Isaiah 44:23 - Tedim Bible

²³ Vantungte aw, Topa in tua thu sem khin ahih manin lungdam in la sa un; Anuai-a om leitung aw, awng un; mualte aw, la sa-in awng khia un, tulak leh a sunga sing om khempeuh aw, awng un! Bang hang hiam cih leh Topa in Jakob tankhia khin a, Israel sungah amah kiminthangsak ding hi.

Tedim Bible Revision 2017

²³ Vantungte aw, Topa in tua thu sem khin ahih manin la sa un. Lei thuknate aw, awng un. Mualte aw, la sa-in awng khia un. Tulak le a sunga om sing khempeuh aw, awng un. Bang hang hiam cih leh Topa in Jakob hon khia khin a, Israel sungah amah kiminthangsak ding hi.

Isaiah 44:23 Referans Kwoze

Late 69:34

Vantung leh leitung, tuipi leh a sunga gamtang khempeuhte in amah phat ta uh hen.

Jeremiah 51:48

Tua ciangin vantung teng leh leitung leh, a sunga om nate khempeuh in Babilon’ hangin lungdamin la a sa ding uh hi. Bang hang hiam cih leh leilu lam panin amau a susia ding mi hong pai ding uh hi, Topa in kong ci hi.

Isaiah 49:3

Amah in kei kiangah, “Nang in, keima liatna a kilangsak ding ka nasempa Israel na hi hi,” hong ci hi.

Isaiah 49:13

Vantung aw, lungdamin la sa un, leitung aw, lungdamin diang in; mual liante aw, lungdamin la sa-in awng khia un! Bang hang hiam cih leh Topa in ama mite hehnem ta a, gimna a thuak ama mite hehpih ding hi.

Mangmuhna 18:20

Vantung-a kipan misiangthote, sawltakte, kamsangte aw, tua khuapi hangin nuam un! Bang hang hiam na cih uh leh, Pasian in note tawh kipawlin ama tungah thu a khen zo hi!” a ci hi.

Mangmuhna 12:12

Tua ahih ciangin vantungte leh vantungah a omte aw, nuam un! Leitung leh tuipi ahih uh leh, lunggimna a om hi. Bang hang hiam na cih uh leh, Dawimangpa in hun tomkha bek ngah lai ahih thei-in, thangpaai mahmahin note omna-ah a paisuk zo hi!” ci-in a gen aw ka za hi.

1 PETER MASA 4:11

Pasian in na khempeuhah Topa Zeisu hangin phatna a ngah theih nadingin, mi khatpeuh in thu a hilh leh, Pasian’ thupiak bangin hilh ta hen; mi khatpeuh in na a sep leh, Pasian piak tha bangin sem ta hen. Tua Pasian in a tawntungin minthan’na leh vangliatna nei ta hen. Amen.

Ezekiel 36:8

Ahi zongin Israel mualtung gamte-ah no ka mi Israelte’ adingin singkungte in teh leh gah hong nei kik ding a, a sawt loin note, inn-ah a hong ciah kik ding na hi uh hi.

Ezekiel 36:1

Topa in kei kiangah, “Ezekiel aw, Israel mualte tungah thu gen in la, Topa Pasian ahi keimah in amaute tunga gen ding ka neih thute hih bangin gen in:

Isaiah 61:3

amaute pen a thuman mite kici-in, amah a kiminthan’sak theih nadingin Topa’ suan kungte a kicih theih nadingin, Zion ah a om a dah mite tungah vut tawh kibuak a, lukhu khuk tangin a hoih kumpi lukhu khuksak nading, tauna tangin lungdamna sathau nilhsak theih nading, a lunggimna tangin Pasian phatna puan a silh theih nadingun amah in kei hong sawl zo hi.

Isaiah 60:21

Na mihingte khempeuh thuman ding hi; keima min a than’ nadingin keima suansa kung, ka khut tawh ka sepsa ahi gam pen amaute in nei pai suak ding uh hi.

Isaiah 26:15

Ahih hangin nangmah in ko minam nong khangsak hi, Topa aw, nangmah in minam na khangsak a, gamgi khempeuh na keeksak khin hi. Hih thu hangin nangma min a thang hi.

Late 148:7

Leitung panin, Topa phat un, no gunpi liante leh tuipi thuk khempeuh,

Ezekiel 39:13

Gam sunga om mi khempeuh in misi vuina-ah huh ding uh a, tua bangin a huhna hangun ka gualzawh ni-in pahtawina ngah ding uh hi. Topa Pasian keimah in hih thu ka gen khin hi.

Efesa 4:9

“Amah a kahtoh”, a cih ciangin lei nuai-ah a kumsuk thu ngaihsunin ci hilo hiam?

1 KHANG TANGTHU MASATE 16:31

Vantung kipak hen la, leitung lungdam hen, minamte lakah, “Topa maang hi!” amaute in ci ta uh hen.

Late 65:13

lo no-na munte tuuhon tawh kizem-in, kuampite an tawh kidim a, lungdamin awngin amaute in la sakhawm uh hi.

Late 148:9

Mualliante leh mualneute khempeuh, gah a nei singkungte leh taamtaak singkung khempeuh!

Isaiah 12:5

“Amah in minthang takin sem khin ahih manin Topa’ tungah phatna la sa un; leitung khempeuh ah hih thu kitheisak un.

Isaiah 43:1

Ahih hangin, Jakob aw, nangmah hong piangsakpa, Israel aw, nangmah hong bawlpa, Topa in tu in hih bang ci hi: “Nangmah hong honkhia khin ka hih manin lau kei in; na min tawh nang kong sam khin zo a, nang in kei’ aa na hi hi.

Isaiah 46:13

Ka dikna kong tungsak ta a, gamla nawn lo hi; ka hotkhiatna zekai lo ding hi; keima minthan’na ahi Israel adingin, Jerusalem ka honkhia ding hi.”

Isaiah 52:9

A kisia Jerusalem munte aw, lasa-in kiko khawm un; bang hang hiam cih leh Topa in ama mite hehnem ta a, Jerusalem tankhia khin ta hi.

Jeremiah 31:11

Bang hang hiam cih leh Topa in Jakob ka tankhia khin zo a, a zawhzawh loh khutte sung pan ka lakhia khin zo hi.

Ezekiel 35:14

Tua ahih ciangin Topa Pasian in hih bangin ka ci hi: Leitung buppi a lungdam theih nadingin nang a gamkhing pha mahmah-in kong bawl ding a,

Paikhiatna 18:9

Izipt mite’ khut sung panin amah in amaute a khahkhiatna, Israel mite' tungah Topa in a hoih a bawlte khempeuh hangin Jethro lungdam hi.

1 KHANG TANGTHU MASATE 16:32

Tuipi leh a sunga om khempeuh awng hen la, gamlak leh a sunga om khempeuh diang hen!

1 KHANG TANGTHU MASATE 16:33

Tua ciangin gamlak singte in lungdamin Topa mai-ah la sa ding uh hi, bang hang hiam cih leh leitung thukhen dingin amah hong pai hi.

Late 69:35

Bang hang hiam cih leh Pasian in Zion hon-in Judah khuapite lamkik ding a, ama nasemte tua lai-ah teengin tang pah ding uh hi;

Late 89:13

Nangma vang lian mahmah a, na thahatna kigen thei lo hi.