Isaiah 44:3 - Tedim Bible

³ Bang hang hiam cih leh a dangtak leitang tungah tui ka sung ding a, leikeu tungah lui tui ka luangsak ding hi; na suan leh khakte tungah ka Kha ka pia ding a, na tu na tate tungah ka thupha ka pia ding hi.

Tedim Bible Revision 2017

³ “Bang hang hiam cih leh a dangtak leitang tungah tui ka sung dinga, lei keu tungah luitui ka luangsak ding hi. Na suanlekhakte tungah ka kha ka sung dinga, na tu na tate tungah ka thupha ka pia ding hi.

Isaiah 44:3 Referans Kwoze

Joel 2:28

“Tua khit ciangin mi khempeuh tungah ka Kha ka bua ding a, na tanute uh leh na tapate un kamsang ding uh a, na puteekte un mang manin, na tangvalte un maang mu ding uh hi.

Sawltak 2:17

‘A nunung nite ciangin Mi khempeuh tungah ka Kha ka bua ding hi. Na tapate na tanute un thu hilhkhol ding uh hi. Na tangvalte un mang a mu ding uh a, Na puteekte un mang a man’ ding uh hi.

Isaiah 59:21

Note tawh hih bangin thuciamna ka bawl hi: Nang tunga a om ka kha leh na kamsung a, ka koih keima thukhamte leh ka thuhilhnate note tungah kong pia khin a, tu-a kipanin a tawntungin note in tua thute zui-in na suan na khakte uh kam pan paikhia lo ding a, a khang khangin na maimangsak kei ding uh hi,” a ci hi.

Paunak 1:23

Kong thuhilhna hong ngai un, ka ngaihsutna kong gen ding a, ka theihna kong zasak ding hi.

Mangmuhna 21:6

“Tua bangin a piang khin zo hi. Keimah in Alfa leh Omega, a kipatna leh a tawpna ka hi hi. Tuiduh mite nuntakna ciktui man nei loin ka pia ding hi.

Sawltak 2:39

Bang hang hiam na cih leh, kiciamna in note leh na tate uh ahi zongin, gamla-ah a om Topa i Pasian in a sap ding mi khempeuh ading ahi hi,” ci-in a gen hi.

Zekhariah 12:10

David’ suan-le-khakte leh Jerusalem khuamite tungah, hehpihna leh thunget nopna lungsim ka guan ding hi. Amaute in a sut lup uh mipa enin, ta khat neihsun a sihsuahte bangin kap ding uh a, a tacil a khuaisuahte bangin nakpi takin kapin thuum ding uh hi.

Ezekiel 39:29

Israel mite tungah ka kha ka pia ding a, amaute ka nungngat nawn kei ding hi. Topa Pasian in hih thu ka gen khin hi,” hong ci hi.

Isaiah 32:15

Ahi zongin Pasian in a Kha Siangtho hong puakkik ding hi. Leitang siate lo hoih hong suakkik ding a, lo-a ante hoih mahmah-in tulak bang ding hi.

Sawltak 10:45

Piter tawh a paikhawm Pasian thu-um vunatte khempeuh in Gentailte tungah Kha Siangtho a tung a muh uh ciangin a lungmang uh hi.

Late 107:35

Amah in sehnel gam pen bualtuite suaksak a, leitang keu pen ciktui suak sak hi.

Isaiah 41:17

Keima mite in tui duhin tui zong uh a, a dang uh a taak ciangin, amau’ hong thungetna ka pia ding a, Israelte’ Pasian ahi keimah in amaute ka nusia kei ding hi.

Joel 3:18

Tua hun ciangin mual tung gam khempeuh leenggui lo hi ding a, mual neute khempeuh tungah bawng nawi luang ding a, Judah gam sung khempeuhah tui tampi om ding hi. Topa’ biakinn panin lui tui khat hong luang khia ding a, Shittim kuam khempeuh kawtsak ding hi.

Sawltak 2:33

Tua ahih ciangin amah in Pasian’ ziat lamah pahtawina ngah a, Pa kiangah Kha Siangtho kiciamna a ngah khit ciangin, no na muh na zak uh nate hong bua zo hi.

Ezekiel 34:26

Amaute thupha pia-in ka mual siangtho kiim-ah ka om sak ding hi. A kisap hun hunin thupha guahtui ka zusak ding hi.

Isaiah 61:9

Amau suan leh khakte pen minamte lakah kithei ding a, amau tu-le-tate pen mite laizang ah kithei ding hi; amaute pen Topa in thupha a piak mite hi, ci-in a mu mi khempeuhte in thei-in sang ding uh hi.

Mangmuhna 22:17

Kha Siangtho leh a kipi Mo in, “Hong pai in!,” ci-in a gen uh hi. A za mi in zong, “Hong pai in,” ci ta hen. A dangtak mi hong pai ta hen. A dawn nuam mi in nuntakna tui man pia loin dawn ta hen.

Isaiah 48:21

Amah in sehnel gam kantanin amaute a paipih ciangin a dang uh taak lo hi; suangpi panin amau adingin amah in tui luangsak hi; amah in suangpi khangkham sak a, tui phulkhia hi.

Isaiah 65:23

Amaute in a mawkna dingin na sem lo ding uh a, lungkham nadingin ta nei lo ding uh hi; bang hang hiam cih leh amaute pen Topa’ thupha piak suan leh khakte hi ding uh a, amau’ tate amaute tawh nungta khawm ding uh hi.

Late 63:1

Pasian aw, nangmah in keima Pasian na hi hi, nangmah kong zong hi, ka lungsim khempeuh tawh nang kong deih hi; tui om lohna gamkeu bangin ka pumpi in nang hong deih hi.

Isaiah 49:10

Amaute gil kial lo, dangtak lo ding uh a, huihsa in hita leh nisa in hita leh amaute sukha lo ding hi, bang hang hiam cih leh amaute a hehpihpa in amaute lamkaih ding a, lui tui kiangah amaute paipih ding hi.

Isaiah 32:2

Amaute pen, huihpi panin belhna, guahpi panin bukna bang ding uh a, sehnel gam sunga tui luang bangin, nisa gam sunga om suangpi liim bang ding uh hi.

Mattiu 12:43

“A kihhuai dawi in mi khat sung pan a paikhiat khit ciangin, mun keuna ah vakin khawl nading a zong hi.

JOB (Job) 5:25

Na suan na khakte tampi pha ding hi, ci-in na thei ding a, na sunga piangte leitung lopa zah pha ding hi, ci-in na thei ding hi.

Isaiah 48:19

na suan leh khakte sehnel zah pha-in, na tu leh tate sehnel vui zah pha ding hi; keima mai-ah amaute’ min kiphiat khia lo, kisusia ngei lo ding hi,” a ci hi.

Isaiah 55:1

A dangtak mi peuhmah tui phualah hong pai un; an nei lote aw, hong pai-in lei un la, ne un! Hong pai un, sum leh a man ding pia loin leenggahzu leh bawngnawi lei un.

Ezekiel 36:27

Note sungah keima kha kong guan ding a, note tungah kong piak ka thukhamte leh ka thupiakte lim takin kong zui sak ding hi.

Ezekiel 47:8

Amah in kei kiangah, “Hih tui pen nisuahna lam manawhin gam sung nawkin Jordan Kuam-ah luang sukin Si Tuipi sung tung hi. Si Tuipi a tun’ ciangin hih tui in tuipi tui pen, tuisiang suaksak kik hi.

Hosea 10:12

Khai tuh bangin thuman tuhin, kei nong itna hangun a piang thuphate at un. Note’ Topa keima lamah nong kihei nading uh a hun hita ahih manin lo thak lei kalkham un. Tua hi leh kei hong pai-in note tungah thupha kong pia ding hi, ka ci hi.

Micah 5:7

Tua ciangin a om lai Israel mite pen, Topa in minam tampite’ adingin a piak, zing daitui, lopate a khangsak guahtui bang ding uh hi. Amaute in mihing muanin nei loin Pasian bek muang ding uh hi.

Isaiah 27:3

Keimah, Topa in tua lo hongpa ka hi a, a hun hunin tui ka buak hi. Khatpeuh in a suksiat loh nadingin sun leh zan-in ka hong a,

Joel 2:27

Tua ciangin, no Israel mite lakah kei ka omna thu, leh keimah Topa in note’ Pasian ka hihna thu, kei sim loh kuamah dang a om lohna na thei ding uh hi. Ka mite hong kisimmawh kik ngei nawn lo ding hi.

Joel 3:1

“Tua hun ciangin Judah leh Jerusalem, a nidang hun uh ka bangsak kik ding hi.