Isaiah 43:9 - Tedim Bible

⁹ Minamte kikaikhawm sak un la, mihingte kikhawm sak un. Amaute’ lak panin kua in hih thu hong genkhol thei-in, a beisa hun-a nate kua in hong lak thei ahi hiam? Amau’ dikna a langsak dingin a tecite uh hong paipih sak un la, amaute a thu za sakin, man mah hi, ci sak un.

Tedim Bible Revision 2017

⁹ Minamte khempeuh kikaikhawmsak unla, mihingte kikhawmsak un. Amauteʼ lak panin kua in hih thu hong gen khia thei-in, a beisa huna nate kua in laktel thei ahi hiam? Amauʼ dikna a langsak dingin a tecite uh hong paipihsak unla, amaute a thu zasakin, man mah hi, cisak un.

Isaiah 43:9 Referans Kwoze

Isaiah 46:10

A kipat cilin a tawp nading thu ka pulak a, tanglai pek panin a piang nai lo nate genin, ‘Ka ngimna kip ding a, ka sepnop khempeuh ka sem ding hi,’ ka ci hi.

Joel 3:11

Kiimkot-a om minamte khempeuh aw, manlangin hong kuan un la, tua kuam-ah hong kikaikhawm un. Topa aw, na galhangte hong paipih suk in.

Isaiah 43:26

Kei hong phawksak in la, thu kikum khawm ni; na dikna a kilat nadingin na thu hong sung khia in.

Isaiah 41:1

Tuikulh gamte aw, gamdai takin ka thu ngai un; na mite a tha uh dimsak un la, amaute a mai-ah hong paisak un. Amaute thugen theihna ding hun ngah ding uh hi. Thukhen zumah kei tawh kisi nung.

Late 50:1

Vanglianpa, Topa ahi Pasian, hong pau a, nisuahna leh nitumna kikal leitung khempeuh a khawm hi.

Isaiah 48:14

“Note khempeuh kikhawm un la, hong za un! Amaute’ lakah kua in hih ka sep ding nate genkhol thei ahi hiam? Ka teel kipawl pihpa in Babilon tungah keima ngimna sem ding a, Khaldea mite’ lang khatah kei ka pang ding hi.

Isaiah 34:1

Minamte aw, thu za dingin hong nai un, mihingte aw, ngai un. Leitang leh a tunga om khempeuh aw, ngai un; leitung leh a tung pan a, hong paite khempeuh in ngai un.

Isaiah 48:3

“A masa lam-a nate thu tanglai-in ka gen a, keima kam panin tuate gingkhia-in ka kithehthang sak hi; tua ciangin thakhat thu-in keimah in ka sem a, hong piang hi.

Isaiah 44:6

Topa, Israel Kumpipa leh amah Honpa, Vanglianpen Topa in hih bangin gen a: “Keimah in a masa pen leh a nunung pen ka hi hi; kei sim loh Pasian dang om lo hi.