Isaiah 44:8 - Tedim Bible

⁸ Lau kei un la, kihta kei un; tanglai pek panin note kiangah hong genin pulak khin hilo ka hi hiam? Note in keima tecite na hi uh hi! Kei sim loh Pasian dang om ahi hiam? Suangpi dang om lo hi; khat beek ka thei kei hi,” ci hi.

Tedim Bible Revision 2017

⁸ Lau kei unla, kihta kei un. Tanglai pek panin note kiangah hong genin hong pulak khin hi lo ka hi hiam? Note khempeuh keima teci na hi uh hi. Kei sim loh pasian dang om ahi hiam? Suangpi dang om lo hi. Khat beek ka thei kei hi,” a ci hi.

Isaiah 44:8 Referans Kwoze

Isaiah 43:10

“Note in keima tecite na hi uh hi,” Topa in ci a, “Kei pen Amah ka hihna thu, nangmah in thei-in keimah nong up nading leh na theihtel theih nadingin kong teelsa ka nasempa na hi hi. Kei’ ma-in pasian om lo a, kei’ khit ah zong kuamah om lo ding hi.

1 SAMUEL MASA 2:2

“Topa bangin a siangtho kuamah om lo a, nang sim loh kuamah dang om lo hi; i Pasian tawh a kibang hong hu zo Suangpi dang om lo hi.

Thu-hilhkikna 4:35

Topa in Pasian hi, ci-in na theih nadingun note tungah hih thu hong kilak hi; amah sungah kuamah dang om lo hi.

Thu-hilhkikna 4:39

tua ahih ciangin tunga om vantung hita leh nuai-a om leitung hita leh ah Topa in Pasian a hihna thu tu ni-in na thei un la, na lungsim uhah ciamteh un; kuamah dang om lo hi.

Johan 10:30

Keimah in ka Pa tawh pumkhat ka hi uh hi,” ci-in a gen hi.

Johan 1:1

A kipatcil-in Thu a om hi. Thu in Pasian tawh a omkhawm hi. Thu in Pasian ahi hi.

Joel 2:27

Tua ciangin, no Israel mite lakah kei ka omna thu, leh keimah Topa in note’ Pasian ka hihna thu, kei sim loh kuamah dang a om lohna na thei ding uh hi. Ka mite hong kisimmawh kik ngei nawn lo ding hi.

Isaiah 44:6

Topa, Israel Kumpipa leh amah Honpa, Vanglianpen Topa in hih bangin gen a: “Keimah in a masa pen leh a nunung pen ka hi hi; kei sim loh Pasian dang om lo hi.

Late 18:31

Topa longal, Pasian kua hiam? Pasian longal, suangpi kua hiam?

2 SAMUEL NIHNA 22:32

“Topa longal, Pasian kua hiam? I Pasian simloh, suangpi kua hiam?

Thu-hilhkikna 32:39

“Tu-in thei un, Keimah a kicipa in Kei ka hi hi, Kei sim loh pasian dang om lo hi; ka that a, ka nungta sak hi; ka liam sak a, ka dam sak hi; ka khut sung pan a honkhia zo kuamah om lo hi.

Isaiah 46:9

Hun lui nate phawk un; bang hang hiam cih leh keimah in Pasian ka hi a, a dang om lo hi; keimah in Pasian ka hi a, kei tawh a kibang a dang om lo hi.

Daniel 6:22

Pasian in a vantungmi hong sawl a, ka liam loh nadingin humpinelkaite’ kam a humcip sak hi. Kumpipa aw, mawhna ka bawl loh lam leh, nang tunga zong khialhna ka bawl lohna amah in hong thei ahih manin tua bangin a hong bawl hi,” a ci hi.

Daniel 4:25

Mite sung panin hong kihawlkhia ding a, gamsate tawh na teeng khawm ding hi. Bawngtal bangin lopa na ne ding a, pua lamah lumin, kumsagih sung na tungah daitui a hong kia ding hi. Tua ciangin Sangpen Pasian in mihingte’ kumpigam uk a, a teel mi peuhpeuh kumpi a suaksak thei hi na ci ding hi.

Daniel 2:47

Kumpipa in, “Hih thu thukpi hong gen thei na hih manin na Pasian in thu thuk a lak, pasian khempeuh sung pan a lianpen, kumpite tunga Topa ahi hi,” a ci hi.

Daniel 2:28

Ahih hangin thusim a lak thei vantungah Pasian khat a om hi. Amah in mai lamah bang thu hong piang ding cih nangmah Nebukkhadnezzar kumpipa tungah a hong hilh zo hi.

Jeremiah 10:7

Gam khempeuhte’ Kumpipa aw, kua in nang hong kihta lo ding ahi hiam? Nang, kihtak ding mah na hi hi. Bang hang hiam cih leh leitung mipil khempeuhte’ lak leh amau’ gamsung khempeuh lakah, nang bang mi kuamah om lo hi.

Isaiah 48:5

note in, ‘Ka milim un hihte bawl a, a kisui ka milim leh a kisung ka milim un thu pia hi,’ na cih theih loh nadingun tanglai-a kipanin hih thute note tungah kong gen a, tuate hong pian’ ma-in note tungah kong zasak khol hi.

Isaiah 44:2

Nangmah a hong bawl, gil sung panin nang a hong piangsak, nang a hong huh ding Topa in hih bangin ci hi: Ka nasempa Jakob aw, ka teelsa Israel aw, lau kei in.

Isaiah 43:12

Note lakah pasian dang a om ma-in honkhia-in, pulak-in, ka gen khol hi; tua ahih ciangin note in keima tecite na hi uh hi,” Topa in ci hi.

Isaiah 42:9

En un, hun beisa-a nate in hong kheng a, tu-in a thak nate kong gen hi; tuate a hong pian’ khiat ma-in note tungah a thute kong gen khol hi.”

Isaiah 30:29

Ahi zongin no Pasian’ mite in ahih leh, biakna pawi a kikham ni zan a, bangin la na sa ding uh hi; Israelte’ Suangpi, Topa’ mual-ah a pai dingin tamngai aw gin’na zui-in a kuankhiate bangin na lungdam ding uh hi.

Ezra 8:22

Bang hang hiam cih leh kumpipa kiangah, “Ka Pasian un amah a zong mite khempeuh ompihin amau’ adingin a hoih na sem a, amah a nusiate khempeuh tungah amah heh hi,” ci-in gen khin ka hih manun lampi-ah kote hong kha dingin galkapte leh sakol tung tuangte kumpipa kiangah ka nget ding ka maizum hi.

Ezra 1:2

“Persia kumpipa Sairas in hih bangin ci hi: Vantung Pasian, Topa in leitung kumpi gam khempeuh keima tungah hong piakhin a, Judah gam sung Jerusalem khua ah ama adingin inn khat ka lamsak ding hong sawl hi.

Thu-hilhkikna 32:31

Bang hang hiam cih leh i galte’ suangpi in eite’ Suangpi bang hi lo a, i galte thungetna a mawkna ahi hi.

Thu-hilhkikna 32:4

“Eite belh Suangpi, a nasepna kicing a, ama sepna khempeuh thumanna ahi hi. Thumanna nei-in, mawhna a nei lo Pasian hi a, amah thutangin thuman hi.

Piancilna 48:19

Ahih hangin a pa in nial a, “Ka thei hi, ka ta aw, ka thei hi; amah zong mi khat suak ding a, amah zong lian ding hi; ahi zongin a naupa amah sangin lianzaw ding a, a suan-le-khakte in minam lianpi khat suak ding hi,” ci hi.

Piancilna 46:3

Tua ciangin Amah in, “Keimah in na pa’ Pasian ahi, Pasian ka hi hi; Izipt-ah paisuk ding lau kei in; bang hang hiam cih leh minam lian khatin tua lai-ah nang kong bawl ding hi.

1 JOHAN MASA 1:2

Tua nuntakna hong kilang zo a, kote in zong ka mu zo uh a, Pa tawh omkhawm ngei-in, kote kiangah hong kilangsa tua nuntak tawntungna thu, note kiangah teci pangin kong hilh uh hi.

Hebru 12:1

Tua ahih ciangin hih zaha tam teci pan’nate in ei hong uum ahih ciangin, eite in van khempeuh ahi zongin, hong bawlsia thei mawhna ahi zongin, paaikhia-in

Sawltak 14:15

“Mite aw, bang hangin hih bangin bawl na hi uh hiam? Komau in note tawh kibang lungsim nei mite ka hi uh a, hih a mawkna paaikhia-in van leh lei, tui lianpi akipan leh a sungah a om teng a piangsak a nungta Pasian kiangah na kihei nadingun Lungdamna Thu kong hilh uh hi.

Sawltak 1:8

Ahih hangin Kha Siangtho in nomau tungah hong kumsuk khit ciangin vangliatna na ngah ding uh a, Jerusalem khua-a kipan Judah gam, Samaria gam khempeuh leh leimong dongin ka teci na hi ding uh hi,” a ci hi.

Johan 6:10

Zeisu in, “Mite na tusak un,” a ci hi. Tua munah lopa tampi a om hi. Amaute sim le-hang pasal tul nga bang a tu uh hi.

Late 86:10

Bang hang hiam cih leh nangmah in nalamdangte bawlin a lian na hi a, nang bek in Pasian na hi hi.

Isaiah 17:10

Note in, nomau’ kihotkhiatna Pasian mangngilhin,nomau’ belh Suangpi phawk lo na hih manun note in biakna huan bawlin kung hoihte suan a, leenggui kung namdangte tawh peh-in,

Isaiah 26:4

Topa Pasian in tawntung Suangpi ahih manin, Topa muang tawntung un.

Isaiah 41:23

Note pen pasiante na hihna uh ka theih nadingun tu khit ciang-a hong piang ding thute kote tungah hong gen un; kote lungkia-in ka lau nadingun phatna ahi a, siatna ahi zongin khat peuhpeuh hong bawl dih un.

Isaiah 43:11

Kei, keimah in Topa ka hi a, kei sim loh honpa dang om lo hi.

Isaiah 45:19

Keimah in mun simtham, khuamialna gam sungah thu ka gen kei hi; Jakob’ suan leh khakte kiangah, ‘A awngthawl mun sungah kei hong zong un,’ ka ci kei hi. Keimah Topa in thuman ka gen a, a man nate ka pulak hi.

Isaiah 48:3

“A masa lam-a nate thu tanglai-in ka gen a, keima kam panin tuate gingkhia-in ka kithehthang sak hi; tua ciangin thakhat thu-in keimah in ka sem a, hong piang hi.

Late 18:32

keimah thahatna hong guan, Pasian, ka lampi lungmuan’ nadinga a bawlpa ahi hi.

Isaiah 43:9

Minamte kikaikhawm sak un la, mihingte kikhawm sak un. Amaute’ lak panin kua in hih thu hong genkhol thei-in, a beisa hun-a nate kua in hong lak thei ahi hiam? Amau’ dikna a langsak dingin a tecite uh hong paipih sak un la, amaute a thu za sakin, man mah hi, ci sak un.