Isaiah 44:25 - Tedim Bible

²⁵ zuau thu gente’ hilhkholhna limte a siasakpa, aisante pen mihai a suaksakpa, mi pilte lehhei kikin, amau’ thu theite haina a suaksakpa;

Tedim Bible Revision 2017

²⁵ Zuau thu genteʼ hilhkholhna limte a siasak pa, aisante pen mihai a suaksak pa, mipilte leh heikikin, amauʼ thutheihte haina a suaksak pa;

Isaiah 44:25 Referans Kwoze

Late 33:10

Topa in minamte’ thu ngaihsutna a mawkna suah a, mite’ geelna khaktan hi.

Jeremiah 50:36

Kamsang zuau mihaite namsau tawh kithat uh hen! A meidawi a galkapte namsau tawh kithat uh hen!

2 SAMUEL NIHNA 15:31

Tua ciangin David kiangah, “Ahithofel zong mi sawmsimte lakah Absalom tawh om hi,” ci-in kigen hi. Tua ciangin David in, “Topa aw, kong thum hi, Ahithofel’ thugente haina-in na heisak in,” a ci hi.

Jeremiah 51:57

A kumpi uliante leh a mipilte uh akipan ukpite, uliante leh galkapte zu ka khamsak ding a, a tawntungin ihmu-in a khanglo nawn kei ding uh hi, ci-in a vanglian Topa a kici Kumpipa in kong gen hi.

Isaiah 29:14

tua ahih ciangin en un, hih mite tungah a tumdang leh a lamdang ahi a lamdang nate ka bawlkik ding hi; amau’ mipilte’ pilna kisia ding a, amau’ thu mutel theite’ thu muhtel theihna kiseel ding hi,” a ci hi.

Daniel 4:7

Tua ciangin aisan theite, mitphial siamte, khongkhaitheite, aksi et siamte khempeuh hong pai uh a, amaute kiangah ka mang ka gen hi. Ahih hangin a khiatna a hong gen thei kei uh hi.

Daniel 1:20

Kumpipa in bangbang thu haksa nono a dot hangin, hi mi lite in ama gamsung khempeuh a, mitphial siamte leh aisan theite khempeuh sangin a zah sawmin a siamzawk lam uh a mu hi.

Jeremiah 49:7

Edom gam tawh kisai-in, a vanglian Topa in a gen-inah: “Teman gamah pilna om nawn lo ahi hiam? Thu ngaihsut siamte in ngaihsun thei nawn loin a pilna uh bei ta ahi hiam?

2 KHANG TANGTHU NIHNATE 18:34

Tua ni-in galkidona nasia mahmah a, nitak dong Siria mite mai ngatin a leeng sungah Israel kumpipa kingam hi; tua hi a, nitum laitakin amah si hi.

2 KHANG TANGTHU NIHNATE 18:11

Tua ciangin kamsang khempeuh in zong tua mah bangin genkhol uh a, “Ramothgilead-ah kuanto in la, gual zo in; Topa in kumpipa’ khut sungah hong pia ding hi,” a ci hi.

2 SAMUEL NIHNA 17:23

Ahithofel in ama thugen a kizuih loh a muh ciangin a la tutphah vawhin ama khuapi a inn-ah nuak ciah hi. Tua ciangin amah in a innkuan vai hawmsak a, tua ciangin amahmah gui-awk hi; amah si a, a pa’ han-ah kivui hi.

2 SAMUEL NIHNA 16:23

Tua hun lai-in Ahithofel’ thugente in Pasian’ kammal mahmah bangin kingaihsun hi; tua bangin David leh Absalom in Ahithofel’ thugente thupi ngaihsut uh hi.

Paikhiatna 9:11

Mitphial siamte in meimatum hangin Moses dem zo nawn lo uh hi, bang hang hiam cih leh mitphial siamte leh Izipt mite khempeuh in meimatum vei uh hi.

1 KUMPI MASATE 22:37

Tua ahih ciangin kumpipa si a, Samaria ah kipaipih hi; amaute in Samaria ah kumpipa vui uh hi.

Hosea 9:7

Daan tahna hun hong tung ta a, thukkikna hun hong tung ta hi. Tua hun ciangin Israel mite in na thei ding uh hi. Note’ mawhna hang leh note in kei nong muhdah luat manun, “Hih kamsangpa mi hai hi; hih thumu-pa lungsim kicing lo hi,” nong ci uh hi.

Micah 3:7

Kamsanngte in maizumna thuak ding uh a, thu-mu theite in zumna thuak ding uh hi; amaute in a muk uh hum ding uh hi, bang hang hiam cih leh Pasian’ dawnna om lo hi.

Gamlak-vakna 23:23

Bang hang hiam cih leh Jakob mite a kibum nading om lo a, Israel mite lang khatah aisaanna ding om lo hi; tu-in Jakob suan Israel mite thu tawh kisai-in, ‘Pasian in bang hih hiam!’ kici ding hi.

Isaiah 19:3

Izipt mite’ lungsim hawmsuak ding a, amau’ geelnate ka siasak ding hi; amaute in milimte leh khongkhai theite, vankah theite leh aisan theite thu dong ding uh hi;

Zekhariah 10:2

Mihingte in milim peuh, thudotin nei uh a, a thu ngahte uh, zuauthu leh a mawkna hi lel hi. Mang khia thei-a kineite in lamlak khial uh a, amau’ hehnepnate, a mawknapi hi lel hi. Tua ahih manin, tuu bangin mite mangthang uh a, makai a neih loh manun gimna ngah uh hi.