Isaiah 43:11 - Tedim Bible

¹¹ Kei, keimah in Topa ka hi a, kei sim loh honpa dang om lo hi.

Tedim Bible Revision 2017

¹¹ “Kei, keimah pen Topa ka hi a, kei sim loh honpa dang om lo hi.

Isaiah 43:11 Referans Kwoze

Hosea 13:4

Keimah in Izipt gam pana kipan note’ Topa Pasian ka hi hi. Tua hun lai-in kei sim loh Pasian dang na thei kei uh a, note a hong honkhiapa in kei bek ka hi hi.

Isaiah 44:6

Topa, Israel Kumpipa leh amah Honpa, Vanglianpen Topa in hih bangin gen a: “Keimah in a masa pen leh a nunung pen ka hi hi; kei sim loh Pasian dang om lo hi.

Isaiah 43:3

Bang hang hiam cih leh keimah in Topa na Pasian, Israelte’ Siangtho Pa, nangmah hong Honpa ka hi hi. Nangmah tat nadingin Izipt ka pia a, nangmah khek nadingin Ethiopia leh Seba ka pia hi.

Sawltak 4:12

Tua mi simloh midang tungah gupna thu a om kei hi. Bang hang hiam na cih uh leh, ama min simloh eite’ gupna ngah nadingin hong kipia mindang khat beek van nuai mite lakah a om kei hi,” ci-in a gen hi.

Isaiah 12:2

“En in, Pasian in keima kihotkhiatna ahi hi; amah ka muang ding a, ka lau kei ding hi; bang hang hiam cih leh Topa Pasian in thahatna leh vangliatna hong pia a, amah in keimah hong honkhiapa ahi hi,” a cih hun uh hong tung ding hi.

Isaiah 44:8

Lau kei un la, kihta kei un; tanglai pek panin note kiangah hong genin pulak khin hilo ka hi hiam? Note in keima tecite na hi uh hi! Kei sim loh Pasian dang om ahi hiam? Suangpi dang om lo hi; khat beek ka thei kei hi,” ci hi.

Thu-hilhkikna 6:4

“Israelte aw, za un; Topa i Pasian in Topa khat bek ahi hi;

2 PETER NIHNA 3:18

Hehpihna thupha ah ahi zongin, i Topa leh Honpa Zeisu Khazih theihtelna ah ahi zongin na khangto un. Tua Topa tungah tu-a kipan a tawntungin minthan’na om ta hen. Amen.

Luka 2:11

Tuni-in, David’ khua-ah Topa Khazih ahi hong Gumpa in note adingin a suak zo hi.

Hosea 1:7

Ahi zongin Judah mite ka hehpih ding a, namsau leh thal, sakol leh sakol tung tuangte, leh galsimna tawh hi loin, amaute’ Topa, Pasian ahi keimah mah in amaute ka honkhia ding hi,” a ci hi.

Mangmuhna 1:11

“Nangmah in na muhte, lai sungah gelh in la, Efesa khua, Smurna khua, Pergamum khua, Thiatira khua, Sardis khua, Filadelfia khua, Laodikia khua-ah om pawlpi sagihte kiangah khak in,” ci-in hong genna kam ka za hi.

1 JOHAN MASA 4:14

Pa in a Tapa leitungmite’ Gumpa a suah nadingin hong sawl thu kote in thei-in teci ka pang uh hi.

Titu 2:13

nialin; tu lai hunin khuaval zulhtat lohna, thuman gamtatna, Pasian biakna lamah nopsakna bawl nadingin, Pasian’ hehpihna thupha hong kilang a, mi khempeuh kiangah gupna thu hong paipih zo hi.

Luka 1:47

Keimah hong gum Topa Pasian hangin ka kha a nuam hi.

Late 3:8

Hotkhiatna in Topa, Nangma hang ahi hi; na mite tungah na thupha hong tung ta hen!

Isaiah 19:20

Tua pen, Vanglianpen Topa’ adingin Izipt gam sungah lim leh teci hi ding hi; a nengniam mite’ bawlsiatna hangin Topa’ tungah amaute a kiko ciangin, amah in amaute’ tungah honpa khat sawl ding a, amaute hu’ in khahkhia ding hi.

Isaiah 42:8

Keimah in Topa ka hi a, Topa pen keima min ahi hi; Pasian dang’ tungah keima minthan’na ka ngahsak kei a, a kisui milimte tungah zong keimah hong kiphatnate bang ka ngah sak kei hi.

Isaiah 60:16

Nupi khat in a ta nawi pia-in limtakin a kep bangin, ninamte leh kumpite in nang hong vakin hong kem ding uh hi. Tua ciangin kei pen Topa, nangmah Honpa, nangmah Tankhiapa, Jakob’ Vanglian Pa ka hihna na thei ding hi.

Zekhariah 9:9

Zion mite aw, nakpi takin lungdam un. Jerusalem mite aw, lungdamin awng un. En un, na kumpipa uh hong pai hi. Amah, dikna leh gupkhiatna tawh hong pai a, ahi zongin kiniamkhiatna tawh hong pai-in sin nai loh lano tungah hong tuang hi.

Jonah 2:10

Tua ciangin Topa in tua ngapi sawl a, amah in lei keu tungah Jonah a luakhia hi.