teh zawh loh, sim zawh loh zah dongin tuipi sehnel bangin Israel mite tampi pha ding uh a, tu hunin, “Note ka mi hi lo,” a kicih hangin ni khat ni ciangin, “A nungta Pasian’ tate,” kici ding hi.

Isaiah 60:21

Na mihingte khempeuh thuman ding hi; keima min a than’ nadingin keima suansa kung, ka khut tawh ka sepsa ahi gam pen amaute in nei pai suak ding uh hi.

Joshua 10:12

Tua ciangin, Topa in Israel mite tungah Amor mite a piak ni-in Joshua in Topa tungah thu gen hi; amah in Israelte’ muhna-ah, “Ni aw, Gibeon ah, nang kha aw, Aijalon kuam ah ding cip in,” a ci hi.

Hosea 12:4

Vantungmi tawh kilai-in lel hi. Tua ciangin Jakob zong kapin ama tung panin hehpihna ngen hi. Pasian in Bethel munah amah mu-in hopih hi.

Jeremiah 31:9

Amaute kap kawmin hong pai ding uh a, keimah in hehnemin ka pikik ding hi. Tui omna lui geiah ka paipih ding a, lam nuamah paipih-in a tuk kei ding uh hi. Bang hang hiam cih leh Israel mite’ pa ka hi a, Efraim in ka tapa upapen ahi hi.

Isaiah 64:8

Ahi zongin, Topa aw, nangmah in kote’ Pa na hi hi; kote tungman bang hi-in, nang in beel seekpa bang na hi hi; kote khempeuh nangma bawl mite ka hi uh hi.

Isaiah 43:15

Keimah in Topa, note’ Siangtho Pa, Israel a Piangsakpa, note’ Kumpi ka hi hi.”

Isaiah 43:3

Bang hang hiam cih leh keimah in Topa na Pasian, Israelte’ Siangtho Pa, nangmah hong Honpa ka hi hi. Nangmah tat nadingin Izipt ka pia a, nangmah khek nadingin Ethiopia leh Seba ka pia hi.

Piancilna 32:26

Tua ciangin amah in, “Khuavak ta ahih ciangin hong khah in,” ci hi. Ahih hangin Jakob in, “Kei thupha nong piak kei leh kong khah kei ding hi,” ci hi.

2 KORIN NIHNA 6:18

Note’ Pasian ka hi ding hi, Note zong ka tanu ka tapa na hi ding uh hi,” Vanglian Topa in a ci hi.

Daniel 2:18

Amah in vantung Pasian in amaute hehpih a, tua thu thukpi genkhia thei a, Babilon gamsunga mipil dangte tawh thahna a thuak khawm loh nadingun thu i ngen ding hi ci-in a gen hi.

Ezekiel 39:7

Keima mi Israelte lakah ka min siangtho ka kitheisak ding a, keima min a dai dingin ka om sak nawn kei ding hi. Tua ciangin keimah pen a Siangtho, Israelte’ Pasian ahi Topa ka hihna thu minam khempeuh in hong thei ding uh hi,” hong ci hi.

Jeremiah 3:19

“‘Israel aw, ka tapa bangin nang hong bawlin, gam khempeuh lakah a hoihpen luah dingin, gam nopci khat nang hong pia ning, ci-in ka ngaihsun hi. Ka Pa aw, ci-a hong sam ding leh ka nung hong zui den ding kong sa kha hi.

Isaiah 19:25

Vanglianpen Topa in amaute thupha pia in, “Ka mihingte ahi Izipt leh ka khut tawh ka sepsa ahi Assiria leh keima luah ahi Israel in thupha ngah ta hen,” ci-a thupha a piakte hi ding uh hi.

Jeremiah 31:1

“Topa in kong cih-inah, tua hun ciangin keimah in Israel mi khempeuhte’ Pasian ka hi ding a, amaute in ka mite ahi ding uh hi.”

Thukhente 16:23

Tu-in Filistia uliante a pasian uh Dagon tungah biakna lianpi khat a pia ding leh a gualnuam dingin kikhawm uh hi; bang hang hiam cih leh amaute in, “I pasian in i khut sungah i galpa Samson hong pia zo hi,” a ci hi.

Isaiah 8:19

Amaute in note kiangah, “Phun suau-suau-in a pau mualmual vankah theite leh aisan theite kiangah thu dong un. Mite in amaute’ pasian thu dongin, mihingte’ thu pen misite dot ding mah hilo ahi hiam?” hong ci ding uh hi.

Isaiah 44:2

Nangmah a hong bawl, gil sung panin nang a hong piangsak, nang a hong huh ding Topa in hih bangin ci hi: Ka nasempa Jakob aw, ka teelsa Israel aw, lau kei in.

Isaiah 45:10

A pa kiangah, ‘Nang in kua piangsak na hi hiam?’ a cipa hita leh, a nu kiangah, ‘Nang in nausuak dingin kua gimpih na hi hiam?’ a cipa in gimna ngah ta hen.”

Isaiah 54:5

Bang hang hiam cih leh nangmah hong Bawlpa in na pasal hi a, ama min in Vanglianpen Topa ahi hi; Israelte’ Siangtho Pa in nangmah hong Tankhia-pa hi a, amah pen leitung buppi’ Pasian kici hi.

Isaiah 43:1

Ahih hangin, Jakob aw, nangmah hong piangsakpa, Israel aw, nangmah hong bawlpa, Topa in tu in hih bang ci hi: “Nangmah hong honkhia khin ka hih manin lau kei in; na min tawh nang kong sam khin zo a, nang in kei’ aa na hi hi.

Isaiah 63:16

Bang hang hiam cih leh, Abraham in kote hong huh loin, Israel in kote hong phawk loh hangin, nangmah in kote’ Pa na hi hi; Topa aw, nangmah in kote’ Pa na hi a, nangmah in tanglai pek pan kote hong Tankhia-pa na hi hi.