Isaiah 43:16 - Tedim Bible

^16-17 Tuipi sungah lampi bawlin, tui lianpi sungah pai nading sul bawl a, leeng leh sakolte, kaikhia in, galkapte leh galhangte a paikhiatpih; amaute a tho thei nawn lo dingin a lum sak, amaute pen meivak khau kisumit bangin a mitsak Topa in hih bangin ci hi:

Tedim Bible Revision 2017

^16-17 Tuipi sungah lampi bawlin, tui lianpi sungah pai nading sul bawl a, leeng le sakolte, galkapte le galhangte Egypt gam pan paikhiat pihin, a tho thei nawn lo dingin amaute a lumcipsak, amaute pen meivak khau kisumit bangin a mitsak Topa in hih bangin ci hi:

Isaiah 43:16 Referans Kwoze

Isaiah 51:10

Tuipi, tui thukpite a keusak; a kitankhia mite’ kantan dingin tuipi thukte lampi-in a bawlpa nangmah hilo na hi hiam?

Isaiah 43:2

Nangmah in tuite na kantan ciangin nang tawh kong omkhawm ding a, gunte na kantan ciangin tui in hong tuum lo ding hi; mei kantanin na pai ciangin na kang kei ding a, a meikuangte in nang hong kangtum lo ding hi.

Late 77:19

Nangma lamlian in tuipi tung hi a, nangma lamneu in tui liante tung ahi hi; ahi zongin na khekhapte kimu lo hi.

Jeremiah 31:35

Topa in sun-a khuavak dingin ni hong pia a, zan-a khuavak dingin a kikhel ngei lo kha leh aksite hong pia hi. Tuipi a lawh ciangin tuihualte ging zuazua a, ama’ min in Vanglian Topa kici hi.

Isaiah 51:15

Bang hang hiam cih leh keimah in tuipi tok gawpin tuihualte a hawksak Topa, note’ Pasian ka hi hi—Vanglianpen Topa in ama min ahi hi.

Late 106:9

Amah in San Tuipi thuhilh a, tua tuipi kang hi; amah in gamlak kantan bangin tuithuk kantanin amaute paipih hi.

Late 78:13

Amah in tuipi khenkhia-in amaute kantansak a, tuite a lompi-in omsak hi.

Nehemiah 9:11

Amaute’ mai-ah tuipi phelkham na hih manin tuipi laizang leikeu tungah amaute paisuak uh a, ahi zongin tuilianpi sunga suang lot bangin tui thukna sungah amau a delhte na lawn hi.

Mangmuhna 16:12

Gukna vantungmi in ama tawi hai Eufrates gunpi tungah a buak leh, ni suahna lam pan hong pai uh kumpite ading a baihsa a pian’ nadingin guntui a kang hi.

Paikhiatna 14:29

Ahih hangin tuipi kantanin leikeu tungah Israel mite pai uh a, amau' taklam leh veilam-ah kawm bangin tuite om hi.

Paikhiatna 14:16

Israel mite in leikeu tung tawnin tuipi a kantan theih nadingin na ciangkhut laamto in la, tuipi tungah na khut zan-in khenkham in.

Isaiah 44:27

tui thukpi kiangah, ‘Keu in, na gunte ka keusak ding hi’;

Isaiah 50:2

Bang hangin, kong pai ciangin mi khat zong om lo ahi hiam? Kong sap ciangin hong dawng ding khat zong om lo ahi hiam? Hong hon zo lo zah dingin ka khut tom lua ahi hiam? Tua ahih kei leh note khahkhiatna ding thahatna nei lo ka hi hiam? En un, keima taiina tawh tuipi ka keusak a, gunte pen sehnel gam ka suaksak hi; tui om loh manin a ngasate uih a, dangtakin si uh hi.

Late 77:20

Nangmah in, Moses leh Aaron’ khut tawh, na mite, tuuhon bangin na makaih hi.