Isaiah 43:1 - Tedim Bible

¹ Ahih hangin, Jakob aw, nangmah hong piangsakpa, Israel aw, nangmah hong bawlpa, Topa in tu in hih bang ci hi: “Nangmah hong honkhia khin ka hih manin lau kei in; na min tawh nang kong sam khin zo a, nang in kei’ aa na hi hi.

Tedim Bible Revision 2017

¹ Ahih hangin Jakob aw, nangmah hong piangsak pa, Israel aw, nangmah hong bawlpa, Topa in tu-in hih bang ci hi: “Hong hon khia khin ka hih manin lau kei in. Na min tawh kong sam khinzo a, nang pen kei-aʼ na hi hi.

Isaiah 43:1 Referans Kwoze

Late 100:3

Topa pen Pasian a hihna thei un! Eite hong bawlpa in amah hi a, eite in ama aa i hi hi; eite in ama mi i hi a, ama gan khahna sunga a tuute i hi hi.

Zekhariah 13:9

Tua a suakta seh khatte pen, meikhukah ngun a kisian’sak bangin, meikhukah kham a kize-et bangin, meikhukah ze-etin ka siangsak ding hi. Amaute in kei tungah thu hong ngenin, kei zong amau’ hong ngetna ka pia ding hi. Keima mi ahihna uh, amaute tungah ka gen ding a, amaute in, kei pen, amau’ Pasian ka hihna thu, a kam uh tawh pulak ding uh hi,” a ci hi.

Titu 2:14

Tua Topa in mawhna khempeuh sungpan eite hong tankhia dingin ahi zongin, gamtatna ahoihte ah lungsim utna nei-in, ama hong neihtuam dingin, ama ading siangthosak dingin ahi zongin eite ading ama pumpi a pia hi.

Mangmuhna 5:9

“Nangmah in laibu la-in, ciamtehnate hong dingin na kilawm hi. Bang hang hiam na cih leh, thahna na thuak khit ciangin mi nam khempeuh, kam khempeuh, pawl khempeuh, gam khempeuhte sung panin, Pasian ading na sisan tawh lei-in,

Efesa 2:10

Bang hang hiam na cih uh leh, eite in gamtat hoih i gamtat nadingin Khazih Zeisu sungah a pian’sak ama bawlsa i hi hi. Tua gamtatna pha eite in i gamtat nadingin Pasian in tua gamtatna a na siam khol zo hi.

Isaiah 42:6

“Keimah in Topa ka hi a, thumanna tawh nangmah hong samin, ka khut tawh nang hong lenin kong kem hi; mittawte a vaksak ding, leinuai thong sung panin thongkiate a lakhia ding, thong sung a mialna mun a, a tu mite a lakhia dingin, mite tungah thuciamna ahi ding, Gentailte tungah khuavak ahi dingin nang kong koih khin hi.

2 TIMOTI NIHNA 2:19

Ahih hangin, “Topa in ama mite a thei hi,” ci-in ahi zongin, “Topa’ min a muangte in dik lohna pan paikhia hen,” ci-in ahi zongin ciamtehna a om, a to mahmah Pasian’ bulpi in, kipin a om hi.

Isaiah 44:2

Nangmah a hong bawl, gil sung panin nang a hong piangsak, nang a hong huh ding Topa in hih bangin ci hi: Ka nasempa Jakob aw, ka teelsa Israel aw, lau kei in.

Isaiah 41:14

Lungno bang ahi lel Jakob, Israel mite aw, lau kei un! Note kong huh ding hi, Topa in ci hi; note hong Tanpa in Israelte’ Siangtho Pa ahi hi.

Ezekiel 16:8

“Nang kong muhkhak kik ciangin pasal nei thei ding hun na hita hi. Na pum guak-a a om kimlai, ka puan tawh kong khuh a, na zumhuaina teng hong seelsakin, teen’pih dingin kam kong ciam hi. Kong kamciamna tangtung sakin nang in keima aa nong suak hi,’ Topa Pasian in ci hi.

Jeremiah 50:34

Ahih hangin amaute a Tankhiapa hat a, a vanglian Topa kici hi. Amah in leitungah kilemna a om nading leh Babilon mite in gimna a ngah nadingin, amaute adingin a sem ding hi.

Paikhiatna 33:17

Topa in Moses' kiangah, “Nangma gensa hih thu mahmah keimah in ka hih ding hi; bang hang hiam cih leh ka muhna-ah nang in maipha na ngah zo a, na min-in nang kong thei hi,” a ci hi.

Malakhi 3:17

Topa in hih bangin ci hi: “Tua a kiciamteh mite pen keima mite hi ding uh hi. Keimah in na ka sep ni ciangin, amaute in keima neihtuam taktak mite hi ding uh hi. Pa in ama thu a mang a tapa a hehpih mah bangin, kei zong amaute ka hehpih ding hi.

Sawltak 27:25

Tua ahih ciangin tote aw, lungnuamin om un. Bang hang hiam na cih uh leh, kei tungah thu hong piak bang ahih ding Pasian suangin ka om hi.

Jeremiah 31:3

gamlapi pek panin Topa ka kilang hi. Keimah in nang tawntung itna tawh kong it a, tua ahih manin nang’ tungah kong thuman tawntung hi.

Piancilna 32:28

Tua ciangin amah in, “Na min Jakob kici nawn loin Israel kici ding hi, bang hang hiam cih leh Pasian leh mite tawh na kilai khin a, na zo hi,” ci hi.

Late 102:18

A suak nai lo mite in Topa a phat theih nadingun, hong tung ding khang mite’ adingin hih thu kiciamteh hen:

Thu-hilhkikna 32:9

Ahi zongin Topa’ tanh in ama mite hi a, Jakob suante pen a kipia ama luah ahi hi.

Isaiah 49:1

Tuipi kulh gamte aw, ka thu ngai un la, gamlapi-a om mihingte aw, ngai un. Ka suah ma-in Topa in kei hong sam a, ka nu’ sungah ka om lai-in amah in ka min hong phuak hi.

Jeremiah 33:24

“Hih mite in, Topa in a teelsa Israel leh Judah minam tegel a nusia ta hi, ci-a a gen uh thei kha lo na hi hiam? Tua bangin amaute in ka mite a simmawh uh a, amau’ muhna-ah gam khatin zong a sim nawn kei uh hi.

Isaiah 62:12

Amaute pen A siangtho mi, Topa’ tatkhiat mite kici ding a, nang pen a Kizongkhia, a kinusia lo khuapi hong kici ding hi.

Isaiah 48:17

Israelte’ Siangtho Pa, nangmah hong Tan, Topa in: Keimah in, phattuamna na ngah nading a, a hong hilh, na zuih ding a, kilawm lampi-ah a hong paipih Topa na Pasian ka hi hi.

Jeremiah 33:26

Jakob leh ka nasempa David’ suante ka nial ding a, Abraham, Isaak leh Jokob’ suante a uk dingin amaute’ lakah mi khat ka teel kei ding hi. Tu-in tua bang hi loin amaute ka hausak kik ding a, ka hehpih ding hi,” a ci hi.

Paikhiatna 15:13

“Nangmah in na ciamsa zui-in na tatkhiatsa mite na paipih hi, nangmah in na hatna tawh a siangtho na omna-ah amaute lam na lak hi.

Isaiah 63:16

Bang hang hiam cih leh, Abraham in kote hong huh loin, Israel in kote hong phawk loh hangin, nangmah in kote’ Pa na hi hi; Topa aw, nangmah in kote’ Pa na hi a, nangmah in tanglai pek pan kote hong Tankhia-pa na hi hi.

Sawltak 27:20

Ni leh kha leh aksite sawt veipi kimu loin, huihpi nakpi nung ahih ciangin, ka suahtak ding uh lametna a om kei hi.

Paikhiatna 15:16

Launa leh kihtakna amau' tungah tung a, nangmah' thahat vangliatna hangin amaute suangtum bangin taang loin om uh a, Topa aw, nangma' mite in a khen’ mateng, nangma' leisa mite in a khen’ mateng, amaute khikcip uh hi.

Isaiah 27:11

A hiangte a keu ciangin kitan hi: nupite hong pai-in mei-in cih uh hi. Hih mite in khentel theihna nei lo ahih ciangin amaute a bawlpa in amaute hehpih lo ding a, amaute a piangsakpa in amaute tungah maipha lak lo ding hi.

Isaiah 43:5

Nang tawh hong omkhawm ka hih manin lau kei in; nisuahna lam panin na suan leh khakte kong paipih ding a, nitumna lam panin na mite kong kaikhawm ding hi.

Isaiah 48:20

Babilon panin paikhia-in, Khaldea gam panin tai in la, lungdamna tawh hih thu gen in la, tangko-in leimong dongin puak in; “Topa in ama nasem Jakob tankhia khin zo!” ci-in gen in.

Isaiah 52:9

A kisia Jerusalem munte aw, lasa-in kiko khawm un; bang hang hiam cih leh Topa in ama mite hehnem ta a, Jerusalem tankhia khin ta hi.

Isaiah 63:9

Ama ompihna vantungmi in amaute honkhia hi. Ama itna leh ama hehpihna tawh amaute tankhia a, amah in a beisa hun lui khempeuh ah amaute domto-in a pua hi.

Daniel 10:19

Amah in, “Lungnuam in la, lau kei in. Kihat sak in, zahtakna ngah pa aw,” a hong ci hi. Tua teng a hong gen khit ciangin ka tha hong khauh zaw a, “Topa aw, na gen ding peuhpeuh hong gen in, ka ci a hong damzaw diak hi,” ka ci hi.

Thu-hilhkikna 32:6

A hai, ngaihsutna nei lo mite aw, tua bangin Topa thuk ding na hi uh hiam? Amah in, note a hong piangsak, note hong bawlin a hong kipsak, na Pa uh hilo ahi hiam?

Thu-hilhkikna 32:15

“Israel mite thau mahmah uh a, a lehdo thei mi suak uh hi; note thau-in, lianpi pha-in, na zol uh hi; tua ciangin amaute a bawl Pasian amaute in nusia-in, amau’ a Honkhiapa thusim lo uh hi.

Isaiah 45:11

Amah a Bawlpa, Israelte’ Siangtho Pa, Topa in hih bangin ci hi: “Nang in keima tate’ thu hong dongin, ka khut tawh ka bawlsate tawh kisaite-ah thu hong pia ding na hi hiam?

Isaiah 49:26

Nang hong nengniam mite pen amau’ satak mah ka ne sak ding a, zukham bangin amau’ si mah kham ding uh hi. Tua ciangin, kei pen, Jakob’ Vanglian Pa, nang hong Tankhiapa, nang hong Honpa Topa ka hihna mi khempeuh in thei ding hi,” a ci hi.

Isaiah 51:13

Vantungte zal-in, lei bulpite a koih note a hong bawl Topa hong mangngilh khin ta na hi uh hiam? Note hong susia dingin a kithawi, no a hong nengniamte’ hehna, bang hangin kihta-in om tawntung na hi uh hiam? Amaute’ hehna in note hong sukha zo het lo ding hi.

Kah la 3:57

Na hong dawng a, lau lo dingin thu nong pia hi.