Isaiah 43:3 - Tedim Bible

³ Bang hang hiam cih leh keimah in Topa na Pasian, Israelte’ Siangtho Pa, nangmah hong Honpa ka hi hi. Nangmah tat nadingin Izipt ka pia a, nangmah khek nadingin Ethiopia leh Seba ka pia hi.

Tedim Bible Revision 2017

³ Bang hang hiam cih leh kei pen Topa na Pasian, Israel-teʼ Siangtho Pa, nangmah hong honpa ka hi hi. Nangmah tat nadingin Egypt ka pia a, nangmah khek nadingin Ethiopia le Seba ka pia hi.

Isaiah 43:3 Referans Kwoze

Isaiah 60:16

Nupi khat in a ta nawi pia-in limtakin a kep bangin, ninamte leh kumpite in nang hong vakin hong kem ding uh hi. Tua ciangin kei pen Topa, nangmah Honpa, nangmah Tankhiapa, Jakob’ Vanglian Pa ka hihna na thei ding hi.

Isaiah 45:15

A taktakin, Israelte’ Pasian, Honpa aw, nangmahmah a bucip Pasian na hi hi.

Paikhiatna 20:2

“Keimah in salsuahna, Izipt leitang panin nang a hong paikhiatpih Topana Pasian ka hi hi.

Isaiah 49:26

Nang hong nengniam mite pen amau’ satak mah ka ne sak ding a, zukham bangin amau’ si mah kham ding uh hi. Tua ciangin, kei pen, Jakob’ Vanglian Pa, nang hong Tankhiapa, nang hong Honpa Topa ka hihna mi khempeuh in thei ding hi,” a ci hi.

Paunak 21:18

Midikte’ thuak dingin a bawlsak uh gimnate pen, migilote mah in lehthuak zawsop uh hi.

Isaiah 45:21

Na thu uh sung un la, gen un; amaute kikum khawmsak un! Hih thu sawt pekin kua in genkhol ahi hiam? Tang lai-in kua in pulak ahi hiam? Keimah Topa hilo ka hi hiam? Thuman Pasian leh Honpa ahi, kei sim loh Pasian dang om lo hi; kei sim loh kuamah dang om lo hi.

Hosea 13:4

Keimah in Izipt gam pana kipan note’ Topa Pasian ka hi hi. Tua hun lai-in kei sim loh Pasian dang na thei kei uh a, note a hong honkhiapa in kei bek ka hi hi.

Isaiah 30:11

lampi nusia-in, lamzin panin pial un la, Israelte’ Siangtho Pa’ thu hong zasak nawn kei un,” a ci uh hi.

Paunak 11:8

Lungkhamna a tuah loh nadingun midikte kihu a, migilote tungah lungkhamna tungzaw hi.

Isaiah 41:14

Lungno bang ahi lel Jakob, Israel mite aw, lau kei un! Note kong huh ding hi, Topa in ci hi; note hong Tanpa in Israelte’ Siangtho Pa ahi hi.

Isaiah 20:3

Ashdod khua a kilak khit ciangin Topa in, “Izipt leh Ethiopia’ lang khatah lim leh siahil dingin ka nasempa Isaiah tangguak leh kheguak tawh kum thum sung lam a pai mah bangin,

Paikhiatna 10:7

Faro’ nasemte in ama' kiangah, “Eite' tungah hih mipa bang tan vei thangzak hong hi ding ahi hiam? Amaute in amau’ Pasian, Topa a biak theih nadingun mite paisak in; Izipt a siatna thei tel nai lo na hi hiam?” ci uh hi.

Piancilna 10:7

Kush’ tapate: Seba, Havilah, Sabtah, Raamah, leh Sabteka ahi hi. Raamah' tapate: Sheba leh Dedan ahi hi.

Siampi Laibu 11:44

Bang hang hiam cih leh keimah in Topa na Pasian uh ka hi hi; tua ahih ciangin note ki-ap un la, kei siangtho ka hih manin note zong siangtho un. Leitunga bokvak a, a hontat ganhing khatpeuh peuh tawh note na kinin tawmsak kei ding uh hi.

Late 72:10

Tarshis kumpite leh tuikulh neu-a kumpite in ama tungah siah pia uh hen la, Sheba leh Seba kumpite in letsong puak ta uh hen!

Isaiah 19:20

Tua pen, Vanglianpen Topa’ adingin Izipt gam sungah lim leh teci hi ding hi; a nengniam mite’ bawlsiatna hangin Topa’ tungah amaute a kiko ciangin, amah in amaute’ tungah honpa khat sawl ding a, amaute hu’ in khahkhia ding hi.

Isaiah 42:8

Keimah in Topa ka hi a, Topa pen keima min ahi hi; Pasian dang’ tungah keima minthan’na ka ngahsak kei a, a kisui milimte tungah zong keimah hong kiphatnate bang ka ngah sak kei hi.

Isaiah 43:11

Kei, keimah in Topa ka hi a, kei sim loh honpa dang om lo hi.

Isaiah 45:14

Topa in hih bangin ci hi: “Izipt pan a piangte leh Ethiopia sumbuk vante leh a tun a sang Seba mite nangma kiangah hong pai-in nangma aa hi ding uh a, amaute in nang hong zui ding uh hi; amaute sikkhau kibulh-in hong pai-in nangma kiangah hong kun ding uh hi. Amaute in nangma kiangah thuum ding uh a, ‘Nangmah bek tawh Pasian omkhawm a, kuamah dang om loin, amah sim loh pasian dang om lo hi,’ hong ci ding uh hi.”

Isaiah 63:8

Bang hang hiam cih leh Topa in, “Amaute pen keima mi taktak hi a, amaute in kei hong khem lo ding hi,” ci hi. Tua ahih manin a lungkhamna panun amaute a honkhia suak hi.

Jeremiah 14:8

Israel mite’ lamet pa aw, haksat hun ciangin ko a hong honkhia pa na hi hi. Bang hangin ka gamsung uhah mikhual bangin om-in khualzin, zan khat bek a taam bangin hong om na hi hiam?

Jeremiah 16:21

“Tua ahih manin, en un, amaute ka hilh ding hi. Tu tung peuhmahin ka min in Topa hi, cih a theih nadingun ka vangliatna leh ka hatna ka theisak ding hi,” ci-in Topa in a gen hi.

Ezekiel 39:7

Keima mi Israelte lakah ka min siangtho ka kitheisak ding a, keima min a dai dingin ka om sak nawn kei ding hi. Tua ciangin keimah pen a Siangtho, Israelte’ Pasian ahi Topa ka hihna thu minam khempeuh in hong thei ding uh hi,” hong ci hi.

Amos 9:7

Topa in hih bangin ci hi: Israel mite aw, Ethiopia mite tawh a kibangin note ka hong bawl a, Izipt panin note ka hong paikhiatpih bangin, Kaftor gam panin Filistia mite ka paihkhiatpih a, Kir gam panin Siria mite ka paikhiatpih hi.

Zekhariah 9:9

Zion mite aw, nakpi takin lungdam un. Jerusalem mite aw, lungdamin awng un. En un, na kumpipa uh hong pai hi. Amah, dikna leh gupkhiatna tawh hong pai a, ahi zongin kiniamkhiatna tawh hong pai-in sin nai loh lano tungah hong tuang hi.