Isaiah 44:13 - Tedim Bible

¹³ Sing nasep khut siampa in khau khungin laikung tawh ciamteh hi; amah in singnawtna tawh nawt a, tehna kual khat tawh ciamteh hi; amah in, inn sunga a teeng ding mihing mel hoih lim khat bangin mihing lim-in bawl hi.

Tedim Bible Revision 2017

¹³ Sing nasep khutsiam pa in khau khungin laikung tawh a ciamteh hi. Amah in singnawtna tawh nawt a, laikung tawh a kualin a ciamteh hi. Amah in, inn sungah a teeng ding mihing melhoih lim khat bangin mihing limin a bawl hi.

Isaiah 44:13 Referans Kwoze

ROM (Romans) 1:23

kisia thei lo Pasian’ vangliatna in a sia thei mite ahi zongin, vasate ahi zongin, khe li nei ganhingte ahi zongin, bawkbak a, paite ahi zongin, tuate a milim tawh a kheek uh hi.

Sawltak 17:29

Pasian’ suan i hih ciangin Pasian pen mi lungsim siamna leh khutsiamna tawh a kibawl kham tawh, ngun tawh, suang tawh kibang hi ci-a i up ding a kilawm kei hi.

Ezekiel 8:12

Tua ciangin amah in, “Ezekiel aw, Israel mite in a kimu lo mun-a a gamtatnate uh tu-in na mu hiam? Amaute in milim a dimna inn sungah biakna bawl uh hi. Amaute in, ‘Topa in hong mu lo hi. Topa in hih gam nusia khin ta hi,’ ci-in paulap zong uh hi,” hong ci hi.

Isaiah 41:7

Khutsiampa in kham sekpa hanthawnin, sek tawh milim a nel puahpa in sekpi tawh a satpa hanthawn a, sumtui a luan’na uh “Hoih hi,” ci uh hi; a tuk thei lo dingin amaute in tua milim siktukkilh tawh khen kip uh hi.

Thukhente 18:24

Amah in, “Note in keima bawlsa ka pasiante, leh siampipa la-in na paikhia uh hi; keimah in bang nei nawn ka hi hiam? Tua ahih ciangin, ‘Bang thu ahi hiam? bang hangin hong ci thei na hi uh hiam?” a ci hi.

Thu-hilhkikna 27:15

“Topa adingin a kihhuai ahi, khutsiampa khut tawh a kibawl, a kiseek ahi a, a kisung ahi zongin milim bawlin, mun simtham ah a koih mipa in gimna ngah ta hen,’ ci ding uh hi. Tua ciangin mi khempeuh in dawngin, ‘Amen,’ ci ding uh hi.

Thu-hilhkikna 4:28

Note in tua lai munah mite’ khut in a bawl, khua mu thei lo, khua za thei lo, a ne thei lo, a nam thei lo sing leh suang pasiante’ na na sem ding uh hi.

Piancilna 35:2

Tua ahih ciangin Jakob in a innkuanpihte leh amah tawh a omte khempeuh' kiangah, “Note' lakah a om gamdang pasiante koih khia un la, nomau kisian’suahin, na puante uh kheek un;

Piancilna 31:32

Na pasiante na muhna mi peuhpeuh nungta lo ding hi. I behte’ muhna-ah nang aa ahi, kei' neih a om leh kawkkhia in la, la in,” ci hi. Tu-in Rachel in tuate a na guk lam Jakob in thei kha lo hi.

Piancilna 31:30

Tu-in nang in na pa’ inn nakpi takin lunggulh na hih manin na paikhia khin ta hi, ahih hangin bang hangin ka pasiante gu na hi hiam?” ci hi.

Piancilna 31:19

Laban a tuu mul met dingin pai khia a, Rachel in a pa’ inn sung pasiante gu hi.

Isaiah 44:14

Amah in taamtaak sing kungte phuk hi; tua ahih kei leh sesing kung khat ahi a, tawsaw kung khat ahi zongin teng khia a, gamlak singte lakah khang sakin gol sak hi; amah in taamtaak kung khat suanin guah in khang sak hi.

Ezekiel 8:10

Kei zong a sungah tumin ka khuadak hi. Kawm tung khempeuh ah gul lim, adang ganhing ninte lim, leh Israel mite’ biak milim khempeuh a kisuai ziazua ka mu hi.

Ezekiel 8:11

Tua lai-ah Israel minam makai sawmsagih na om a, tuate lakah Shafan’ tapa Jaazaniah zong na om hi. Amaute in paknamtui halna kuang khat ciat tawi uh a, paknamtui hal khute van lamah kahto biaibuai hi.