Isaiah 44:12 - Tedim Bible

¹² Sikseekpa in seekin hol tawh na sem hi; amah in sek tawh seek-in a thahat a khut tawh a sat hi; amah a gil kialin a tha zaw a, amah in tui dawn loin a gim hi.

Tedim Bible Revision 2017

¹² Sikseek pa in seekin hol tawh na sem hi. Amah in sek tawh seekin a thahat a khut tawh a sat hi. Amah a gil kialin a tha zaw a, dangtakin a gim hi.

Isaiah 44:12 Referans Kwoze

Isaiah 40:19

Milim tawh teh theih ding hi lo hi. Milim a bawlpa in sung-in, khamsekpa khat in tua pen kham tawh zut-a, tua milim’ adingin ngun khainiangte sun’sak hi.

Habakkuk 2:13

Na zawh uh minamte’ nasepna sate a mawkna suakin, amau’ sepsa teng a khu-in leng mang hi. Hih thu in Vanglianpen Topa’ pian’sak ahi hi.

Paikhiatna 32:8

amaute ka thupiakna lampi panin kiheikhia pak uh hi; amau’ adingin amaute in a kisung milim bawngno khat bawlin, tua bia-in a tungah biakna pia uh a, ‘Israel mite aw, hihte in Izipt leitang panin note hong paikhiatpih to na pasiante uh ahi hi!’ ci uh hi,” a ci hi.

Paikhiatna 32:4

Amah in amaute’ tung panin kham saangin, sumtui sun’na sungah sungin, a kisung milim bawngno khat bawlsak hi; tua ciangin mite in, “Israel mite aw, hihte in Izipt leitang panin note hong paikhiatpih to na pasiante uh a hi hi!” ci uh hi.

Thu-hilhkikna 4:28

Note in tua lai munah mite’ khut in a bawl, khua mu thei lo, khua za thei lo, a ne thei lo, a nam thei lo sing leh suang pasiante’ na na sem ding uh hi.

Isaiah 40:20

A gina lo khinta mipa in biakna a piak ding a muat lo ding sing teel hi; a taang thei lo milim khat a kituk lo dingin khutsiam mipa khat amah in zong hi.

Habakkuk 2:18

Milim, banga kimang ahi hiam? Mihingte’ bawl na khat hi lel a, thuman hong gen thei lo hi. Tua bang a pau thei beek lo pasian khat, a bawlpa in muan’in a neih bang phatuam ahi hiam?

Zekhariah 1:20

Tua ciangin Topa in sek tawi mihing li hong lak hi.