Isaiah 44:10 - Tedim Bible

¹⁰ Bangmah-a kimang lo pasian kua in bawl a, milim kua in sung ahi hiam?

Tedim Bible Revision 2017

¹⁰ Bangmahin a kimang lo pasian kua in bawl a, milim kua in sung ahi hiam?

Isaiah 44:10 Referans Kwoze

Jeremiah 10:5

A milimte uh, tangmai huan-a vasate’ lau nading-a kikhai milimte tawh kibangin a pau thei kei uh a, lam pai thei lo uh ahih manin puak kul hi. Tuate kihta kei un; siatna bangmah bawl thei lo uh a, phatna zong bangmah bawl thei lo uh hi,” a ci hi.

Habakkuk 2:18

Milim, banga kimang ahi hiam? Mihingte’ bawl na khat hi lel a, thuman hong gen thei lo hi. Tua bang a pau thei beek lo pasian khat, a bawlpa in muan’in a neih bang phatuam ahi hiam?

Sawltak 19:26

Hih Paul in, ‘Mi’ khut tawh kibawl Pasian om lo hi,’ ci-in Efesa khua bek hi lo, Asia gam khempeuh ah mi tampi zol a, a uuksak cih na mu uh, na thei uh hi.

1 KORIN MASA 8:4

Milim biakna sa nekna pan ahih leh, leitungah milim in a mawkna taktak hi a, Pasian khat bek longal Pasian dang a om kei hi cih i thei hi;

Daniel 3:14

Amah in “Shadrak, Meshak leh Abednego aw, ka pasian bia nuam loin, ka kham milim koih mai-ah kun nuam lo na hi uh hiam?

Daniel 3:1

Nebukhadnezzar kumpipa in a dung tong sawmguk a sang, a vai lam tongguk a gol kham milim pi khat bawl saka Babilon gamsung Dura zanglei-ah a koih hi.

Isaiah 41:29

En un, amaute khempeuh zuaupi vive ahi hi; amau’ nasepnate a mawkna ahi hi; a kisung amau’ milimte pen huih hawmpi ahi uh hi.

1 KUMPI MASATE 12:28

Tua ciangin kumpipa in thu kikupna khat bawl a, tua ciangin kham bawngno nih bawl hi. Tua ciangin amah in mite kiangah, “Jerusalem ah sau vei khop na paikhin ta uh hi. Israel mite aw, Izipt leitang panin note hong paikhiatpih na pasiante uh en un,” a ci hi.

Late 115:4

Amaute’ milimte pen ngun leh kham hi a, mihingte’ khut tawh kibawl ahi hi.

Isaiah 40:19

Milim tawh teh theih ding hi lo hi. Milim a bawlpa in sung-in, khamsekpa khat in tua pen kham tawh zut-a, tua milim’ adingin ngun khainiangte sun’sak hi.

Jeremiah 16:19

Aw Topa, ka hatna leh ka kulhpi, lungkham hun cianga ka bukna aw, leitung mong panin gamdang mite nang’ kiangah hong pai ding uh a, “Ka pu ka pate un zuauthu leh bangmah a, kimang lo milimte longal bangmah a luah kei uh hi.

Isaiah 45:20

“Minam sung panin a suakta lai note aw, nomau kikaikhawmin hong pai un la, hong nai un! Amau’ sing milim a pua kawikawi mite in theihna nei lo uh a, a honkhia thei lo pasian tungah thu ngenngen uh hi.