Isaiah 44:15 - Tedim Bible

¹⁵ Tua ciangin tua kung pen mi khat adingin mei sing suak hi; amah in tua sing kimkhat la-in a khua lum nadingin mei-in cih a, amah in mei tawh-in moh em hi; amah in pasian khat zong bawlin bia a, amah in milim khat bawlin tua milim mai-ah kun hi.

Tedim Bible Revision 2017

¹⁵ Tua ciangin tua kung pen mi khat adingin mei sing a suak hi. Amah in tua sing kim khat la-in khua lum nadingin mei-in cih a, amah in mei tawhin moh a em hi. Amah in pasian khat zong bawlin bia a, amah in milim khat bawlin tua milim mai ah a kun hi.

Isaiah 44:15 Referans Kwoze

2 KHANG TANGTHU NIHNATE 25:14

Seir gam-a Edom mite a thahna panin Amaziah hong ciah ciangin amah in Seir gam mite’ pasiante hong ciahpih a, ama pasian dingin tuate koih a, tuate bia-in tuate tungah biakna pia hi.

Mangmuhna 9:20

Tua gimna hanga a si lo a om lai mite in dawi gilote tawh, a za ngeilo, amu ngeilo, a pai thei ngeilo kham milim, ngun milim, sumngo milim, suang milim, sing milimte, a biak loh nadingun a mau khut tawh a bawlnate a kisik lo tham loin,

Isaiah 45:20

“Minam sung panin a suakta lai note aw, nomau kikaikhawmin hong pai un la, hong nai un! Amau’ sing milim a pua kawikawi mite in theihna nei lo uh a, a honkhia thei lo pasian tungah thu ngenngen uh hi.

Isaiah 44:10

Bangmah-a kimang lo pasian kua in bawl a, milim kua in sung ahi hiam?

Thukhente 2:19

Ahih hangin thukhente a sih peuhpeuh ciangin amaute kihei kikin a pu a pate uh sangin a sia zaw-in gamta uh a, pasian dangte nung zui uh a, amaute’ na semin a mai uh-ah kun uh hi; amau gamtatnate uh ahi a, a lungkhauhnate uh ahi zongin khia lo uh hi.

Isaiah 44:14

Amah in taamtaak sing kungte phuk hi; tua ahih kei leh sesing kung khat ahi a, tawsaw kung khat ahi zongin teng khia a, gamlak singte lakah khang sakin gol sak hi; amah in taamtaak kung khat suanin guah in khang sak hi.

Isaiah 44:16

Amah in a sing kimkhat mei khuk-ah cih hi; a dang kimkhat tawh an ne a, amah in sa hang-in a gil vah hi; amah in mei awi-in, “Ah, ka khua lumta, mei mu khin ing!” ci hi.

Isaiah 44:17

Amah in a val lai teng, ama milim pasian khatin bawl hi; tua milim mai-ah kunin bia hi; amah in tua milim tungah thungen a, “Nang in keima pasian na hih ciangin kei hong honkhia in!” ci hi.

Isaiah 46:6

Sumbawm panin khamte uang zatin tawi-tehna tawh ngunte a tehkhiate in kham seekpa cial a, amah in tua nate pen pasian-in seeksak hi; tua ciangin amaute kunin tua milim bia uh hi.

Isaiah 2:8

Amau gam in milimte tawh kidim hi; amau’ khut tawh a bawlsate, a khutmete tawh a bawlsate amaute in bia uh hi.