Isaiah 43:12 - Tedim Bible

¹² Note lakah pasian dang a om ma-in honkhia-in, pulak-in, ka gen khol hi; tua ahih ciangin note in keima tecite na hi uh hi,” Topa in ci hi.

Tedim Bible Revision 2017

¹² Note lakah pasian dang a om ma-in hon khia-in, pulakin, ka gen khol hi. Tua ahih ciangin note pen keima teci na hi uh hi,” Topa in ci hi.

Isaiah 43:12 Referans Kwoze

Isaiah 43:10

“Note in keima tecite na hi uh hi,” Topa in ci a, “Kei pen Amah ka hihna thu, nangmah in thei-in keimah nong up nading leh na theihtel theih nadingin kong teelsa ka nasempa na hi hi. Kei’ ma-in pasian om lo a, kei’ khit ah zong kuamah om lo ding hi.

Thu-hilhkikna 32:12

Topa bek mah in amaute makaih a, amaute kiangah gamdang pasian om lo hi.

Isaiah 44:8

Lau kei un la, kihta kei un; tanglai pek panin note kiangah hong genin pulak khin hilo ka hi hiam? Note in keima tecite na hi uh hi! Kei sim loh Pasian dang om ahi hiam? Suangpi dang om lo hi; khat beek ka thei kei hi,” ci hi.

Isaiah 37:20

Tua ahih ciangin Topa aw, nang bek Pasian na hihna leitung kumpi gam khempeuh in a theih nadingin, tu-in ama khut sung panin kote hong honkhia in,” a ci hi.

Isaiah 37:7

En un, ama sungah kha khat ka guan ding a, amah in kamlengsawn khat za-in, ama gamah a ciahkik nading lungsim ka guan’ ding hi; ama gam sungah namsau tawh amah ka tuksak ding hi,’ ci-in gen un,” a ci hi.

Thu-hilhkikna 32:16

Amaute in pasian dangte tawh ama hazat theih nadingin gamta uh a, a kihhuai gamtatnate tawh amaute in amah hehsak uh hi.

Isaiah 45:19

Keimah in mun simtham, khuamialna gam sungah thu ka gen kei hi; Jakob’ suan leh khakte kiangah, ‘A awngthawl mun sungah kei hong zong un,’ ka ci kei hi. Keimah Topa in thuman ka gen a, a man nate ka pulak hi.

Thu-hilhkikna 32:39

“Tu-in thei un, Keimah a kicipa in Kei ka hi hi, Kei sim loh pasian dang om lo hi; ka that a, ka nungta sak hi; ka liam sak a, ka dam sak hi; ka khut sung pan a honkhia zo kuamah om lo hi.

Isaiah 55:4

En un, amah pen mite tungah teci ding, mite a makai ding leh a ukpa dingin ka koih hi.