Isaiah 44:9 - Tedim Bible

⁹ Milim a bawl mite khempeuh a mawkna hi a, amau’ deih milimte in phattuamna piangsak lo hi; milim a biate in khuamu thei lo, thu theithei lo a, amaute in maizumna thuak uh hi.

Tedim Bible Revision 2017

⁹ Milim a bawl mite khempeuh a mawkna hi a, amauʼ deih milimte in phattuamna piangsak lo hi. Milim a biate in khua mu thei loin, thu theithei lo a, amaute in maizumna a thuak uh hi.

Isaiah 44:9 Referans Kwoze

Isaiah 41:24

En un, note, bangmah na hi kei uh a, na nasepnate uh a mawkna ahi hi; note hong teelpa in a etsathuai ahi hi.

Isaiah 41:29

En un, amaute khempeuh zuaupi vive ahi hi; amau’ nasepnate a mawkna ahi hi; a kisung amau’ milimte pen huih hawmpi ahi uh hi.

Late 97:7

Bangmah man lo milimte a kisak theihpih, milim a bia mi khempeuhte maizumin kikoih a, ama mai-ah pasian khempeuh kun uh hi.

Efesa 5:8

Bang hang hiam na cih uh leh, nidang lai-inah note in khuamial na hi uh hi; tu-in na hih uh leh, Topa sungah khuavak na hi uh hi. Tua ahih ciangin khuavak’ tate bangin na gamta un.

2 KORIN NIHNA 4:4

Tua bang mite in Pasian’ meel ahi Khazih’ minthan’na tawh a dim Lungdamna Thu khuavak taang a muh theih loh nadingun hih leitung a uk topa in a um lo tua mite’ lungsim mittang uh a tawsak hi.

1 KORIN MASA 8:4

Milim biakna sa nekna pan ahih leh, leitungah milim in a mawkna taktak hi a, Pasian khat bek longal Pasian dang a om kei hi cih i thei hi;

ROM (Romans) 1:22

“Lungpil mi ka hi uh hi,” a cih uh hangin mihai suak uh a,

Daniel 11:38

Tua pasiante sangin kulhpi a dal pasian a thupi sim zaw ding hi. Amah in kham, ngun, suangmanpha leh a thupi letsongte, a pu a pate’ biak ngei loh pasian kiangah a pia ding hi.

Daniel 5:23

Vantung Topa langah na pang hi. A biakinnpi hai leh kuangte la-in sabuai tungah nangmah tawh, na u liante tawh, na zite leh na zi-neute uh tawh zu dawnna-in na zang uh hi. Theihna a neilo, a mu thei lo, khua a za thei lo, ngun, kham, sumngo, sik, sing leh suang tawh a kibawl pasiante’ min na phat uh hi. Na nuntakna leh na hihna khempeuh a hong uk Pasian na zahtak kei hi.

Jeremiah 14:22

Gamdang pasian zuaute lakah guahzu sak thei khat beek a om hiam? Ahih kei leh vantung in ama’ thu-in guahzu tawmsak thei ahi hiam? Tua bang a hih thei nang bek hilo na hi hiam? Topa kote’ Pasian aw, Nangmah in tuate khempeuh hih na hih manin nang sungah lametna kong nei uh hi.

Jeremiah 2:11

Gam khat in pasian ahi taktak beek lo a pasiante uh nangawn a khek ngei peuhmah uh hiam? Ahih hangin ka mite in a minthan’na uh ahi, keimah pen bangmah-a kimang lo na peuh tawh hong khek tazen uh hi.

Isaiah 45:20

“Minam sung panin a suakta lai note aw, nomau kikaikhawmin hong pai un la, hong nai un! Amau’ sing milim a pua kawikawi mite in theihna nei lo uh a, a honkhia thei lo pasian tungah thu ngenngen uh hi.

Isaiah 44:20

Amah pen vut a nete tawh kibang lel hi; khemna lungsim haina in amah lam pialpih khin a, amah leh amah kihonkhia thei loin, “Ka khut sungah ka tawi milim pen a haihuai hilo ahi hiam?” cih zong phawk thei lo hi.

Isaiah 44:18

Amaute in bangmah thei lo, amaute in bangmah khentel thei lo uh hi; bang hang hiam cih leh amaute in bangmah a muh loh nadingun amah in a mit uh humsakin, bangmah a theih loh nadingun a lungsim uh khaksak hi.

Isaiah 43:8

Mit nei napi-a mit a taw mite, bil nei napi-a bil a ngong mite hong paikhiatpih un!

Isaiah 42:18

Bilngongte aw, za un; mittawte aw, na muh theih nadingun en un!

Late 135:18

Milim a bawl mite pen milimte mah bangsak in!—milim a muang khempeuhte zong tua milimte mah bangsak in!

Late 115:8

Amaute a bawlte leh amaute a muangte khempeuh pen amaute mah tawh kibang uh hi.

Efesa 4:18

Tua mite in a lungsim uh khauh a, neu kha beek thei lo ahih ciangun pilna khuavak kiliahin Pasian’ nuntakna tawh a kikhen uh hi.

Thukhente 10:14

Pai un la note’ teel pasiante tungah ko un;’ na lungkham hun-un amaute kihonkhia sak un,” a ci hi.

Thu-hilhkikna 27:15

“Topa adingin a kihhuai ahi, khutsiampa khut tawh a kibawl, a kiseek ahi a, a kisung ahi zongin milim bawlin, mun simtham ah a koih mipa in gimna ngah ta hen,’ ci ding uh hi. Tua ciangin mi khempeuh in dawngin, ‘Amen,’ ci ding uh hi.

2 KUMPI NIHNATE 19:18

a pasiante uh meikhuk sungah lotsak uh hi; bang hang hiam cih leh tuate in pasian hi lo-in, mihingte’ khut tawh a kibawl sing leh suang ahi hi; tua ahih ciangin tuate kisusia hi.

Isaiah 26:11

Topa aw, na khut kisang lap a, na galte in mu lo uh hi. Amaute, maizumna thuak sak in la, amaute’ adingin na geelsa meite, amaute haltum sak in. Na mite ading na hanciamna thu, na galte tungah kilangsak in.

Isaiah 42:17

A kisui milimte muangin, a kisung milimte kiangah, “Note in komau’ pasiante na hi uh hi,” a ci mite kinolh ding a, maizum mahmahin ki-om sak ding hi.

Isaiah 43:9

Minamte kikaikhawm sak un la, mihingte kikhawm sak un. Amaute’ lak panin kua in hih thu hong genkhol thei-in, a beisa hun-a nate kua in hong lak thei ahi hiam? Amau’ dikna a langsak dingin a tecite uh hong paipih sak un la, amaute a thu za sakin, man mah hi, ci sak un.

Isaiah 44:11

En un, ama kikholpih mite khempeuh in maizumna ngah ding hi, khutsiamte pen mi hi lel uh hi; amaute khempeuh kikhawm sakin ding sak un, amaute nakpi takin kilausak ding a, a vekpiun maizumin kikoih khawm ding hi.

Isaiah 45:16

Milim a bawl amaute khempeuh in maizumna thuakin cih nading thei loin om ding uh hi.

Isaiah 65:13

Tua ahih ciangin Topa Pasian in hih bangin ci hi: En un, ka nasemte in ne ding a, ahih hangin note na gilkial ding uh hi; en un, ka nasemte in dawn ding uh a, ahih hangin note na dangtak ding uh hi; en un, ka nasemte lungdam ding uh a, ahih hangin note na mai uh zum ding hi;

Thu-hilhkikna 4:28

Note in tua lai munah mite’ khut in a bawl, khua mu thei lo, khua za thei lo, a ne thei lo, a nam thei lo sing leh suang pasiante’ na na sem ding uh hi.

Late 115:4

Amaute’ milimte pen ngun leh kham hi a, mihingte’ khut tawh kibawl ahi hi.

Isaiah 57:12

Na gamtatna a manin na ngaihsun hi. Ahih hangin na gamtatnate ka pholak ding a, na milimte in nang hong huh zo lo ding hi.

Jeremiah 2:26

“Guta khat a kimat cianga a zum bangin, Israel mite, a kumpite uh, uliante, a siampite uh leh a kamsangte uh zong a zum ding uh hi.