Isaiah 45:10 - Tedim Bible

¹⁰ A pa kiangah, ‘Nang in kua piangsak na hi hiam?’ a cipa hita leh, a nu kiangah, ‘Nang in nausuak dingin kua gimpih na hi hiam?’ a cipa in gimna ngah ta hen.”

Tedim Bible Revision 2017

¹⁰ A pa kiangah, “Nangmah in kua piangsak na hi hiam?” a ci pa hitaleh, a nu kiangah, “Nang in nausuak dingin kua gimpih na hi hiam?” a ci pa in gimna ngah tahen!

Isaiah 45:10 Referans Kwoze

Thu-hilhkikna 27:16

“A nu ahi a, a pa ahi zongin a zahtak lo mipa in gimna ngah ta hen,’ ci ding uh hi. Tua ciangin mi khempeuh in, ‘Amen,’ ci ding uh hi.

Hebru 12:9

Lam khat panin, pumpi tawh kipawl pate’ khut tungah eite in hilhna i thuak ciangin, amau i zahtak hi. Tua tham loin, khalam-a i Pa’ ukna thuakin nungta zaw ding hilo i hi hiam?

Malakhi 1:6

Vanglianpen Topa in siampite tungah hih bangin hong ci hi: “Tapa in a pa zahtak a, nasempa in a topa kihta hi. Keimah in na pa uh hi napi, bang hangin hong zahtak lo a, na Topa uh hi napi, bang hangin hong kihta lo na hi uh hiam? No siampte in kei hong simmawh napi-in, ‘Bang hong ci simmawh ka hi uh hiam?’ na ci lai uh hi.

Isaiah 45:9

“Amah a Bawlpa tawh a kido mipa, beel seekpa tawh a kido lei beel in gimna ngah ta hen! Tungman in amah a seekpa kiangah, ‘Nang in bang bawl na hi hiam, na nasep in khut nei lo hi,’ ci-in a thu sel ngam ahi hiam?

Isaiah 45:11

Amah a Bawlpa, Israelte’ Siangtho Pa, Topa in hih bangin ci hi: “Nang in keima tate’ thu hong dongin, ka khut tawh ka bawlsate tawh kisaite-ah thu hong pia ding na hi hiam?